Misɔ́n mí Ɓáōmɓɛ 5:21 - Esaa-líat ɛ́ péná

²¹ Ɓaómɓɛ bú óglé áŋgɛl. La miyɛ́ mí kítí, bú kɛ á ndáá-ēcɛ́ŋ-Ɔlolómɛ̄, li pám wóŋ, bu ɓōtlé lí yéglɛ. Ɛnɛ́ ŋ̀kanʼyɛ ǹcɛ́ŋ a ɓatíi-nsúlé la elɔŋ yɛ́ɛ́ ɓá sɔ́, bú tɔ́ɔyɛ́ ɔ́ku-vicɛ́ŋ-ví-bíkāāhɛ́nɛ́, ví ví lɛ́ étɔ yé ɓácɛ̄ŋ bí ɓɔ́ɔ̄n bí Íslāɛl, la ɓɔ́ bú óm nɛ bí nyɔ̄ŋ ɓaómɓɛ á ndáá-m̀ɓog bí sɔ́la ɓɔ́.

Misɔ́n mí Ɓáōmɓɛ 5:21 ပူးပေါင်းရင်းမြစ်များ

Matéus 5:22

Ndí ma, mag laga ɓɛ́nɛ nɛ́: tɔ nzáá a ŋga álye mɔɔ́nyāŋ, bíg kɛ la nyɛ́ á bíkááhɛ́nɛ́. Nyɔ́ la nyɔ́ a ŋga kɛ́ li óŋo lí mɔ́ɔ̄nyāŋ nɛ́: ‹Ejóŋ-mut›! Bíg kɛla nyɛ́ á ŋkál á ɔ́ku-vicɛ́ŋ-ví-bíkāāhɛ́nɛ́. Nyɔ́ ki a ŋga óŋo nyɛ́ nɛ́: ‹Mut-a-nzeg›, a kɔ́ɔ́ nɛ́ bí léé nyɛ́ á éɓēl yé nzáan.

Lúkas 22:66

Ɛnɛ́ kítí ya kánda, ɔku ví ɓácɛ̄ŋ bí lílōmɛ, ɓakanʼyɛ ɓatíi-nsúlé la ɓayí-mbéndá bú kóman, la ɓɔ́ bú kɛ́la Yésus á voóm wāɓá á bikááhɛ́nɛ́.

Yohánɛs 18:35

Piláto ɔ pélē nyɛ nɛ́: «Ɓaá, mi lɛ mɔɔ́n Élōg-Yúda é? Lilóm jɔ́ɔ wā-mɛ̄n la ɓakanʼyɛ ɓatíi-nsúlé nɛ́ ɓá sɔ́la wa á yóg yáma. Wa ɓɔ̄ŋ hɔ́ yéé é?»

Yohánɛs 8:2

La miyɛ́ mí kítí, ɔ tímān á ndáá-ēcɛ́ŋ-Ɔlolómɛ̄, kaa ɓot bísɛ bí ŋgí sɔ́ ápah a lɛ, ɔ tɔ́ɔ̄ á sí, ɔ ɓōtlé lí yéglɛ.

Misɔ́n mí Ɓáōmɓɛ 22:15

La náŋ, wa nyɛ́ɛ lí ɓɛ́ lí mbóŋ yɛ́ɛ̄ á ɔsú ví ɓot bísɛ, á yé ɛ́sɛ ɔ ŋgɔ kɛ́ li ɛ́n la li ámble.

Misɔ́n mí Ɓáōmɓɛ 22:5

Ŋ̀kanʼyɛ ɓatíi-nsúlé la ɔku ví ɓácɛ̄ŋ bí lílōmɛ bíg la li tíi lí nyíŋ mbóŋ. Ákaa ɛ́sɛ, ɓɔ́ nɛ́ bí tíéé ma kálati ányúū Elōg-Yúda eceg mí ŋgí kɛ á tísɔn Dámas la miɔ́ŋɔ nɛ́ mi kág ɓáŋ bísɛ bí ɓɛ́ɛ́ wóŋ la misáŋ mí bícɛɛ, mi sɔ́la ɓɔ́ á Yélūsalɛm á lí kɔ́ghɛ lí ɓɔ.

Misɔ́n mí Ɓáōmɓɛ 5:17

Á míŋ mam mísɛ, ŋ̀kanʼyɛ ǹcɛ́ŋ a ɓatíi-nsúlé la ɓot bí elɔŋ yɛ́ɛ́ ɛ́sɛ, ɓot bí ɔ́ku ví Sadúkái bú álá ŋgandag,

Misɔ́n mí Ɓáōmɓɛ 5:27

Bú sɔ́la hɔ́ ɓáōmɓɛ, bú tɛ́ɛ́yɛ́ ɓɔ ɔ́sū ví ɔ́ku-vicɛ́ŋ-ví-bíkāāhɛ́nɛ́. Ŋ̀kanʼyɛ ǹcɛ́ŋ a ɓatíi-nsúlé ɔ bíhī ɓɔ nɛ́:

Misɔ́n mí Ɓáōmɓɛ 5:34

Váŋ nɛ́ mut wa á élɔŋ ɛ́ víŋ ɔ́ku bí ŋga yáŋa nɛ́ Gamáliɛl a tɛ́lɛ. A ɓɛ́ɛ́ mɔɔ́n Falísái, ŋ̀yí mbéndá nyɔ́ lilóm lísɛ lí ŋgí ditɛ. Ɔ kānʼyɛ́ nɛ́ bí pámɛ́ ɓaómɓɛ ányúū puh eceg.

Misɔ́n mí Ɓáōmɓɛ 5:41

Ɓaómɓɛ bú ɓógó la mivag ɔ́sū ví ɔ́ku-vicɛ́ŋ-ví-bíkāāhɛ́nɛ́, nɛ́ Ɔlolómɛ̄ a ɛ́n nsɛ́ŋ nɛ bí téeŋgɛ́ ɓɔ́ á jóō lí Yésus.