Misɔ́n mí Ɓáōmɓɛ 3:23 - Esaa-líat ɛ́ péná

²³ Ndí, tɔ nzáá a ŋgá kɛ ɓé lí ámble lí nyɔ́ŋ m̀pɔ́tle-a-Ɔlolómɛ̄, bíg kɛ nyɛ́ lí ɓógtɛ á lílōm lí Ɔ́lolómɛ̄.

Misɔ́n mí Ɓáōmɓɛ 3:23 ပူးပေါင်းရင်းမြစ်များ

Málkus 16:16

Nyɔ́ a ŋga kɛ́ li yéɓe ndí á kūh nzoɓan, ag kɛ li suŋɓɛ. Ndí nyɔ́ a ŋgá kɛ ɓé lí yéɓe ag kɛ li kuh lí ékɔ́ghɛ.

Yohánɛs 12:48

Nyɔ́ a ŋga pún ma, ndí ah lɛ́gle ɓé ki éɓaŋgá yáma, a kūh ŋ̀kááhɛ wɛɛ́. Eɓaŋgá ma lɛ́gɛ, ɛ́g kɛ nyɛ́ lí kááhɛ á ɔlɔ́ vá tiile.

Yohánɛs 8:24

Jɔ́ hɔ́ nɛ́ ma lága ɓɛ́nɛ nɛ́, miníg kɛ li wú átē a miɓé máná. La mbálɛ, kíyáɓɛ́nɛ manáh yéɓe ɓé nɛ má Mi Lɛ, miníg kɛ li wú átē a miɓé máná.»

Misɔ́n mí Ɓáōmɓɛ 2:41

Ɓáŋ bísɛ bí yéɓyéé yéŋ eɓaŋgá yɛ́ɛ́ bú kūh nzóɓan. Víŋ ɔlɔ́, jam-kaa akóó á ɓot áŋháa wú byáŋ élɔŋ la ɓɔ́.

Elōg-Hébɛl 10:39

Ɓɛ́hɛ, bi sē ɓé ɓɛ́hɛ ɓatiman-la-mbúh á li kɛ á njáŋgá, ndí bi lɛ ɓot bí ŋyéɓé ányúū lisuŋga jáhá.

Elōg-Hébɛl 12:25

Nyɔŋán lítāt, miníh púnúg ɓé lí ámble lí nyɔ́ la nyɔ́ a ŋga pɔ́tɛ ɓɛ́nɛ. Átɔm nɛ́, kíyáɓɛ́nɛ ɓɔɔ́n bí Íslāɛl ɓáh véé ɓé ékɔ́ghɛ eceg bí ŋgí pún lí ámble lí Móse kí ag ɓóŋyɛ ɓɔ́ mam mú á ŋkɔŋ-á-sí, ɛbuu-la-ŋgele yáŋvéé la ɓɛ́hɛ, kí bu pún lí ámble lí nyɔ́ a ŋga pɔ́thɛ́nɛ ɓɛ́hɛ á lóō é?

Elōg-Hébɛl 2:3

Nɛ́-láá hɔ́ ɓɛ́hɛ-mɛ̄n bi ŋga lá li véé lí ékɔ́ghɛ kíyáɓɛ́nɛ ɓaá yaŋá bíɓaŋgá bí ŋga sɔ́la nyíŋ taŋ lisuŋga é? Jéŋ lisuŋga nɛ́ Nyɔ́ŋ-Ɛsáŋɛ́ nyɛ́-mɛ̄n a dúgléé lí lɛgɛ, ámbúh nyɛ́, ɓot bí ámbléé nyɛ́ bú tímān ɓɛ́hɛ li yīgyɛ lí nlemlem á jam,

Biyɛ́ɛ́léné 13:8

Ɓot bí ŋkɔŋ-á-sí bíg kɛ yɔ li ɓégɛ, ɓá moó máh ciiɓɛ ɓé á kálati eniŋ li ɓotle á míɓōtlé mí ŋkɔŋ-á-sí; á kálati eniŋ nyí mɔɔ́n ntómbɛ́ ɓá ól.

Biyɛ́ɛ́léné 20:15

Ndí nyɔ́ la nyɔ́ jóō líh cíiɓɛ ɓé á kálati nyí eniŋ ɔ lɛ̄ŋgɓɛ́ á yéŋ ébúle yé nzáan.