Ákaa ɛ́sɛ, Póol a súghɛ́ɛ nɛ́ ag loo tísɔn Eféso ɛ́h ɓɛ́ ɓé nyɛ li tɛ́lɛ, á li ɓɔŋ nɛ́ ah loohɛ́gɛ́ ɓé eceg á Ásia. A ŋgí digɓan li kɛ, ányúū nɛ a ŋgí somo lí pám á Yélūsalɛm kíyáɓɛ́nɛ a láa, á ɔlɔ́ ví ŋgand-mpumu ɛ lɛ muúmítáan mí alɔ́ ámbúh Páska nyí Elōg-Yúda.
Ányúū náŋ nɛ́ ɓaá sɔ́hyé Títo nɛ́, nsɔ́n á lípūū-lí-m̀mím a ɓōtlé á yóg yāná, a mānɛ́ wɔ́ á nyaa m̀ɓɛɛŋ ákaa a ɓōtléé wɔ́, nyú á lí óŋgánɛ lí ndog-Ɔlolómɛ̄ nyí Yelúsalɛm.
La mbálɛ, miníg yí elɔ́ŋgɔ m̀mím yé Ɛtáŋɛ wahá Yésus Kilístus, nyɔ́ a lɛ nɛ́, átē a abyaŋ wɛ́ɛ́, a yáanɛ́ nyɛ́-mɛ̄n ŋ̀yɛ́ɛ́yɛ́ɛ ányúū yāná, nɛ́ ndí la liyɛ́ɛ́ jɛ́ɛ́ a byāŋɓɛ́ ɓɛ́nɛ.
Ákaa ɛ́sɛ, nsɔ́n a nyɔ́ŋ ŋkomanɛ́ a mikaale wáh nyɛɛ ɓé já lí ɓɛ́ ányúū li sɔ́la lí ndog-Ɔlolómɛ̄ yé ɛ byɛɛ́ kóó, ndí wá nyɛ́ɛ ki li ɓɔŋ nɛ́ ɓot bí loohan lí tíi lí Ɔ́lolómɛ̄ mítamlan.