Misɔ́n mí Ɓáōmɓɛ 4:27 - Esaa-líat ɛ́ péná

²⁷ Kɔɔ la mbálɛ, Elóde la Pɔ́nsio Piláto, bikombo la milóm mí Íslāɛl ɓá kómān á nyí tísɔn, nɛ́ bí tɛ́ŋgánɛ Yésus, m̀ɓɔŋle wɔɔ mpúán nyɔ́ ɔ pɔhléé.

Misɔ́n mí Ɓáōmɓɛ 4:27 ပူးပေါင်းရင်းမြစ်များ

Matéus 14:1

Múŋ á yéŋ eceg, Elóde ŋ̀kanʼyɛ a Galiléa, ɔ ámblé pɔ́l Yésus,

Matéus 14:3

Ɛ́ lolóó nɛ́, Elóde a byelháánɛ Yohánɛs, ɔ kághánɛ̄ nyɛ la nsáŋ-á-bícɛɛ, ɔ óm nyɛ á m̀ɓog ányúū Elódiáda, ŋ̀gáá mɔ́ɔ̄nyāŋ Filípo.

Matéus 14:6

Ndí, á ɔ́lɔ̄ ví ŋgand libyáa lí Élóde, ŋgɔn nyí Elódiáda yu yém á ɔ́sū ví Élóde la ɓacɛn ɓɛ́ɛ́, náŋ ɔ nyɛ́ɛlé nyɛ.

Matéus 21:28

Yésus ɔ bíhī ɓakanʼyɛ ɓatíi-nsúlé la ɓacɛ́ŋ bí lílōmɛ nɛ́: «Miníg ɔ́ŋɔ láá la nyí pɔ́l é? Mut wa nyɔ́ŋ a ɓɛ́ɛ́la ɓɔɔ́n bí páam bíɓáa; ɔ sīŋglé nyɔ́ ɔsú á ŋgwáāg, aá la nyɛ́ nɛ́: ‹Á mɔ́ɔ̄n wama, ɔ kɛnɛg lɛn, ɔ sál á ǹdíí á bínyɛŋgɛ́n bí wáany.›

Matéus 23:37

«Á Yélūsalɛm, á Yélūsalɛm, wa nyɔ́ ɔ ŋgɔ ól ɓapɔ́tle-bí-Ɔ́lolómɛ̄, ndí ɔg ól ki ɓot ɓá ómlé wa la ŋgɔg. Ŋgele yáŋvéé ma sómo lí komanɛ lí ɓɔ́ɔ̄n ɓɔ́ɔ, ákaa m̀mín-á-kúú a ŋga kómanɛ ɓɔɔ́n ɓɛ́ɛ́ á sí mípaa, ndí manáh diŋ ɓé naŋ!

Matéus 27:2

Ámbúh náŋ, bú kág nyɛ la ɓɔ́ bú kɛ́la nyɛ́ á yóg gɔ́mna licɛ́ŋ Piláto.

Málkus 10:33

A byɛ́la ɓɔ́ nɛ́: «Léɓyán sig, biíg ɓét á Yélūsalɛm ápah Mɔɔ́n Mut a ŋga kɛ́ li nuŋlɛ á mɔ mí ɓákanʼyɛ ɓatíi-nsúlé la ɓayí-mbéndá. Bíg kɛ nyɛ li tíi lí ékɔ́ghɛ yé nyɛmb la li yōg lí nyɛ á mɔ mí ɓot bíh byɛ́ɛ́ ɓé ŋyéɓé la Ɔlolómɛ̄.

Málkus 15:31

Ɓakanʼyɛ ɓatíi-nsúlé la ɓayí-mbéndá ɓɔ́g bí ŋgí ɔl nyɛ́ nɛ́: «A sūŋ ɓot ɓatám, ndí a ŋgá la ɓé li suŋ lí nyɛ́-mɛ̄n!

Lúkas 1:35

La áŋgɛl yu pélē nyɛ nɛ́: «M̀búl Mpúán ág kɛ wa li suhle, la ŋguu Nyɔlɛ ɛ bútyɛ́ wa ákaa yíɓe, Ányúū náŋ nɛ́, nyɔ́ a ŋga kɛ́ li byáa ag ɓɛ́ mpúán, la li yáŋlɛ nɛ́: Mɔɔ́n Ɔlolómɛ̄.

Lúkas 22:63

Ɓot bí ŋgí tát Yésus bú ɓōtlé nyɛ li ɔl la li ɓom li nyɛ.

Lúkas 23:1

Váŋ nɛ́ ɓot bísɛ bí tɛ́lɓéé elɔŋ á li kɛla lí Yésus ɔ́sū ví Piláto.

Lúkas 4:18

M̀búl á Nyɔ́ŋ-Ɛsáŋɛ́ á káhɛ á lóō jáma, nyɛ́ nɛ́ a pɔ́hɔ̄ ma nɛ́ mi lɛgɛ ɓot bí ŋgɔ́ɔ́ Pɔ́l m̀ɓɛɛŋ. Ɔ óm ma li lɛgɛ lí ɓot-bí-míɓog nɛ́ bíg kɛ li tɛ́lɛ lí kundɛ; nɛ́ ɓot-bí-ndím bíg kɛ́ li ɛ́n, nɛ́ ɓá bí lɛ a ndutu, bíg kɛ́ li kuh lí étɔ́hɔ;

Lúkas 9:22

Ɔ lēgléné ɓɔ nɛ́: «Ɛ́g somlɛ nɛ́ Mɔɔ́n Mut a táká ŋgandag, nɛ́ ɓacɛ́ŋ bí lílōmɛ, ɓakanʼyɛ ɓatíi-nsúlé la ɓayí-mbéndá bí táŋɓán nyɛ́; bí ólhánɛ nyɛ́, ndí a páhyé á ɔlɔ́ vá yáhɛ áŋháa.»

Yohánɛs 1:11

Ɛ́ sɔ́ɔ́ á ndog yɛ́ɛ̄, tɔ la náŋ ndog yɛ́ɛ̄ yāh lɛ́gle ɓé yɔ.

Yohánɛs 10:36

Mā mut Etāa a pɔ́hɔ, ɔ óm á ŋkɔŋ-á-sí, ma nɛ́ miní ŋga laga nɛ́: ‹Ɔg vɔ́ɔ́le Ɔlolómɛ̄› ányúū nɛ́ ma lága nɛ́: ‹Mi lɛ Mɔɔ́n Ɔlolómɛ̄› é?

Yohánɛs 18:28

Ámbúh váŋ, bú ɓógo la Yésus á mbóg Kaífa, bú kɛla nyɛ́ á ndáá gɔ́mna licɛ́ŋ. Náŋ a ɓɛ́ɛ́ miyɛ́ mí kítí. Ɓot bí kɛ̄nɛ́ɛ́ la nyɛ́ bíh níŋgléé ɓé á ndáá, ánsī nɛ́ bí ɓɛ́ mipúú ɔ́sū ví Ɔlolómɛ̄, ndí bí la li dí lí ŋgand Páska nyí Elōg-Yúda.

Yohánɛs 18:29

Váŋ nɛ́ Piláto, a sɔ́ɔ́ ɓɔ́ li kɔ́p á ápūū, ɔ bíhī ɓɔ nɛ́: «Yɔɔ́yɔ́ɔ sɔ́mɔn miní byɛ́ɛ̄ likɔlɓan la nyɔ́ mut é?»

Yohánɛs 19:34

Ndí sónja ya, yu túú nyɛ mbaa la likɔŋ, á ékūyá-kúyá, micii la mindím bú pám.

Misɔ́n mí Ɓáōmɓɛ 10:38

Miníg yí nɛ́, nyɔ́ Yésus a Názalɛt, Ɔlolómɛ̄ a kúúlé nyɛ ŋguu la M̀búl Mpúán. A ŋgí ɓɔ̄ŋ m̀ɓɛɛŋ á ɓávoóm bísɛ a ŋgí loole, ag tɔɔyɛ ɓot bísɛ mbólí, ɓá ǹsɔhɔ a vá á sí likanʼyɛ jɛ́ɛ́, ányúū nɛ Ɔlolómɛ̄ a ɓɛ́ɛ́ la nyɛ́.

Misɔ́n mí Ɓáōmɓɛ 2:27

átɔm nɛ́, Ɛtáŋɛ, ɔ ŋgɔ́ kɛ ɓé ma lí mwahɛ nɛ́ mi tɔɓéné á ŋkɔŋ á ɓá ɓá wū, tɔ li mwahɛ nɛ́ liwándá jɔ́ɔ lí éceg ɛ́sɛ lí ɓɔl á sɔŋ.

Misɔ́n mí Ɓáōmɓɛ 4:30

Sámbá hɔ́ wɔ wɔ́ɔ á lí somo nɛ́ ɓot bí kuh mbólí-nyuú, nɛ́ ndembye-ɛ́-mam la binanaŋga bí mam bí ɓɔ̄ŋɓɛ́ɛ á joó lí Yésus, m̀ɓɔŋle wɔɔ mpúán.»

Elōg-Hébɛl 7:26

Ɔɔ, nyíŋ titih ǹtíi-nsúlé ǹcɛ́ŋ nɛ ɛ ŋgí sōmlɛ ɓɛ́hɛ, nyí ɛ lɛ mpúán, nyí ɛ lɛ̄ ŋgíla njɔm, ŋgíla aɓé, nyí ɛ sē ɓé á élɔŋ yé ɓáɓɔŋ-miɓé, nyí Ɔlolómɛ̄ a ɓétɛ́ á lóō lóō.