Misɔ́n mí Ɓáōmɓɛ 3:6 - Esaa-líat ɛ́ péná

⁶ Ndí Pétlos ɔ lága nyɛ nɛ́: «Mih byɛ́ɛ ɓé ma góol tɔ sílba, ndí yé mi byɛ́ɛ̄ mag tíi wa yɔ́. Á joó lí Yésus Kilístus nyɔ́ á Názalɛt, wɛɛ́!»

Misɔ́n mí Ɓáōmɓɛ 3:6 ပူးပေါင်းရင်းမြစ်များ

Matéus 10:9

«Miníh nyɔŋɔ́g ɓé bípah bí kápa bí góol, bí sílba, tɔ mɔní, á lí vá á mípēg máná,

Matéus 7:22

Ŋgandag ɓot múŋ á víŋ ɔlɔ́ ɛg kɛ ma lí laga nɛ́: ‹Ɛtáŋɛ, Ɛtáŋɛ ɓaá á jóō jɔ́ɔ ɓé nɛ bi ŋgí pɔ́tle é? Ɓaá á jóō jɔ́ɔ ɓé nɛ bi ŋgí dúhu mimbúl míɓē é? Ɓaá á jóō jɔ́ɔ ɓé nɛ bi ŋgí ɓɔŋ bínanaŋga bí mam é?›

Málkus 14:8

Nyɔ́ mindígá a ɓɔ̄ŋ yé a lá li ɓɔŋ. A kóm ma líbīndɛ ɔ́sū ví eceg á nyúū á li ɓoŋhan lí míje máma.

Málkus 16:17

Ndembye ɛ́ ŋga kɛ́ li wɛɛla lí ɓá bí ŋga kɛ́ li yéɓe ɛ́g ɓɛ́ nɛ́: á jóō jáma bíg kɛ li duhu lí mímbūl míɓē, bíg kɛ li pɔ́t lí mípɔ̄t mí péná,

Yohánɛs 19:19

Piláto ɔ cíi á puh eɓám, ɔ cɛ́ɛ yɔ á lóō lí mbásá, ɔ cíi muŋ nɛ́: «Yésus nyɔ́ a Názalɛt, káísa nyí Elōg-Yúda.»

Misɔ́n mí Ɓáōmɓɛ 10:38

Miníg yí nɛ́, nyɔ́ Yésus a Názalɛt, Ɔlolómɛ̄ a kúúlé nyɛ ŋguu la M̀búl Mpúán. A ŋgí ɓɔ̄ŋ m̀ɓɛɛŋ á ɓávoóm bísɛ a ŋgí loole, ag tɔɔyɛ ɓot bísɛ mbólí, ɓá ǹsɔhɔ a vá á sí likanʼyɛ jɛ́ɛ́, ányúū nɛ Ɔlolómɛ̄ a ɓɛ́ɛ́ la nyɛ́.

Misɔ́n mí Ɓáōmɓɛ 16:18

La nyɛ́ ɔ ɓɔ̄ŋ náŋ alɔ́ ŋgandag. Ɛnɛ́ Póol a yál naŋ, ɔ yáan, ɔ laga nyúŋ m̀búl nɛ: «Á joó lí Yésus Kilístus mag kanʼyɛ wa, pám nyɔ́ mindígá á nyúū!» Á ékūyá-kúyá, nyúŋ m̀búl wú pám nyɔ́ŋ mindígá á nyúū.

Misɔ́n mí Ɓáōmɓɛ 2:22

Á ɓɔ́ɔ̄n bí Íslāɛl, ámblán bíɓaŋgá byáma! Ɔlolómɛ̄ a étɛ́ ɓɛ́nɛ nzáá a mɓɛ́ Yésus mɔɔ́n Názalɛt, Li loole la nyɛ́, Ɔlolómɛ̄ a ɓɔ̄ŋ mínyāká, binanaŋga la ndembye ɛ́ mam yí ɓɛ́nɛ-mɛ̄n miní ŋga yí.

Misɔ́n mí Ɓáōmɓɛ 2:36

Ɓɛ́nɛ lilóm lí Íslāɛl lísɛ, maná nyɛ́ɛ li yí la mbálɛ nɛ́, nyɔ́ Yésus maná tomó á mbásá, Ɔlolómɛ̄ a ɓɔ̄ŋ nɛ a ɓɛ́ Nyɔ́ŋ-Ɛsáŋɛ́ la Nyɔ́-a-Pɔ́hlɛ.»

Misɔ́n mí Ɓáōmɓɛ 3:16

Li kele la ŋyéɓé á jóō lí Yésus, joó jé lá sɔ́lé lí manɛ lí nyɔ́ mut a tɛ́ɛ́ ɓɛ́nɛ ɔ́sū, nyɔ́ miní ŋga lēm, nyúŋ ŋyéɓé á ŋga sɔ́le la Yésus wá tɔ́ɔyɛ́ nyɔ́ mut mbólí á miíh máná ɓɛ́nɛ bísɛ.

Misɔ́n mí Ɓáōmɓɛ 3:5

Nyɔ́ŋ mut a ŋgí légɓe ɓɔ́ átɔm nɛ́ a ɓɛ́ɛ́ la lipitá nɛ bíg tíi nyɛ́ puh jam.

Misɔ́n mí Ɓáōmɓɛ 3:7

La Pétlos ɔ byée nyɛ á wɔ á m̀ɓɛ́nlómɛ, ɔ tɛ́ɛ́yɛ́ nyɛ. Á ékūyá-kúyá, mikoo la aɓáŋg wɛ́ɛ́ bú lēt.

Misɔ́n mí Ɓáōmɓɛ 4:10

Á lílōm lí Íslāɛl lísɛ la ɓáŋá bísɛ, yíán hɔ́ nɛ́, á joó lí Yésus Kilístus nyɔ́ a Názalɛt, nyɔ́ maná tomó á mbásá ndí Ɔlolómɛ̄ ɔ pāhyɛ́ nyɛ, la ŋguu yɛɛ́ nɛ nyɔ́ mut a tɛ́ɛ́ vá ɔ́sū váná a tɔ́ɔ̄ mbólí.

Misɔ́n mí Ɓáōmɓɛ 4:7

Bú lāgá nɛ bí sɔ́la ɓɔ́ Pétlos la Yohánɛs ɔ́sū váɓá, la ɓɔ́ bú ɓōtlé ɓɔ li bihi nɛ́: «Ɓaá, la yɔɔ́yɔ́ɔ ŋguu tɔ nɛ́ á joó lí nzáá maná ɓɔŋ míŋ mam é?»

Misɔ́n mí Ɓáōmɓɛ 9:34

Pétlos ɔ yó nyɛ nɛ́: «Á Énée, Yésus Kilístus a tɔ́ɔ̄yɛ́ wa mbólí, tɛ́lɛ́ ɔ vúlké sáŋkálɛ wɔ́ɔ wā-mɛ̄n.» Á ékūyá-kúyá, ɔ tɛ́lɛ.

Elōg-Kɔlínto 1 4:11

Li pám nɛ́-tɛ́ɛla á nyí ŋgɛ́ŋ, nzal ɛ ŋgí byɛ́ɛ́ ɓɛ́hɛ, evéhé ɛ́ byɛ́ɛ́ ɓɛ́hɛ, bi ŋgí lɛ̄ nsɔ́, bí ŋgí teeŋgɛ́gɛ́ ɓɛ́hɛ, bi ŋgí lɛ̄ ɓáwɛɛwɛɛ.

Elōg-Kɔlínto 2 6:10

bíg nyɔŋ ɓɛ́hɛ kaa miályāg mí ɓot ndí kí bi ɓáág jā mívag la mivag, bíg nyɔŋ ɓɛ́hɛ kaa ɓayɛ́ɛ́yɛ́ɛ ndí kí ɓɛ́hɛ nɛ́ bi lɛ ɓábyaŋɓɛ ɓot, bíg nyɔŋ ɓɛ́hɛ kaa ɓot bí ŋga yɛ́ɛ́ jóō nɛ́ jam ndí kí ɓɛ́hɛ nɛ́ bi byɛɛ́ mam mísɛ!

Elōg-Kɔlínto 2 8:12

Eceg miɔ́ŋɔ mí lɛ́ kɔɔ m̀ɓɛɛŋ, Ɔlolómɛ̄ ag lɛ́gle likaale mut a ŋga tíi li oŋle la yé a byɛɛ́, ndí ah li oŋle ɓé la yé ah byɛ́ɛ́ ɓé.

Elōg-Kɔlínto 2 8:9

La mbálɛ, miníg yí elɔ́ŋgɔ m̀mím yé Ɛtáŋɛ wahá Yésus Kilístus, nyɔ́ a lɛ nɛ́, átē a abyaŋ wɛ́ɛ́, a yáanɛ́ nyɛ́-mɛ̄n ŋ̀yɛ́ɛ́yɛ́ɛ ányúū yāná, nɛ́ ndí la liyɛ́ɛ́ jɛ́ɛ́ a byāŋɓɛ́ ɓɛ́nɛ.

Yákop 2:5

Ámblán á élōgyāŋ yé édiŋ, ɓaá, ah Ɔlolómɛ̄ ɓé nɛ a pɔ́hɔ̄ ɓá bí lɛ́ ɓáyɛ̄ɛ̄yɛ́ɛ li oŋle la liɛ́nɛg lí ɓot bí ŋkɔŋ-á-sí, á lí byaŋɓɛ lí ɓɔ á ŋyéɓé, la li yaanɛ lí ɓɔ ɓakoto-embámbá yé Ékombo-lóō yé a kákānɛ̄ ɓot bí ŋga dīŋ nyɛ́ é?

Pétlos 1 4:10

Miníg óŋghan ɓɛ́nɛ la ɓɛ́nɛ, mut sig lí oŋle la likaale Ɔlolómɛ̄ a tí nyɛ, ákaa tāŋ ɓáɓɔŋle yí ɛ́ ŋga nyɔ̄ŋ eceg la patí míkaale Ɔlolómɛ̄ a tí ɓɔ.