Misɔ́n mí Ɓáōmɓɛ 27:3 - Esaa-líat ɛ́ péná

³ Á ɔlɔ́ ví ŋgí oŋ víŋ, bu cág yágá á Sídon, kasig Yúlius a ŋgí táthan la Póol, ɔ mwahɛ́ yágá nyɛ nɛ́ a kɛ́ a ɛ́n miwándá mɛ́ɛ́ nɛ́ mí óŋgánɛ nyɛ́.

Misɔ́n mí Ɓáōmɓɛ 27:3 ပူးပေါင်းရင်းမြစ်များ

Matéus 11:21

«Eɓéé-nyúū la wa á tísɔn nyí Kolásin! Eɓéé-nyúū la wa á tísɔn nyí Betsaída! Ányúū nɛ, kí ɓɔŋ nɛ́ bí binanaŋga bí mam, bí byá ɓɔ̄ŋɓɛ́ á yóg yāná bí ɓɔ̄ŋɓɛgɛ ja á tísɔn nyí Tíil la nyí Sídon, kí ɓɛɛvéé ɓatɔɓene ɓáɓá bú jálɓán mípēg la li tɔɔ átē a lisuu á lí étɛ nɛ́ bí lɛ́ átē a esɔghe ecɛ́ŋ; ki bú vēŋé bílɛ̄m.

Misɔ́n mí Ɓáōmɓɛ 12:20

Kasig Elóde a ŋgí álye ɓot bí míkɔŋ mí Tíil la Sídon, ɓáŋ bú ámblán nɛ bíg kɛ nyɛ́ lí ɛ́n. Bú ɛ́n Balástus nyɔ́ a ŋgí sál á tuúm nyí káísa nɛ́ a óŋgánɛ ɓɔ́ nɛ́ bí kóm nsaŋ la Elóde, átɔm nɛ́ lidí lí míkɔŋ mí Tíil la Sídon lí ŋgí sɔ́léne á ékombo yé Elóde.

Misɔ́n mí Ɓáōmɓɛ 24:23

Ámbúh náŋ, ɔ kānʼyɛ́ ŋ̀kanʼyɛ nlɔŋ á éɓōgo ɛ́ sónja nɛ́ a tímānɛ Póol á ndáá-m̀ɓog, a ɓɛ́la eɓɔmblɛ-nyuú, ɛ́h ɓɛ́ ɓé lí céŋɛ lí mut wɛɛ́ tɔ wa nɛ́ a óŋgánɛ nyɛ́.

Misɔ́n mí Ɓáōmɓɛ 27:1

Eceg bisúghɛ́nɛ́ bí nyɔŋɓɛ́ɛ nɛ́ biíg kɛ á Itália, bú nyɔ̄ŋ Póol la ɓot-bí-míɓog ɓatám, bú vá ɓɔ́ á sí bitátlé bí Yúlius, ŋ̀kanʼyɛ nlɔŋ á eɓógo ɛ́ sónja, nyɔ́ a ɓɛ́ɛ́ sónja ya átē a livuŋ lí sónja yí Ogústo.

Misɔ́n mí Ɓáōmɓɛ 27:43

Ndí, kasig ŋ̀kanʼyɛ nlɔŋ á éɓōgo ɛ́ sónja a ɓɛ́ɛ́la kóó li suŋ lí Póol, ɔ púnɛ́ ɓɔ li yáhɛ lí nyíŋ peg. Ɔ kānʼyɛ́ nɛ ɓot bí ŋgá yí nyɔgí nɛ bí dúgú lí ɓɛ́han á míndīm bí ɔ̄g li kɛ á sí.

Misɔ́n mí Ɓáōmɓɛ 28:16

Ɛnɛ́ ɓaá pám á Lóma, Póol ɔ kūh kúndɛ li ɓɛ́la lí nlɛ́ɛ́ nyɛ́-ntámɛ́ elɔŋ la sónja ya ɛ ŋga tát nyɛ́.