Misɔ́n mí Ɓáōmɓɛ 3:15 - Esaa-líat ɛ́ péná

¹⁵ Ŋ̀kanʼyɛ a eniŋ nyɔ́ maná ólhānɛ, Ɔlolómɛ̄ a pāhyɛ́ nyɛ á póla ɓá ɓá wū, bi lɛ mbóŋ míŋ mam.

Misɔ́n mí Ɓáōmɓɛ 3:15 ပူးပေါင်းရင်းမြစ်များ

Lúkas 24:48

Ɓɛ́nɛ nɛ́ miní lɛ́ mbóŋ míŋ mam.

Yohánɛs 1:4

La yɔ́ nɛ́ jam sig lá kuh éniŋ, la eniŋ yú ɓɛ́ mipúú mí ɓot.

Yohánɛs 10:28

Jɔ́ nɛ́, mag tíi mɔ́ éniŋ éɓem; m̀ɓá-mɓá mí ŋgá kɛ ɓé li jáŋ, mut tɔ wa ki a ŋgá kɛ́ ɓé mɔ li la lí lí ɓógtɛ á mɔ máma.

Yohánɛs 14:6

Yésus ɔ pélē nyɛ nɛ́: «Ma nɛ́ mi lɛ nzen, mbálɛ, la eniŋ. Mut tɔ wa a ŋgá kɛ ɓé á yóg Etāa kíyáɓɛ́nɛ āh loolé ɓé la ma.

Yohánɛs 17:2

Kasig wa tí nyɛ ŋguu á li ɓɛ́ á lóō lí ɓot bísɛ, nyɛ́g ag tíi ɓáŋ bísɛ wa tí nyɛ eniŋ éɓem.

Yohánɛs 4:10

Yésus ɔ pélē hɔ́ nyɛ nɛ́: «Ki ɓɔŋ nɛ́ ɔg yí likaale lí Ɔlolómɛ̄, la nzáá a ŋga lága wa nɛ́ tí ma mindím mí lí nyú, kí wa nɛ́ ɔ ŋgɔ yága nyɛ́ mɔ́, la nyɛ́ a tí wa míndīm mí éniŋ.»

Yohánɛs 4:14

ndí tɔ nzáá a ŋga kɛ́ li nyú lí míndīm mi ŋga kɛ́ nyɛ́ lí tíi, m̀ɓá-mɓá evéhé ɛ́ ŋga kɛ ɓé pɛ nyɛ́ lí byee; á mveŋghanɛ́ mindím mi ŋga kɛ́ nyɛ́ lí tíi, á até wɛ́ɛ̄ míg kɛ li yaan lí líŋgɛ̄n ápah eniŋ éɓem ɛ́ ŋga pámle.»

Yohánɛs 5:26

Kasig Etāa a byɛ́ɛ̄ éniŋ la nyɛ́-mɛ̄n, náŋ ki nɛ́ a tí Mɔɔ́n lí ɓɛ́la lí éniŋ la nyɛ́-mɛ̄n.

Misɔ́n mí Ɓáōmɓɛ 1:22

li ɓotle á nzóɓan Yohánɛs, li pám á ɔ́lɔ̄ ví a nyɔŋɓɛ́ɛ á lóō ɔ́sū váhá, ɛ́g somlɛ hɔ́ nɛ wa á póla yaɓá a yáan mbóŋ lipahye jɛ́ɛ́ elɔŋ la ɓɛ́hɛ.

Misɔ́n mí Ɓáōmɓɛ 2:24

Ndí Ɔlolómɛ̄ a pahyɛ́ɛ́ nyɛ́, ɔ ɓógtɛ́ nyɛ á átē á ésɔghe yé nyɛ̄mb átɔm nɛ́, nyɛmb ɛh ɓɛ́ɛ́la ɓé ŋguu li byee lí nyɛ.

Misɔ́n mí Ɓáōmɓɛ 2:32

Nyɔ́ Yésus, Ɔlolómɛ̄ a pāhyɛ́ nyɛ. Ɓɛ́hɛ bísɛ bi lɛ mbóŋ.

Misɔ́n mí Ɓáōmɓɛ 4:2

Bí ɓɛ́ɛ́ ŋ̀ályag ŋgandag li ɛ́n lí ɓɔ nɛ́ bíg yéglɛ lilóm, la li lɛgɛ nɛ́, ákaa Yésus, ɓot ɓá wú bíg la li pahye.

Misɔ́n mí Ɓáōmɓɛ 5:31

Nyɛ́ nɛ́ Ɔlolómɛ̄ a ɓétɛ́ á lóō la ŋguu yɛ́ɛ̄, ɔ tɛ́ɛ́yɛ́ nyɛ kaa Ŋ̀kanʼyɛ la Ǹsuŋ, á lí ɓɔŋ nɛ́ lilóm lí Íslāɛl lí vēŋé bilɛ́m la jɔ́ lí kuh elaakɛ-miɓé.

Elōg-Kɔlínto 1 15:45

Ányúū náŋ nɛ́ Lícii-Lipúán lí ŋga lága nɛ́: «Ádam, mut ɔsú a ɓɛ́ɛ́ éveglé yé míson la biveh yé yá kūh éniŋ.» Ádam nyɔ́ a tíile a lɛ M̀búl nyɔ́ a ŋga tíi eniŋ.

Elōg-Éféso 1:20

a éthɛ́nɛ́ ɓɛ́hɛ byɔ́ á Nyɔ́-a-Pɔ́hlɛ, eceg a pāhyɛ́ nyɛ á póla ɓá ɓá wū, ámbúh náŋ, ɔ tɔ́ɔyɛ́ nyɛ á m̀ɓɛ́nlómɛ wɛɛ́ á ékombo-lóō.

Elōg-Hébɛl 12:2

Eceg bi ŋga nāŋga m̀bíí, miíh máhá mí ɓɛ́ ja á mbóg Yésus, nyɛ́ nɛ́ a légē ɓɛ́hɛ nzen nyí ŋyéɓé, nyɛ́ ki nɛ́ a ŋga kɛ́ wɔ́ lí pámla á lísūg, nyɛ́ nɛ́, a mwáhɛ́ mívag mí mɓɛ́ nyɛ̄ ɔ́sū, la nyɛ́ ɔ yéɓé nyɛmb nyí mbásá átē a eɔ́hánɛ, ɛ́h ɓɛ́ ɓé lí nyɔŋ lí éceg la mbɔɔla ɛsɛ̄ nyíŋ nyaa nyɛmb ɛ ŋga tíi. Ndí nyí vɔ́ŋɔ́ɔ, a tɔ́ɔ á m̀ɓɛ́nlómɛ a etɔɓé-líkanʼyɛ yé Ɔ́lolómɛ̄.

Elōg-Hébɛl 2:10

Ákaa ɛ́sɛ, Ɔlolómɛ̄ nɛ a vēg jóō nɛ́ jam, jam sig ki lú ɓɛ́ ɛjɛ́ɛ́. Kóó yɛ́ɛ̄ ɛ lɛ́ nɛ́ ɔbul ví ɓot ví yaan ɓɔɔ́n ɓɛ́ɛ́ la ɓɔ́ bí nyɔŋ ŋgaan á lípēm jɛ́ɛ́. Kaa Yésus nɛ́ a ŋgí nyɛɛ li ɓɔŋ nɛ́ bí sūŋɓɛ̄, ɛ́ ŋga sōmlɛ nɛ́ la bisɔghe byɛ́ɛ́ a ŋga kuh, a ɓɛ́ nyɔ́ a kɔɔ́ ɓɔ́ lí suŋ.

Elōg-Hébɛl 5:9

A óglé nɛ́-tɛ́ɛ ɔ yáan nyɔ́ a kɔɔ́ lí ɓɔŋ nɛ́ ɓot bísɛ bí ŋga ógle nyɛ́ bí kuh lísuŋga lí pɔ́gɔ́-pɔgɔ,

Yohánɛs 1 5:20

Biíg yí ki nɛ́, Mɔɔ́n Ɔlolómɛ̄ a sɔ́, la nyɛ́ ɔ tí ɓɛ́hɛ eyí, á lí ɓɔŋ nɛ́, bi yí Loó-lí-mbálɛ. Bi lɛ la Loó-lí-mbálɛ bu ɓɛ́ ki la Mɔɔ́n wɛ́ɛ̄ Yésus Kilístus. Nyɛ́ nɛ́ a lɛ Loó-lí-mbálɛ ɔ ɓɛ́ ki eniŋ éɓem.

Biyɛ́ɛ́léné 21:6

La nyɛ́ ɔ lága sīg-pɛ ma nɛ́: «Mɔ́mísɛ má yál. Mi lɛ Álfa la Oméga, miɓotlé la lisúg. Nyɔ́ la nyɔ́ evéhé ɛ́ byɛ́ɛ̄, mag kɛ nyɛ́ lí tíi lí míndīm mí líŋgɛ̄n lí éniŋ yɛmɛ́.

Biyɛ́ɛ́léné 22:1

Ámbúh náŋ, áŋgɛl yu étɛ́ ma Yohánɛs lɔm lí míndīm mí éniŋ, mí ŋga páa ákaa elembán. Míŋ mindím míg pámléne á étɔɓé-líkanʼyɛ yé Ɔ́lolómɛ̄ la yé mɔ́ɔ̄n ntómbɛ́.

Biyɛ́ɛ́léné 22:17

M̀búl Ɔ́lolómɛ̄ la sɔ́mbɔ́ mindígá bíg lága nɛ́: «Sɔ́!» Tɔ nzáá a ŋga ámble nyɛ́g a lágá nɛ́: «Sɔ́!» Tɔ nzáá évēhé ɛ́ byɛ́ɛ̄ a sɔ̄. Tɔ nzáá a byɛ́ɛ̄ kóó li nyú lí míndīm mí éniŋ, a kūh mɔ́ yɛmɛ́.