Misɔ́n mí Ɓáōmɓɛ 22:30 - Esaa-líat ɛ́ péná

³⁰ Ɔlɔ́ ví ŋgí oŋ víŋ, a ŋgí somo li sɔ́ŋtánɛ tɛɛ́tɛ́ɛ ányúū yéé Élōg-Yúda yá sɔ́mánɛ́ Póol. Váŋ nɛ́ a kúhú nyɛ misáŋ mí bícɛɛ la nyɛ́ ɔ yáŋá líɓomán lí ɓakanʼyɛ ɓatíi-nsúlé la ɔku-vicɛ́ŋ-ví-bíkāāhɛ́nɛ́. Ámbúh náŋ ɔ súhɛ Póol, ɔ tɛ́ɛ́yɛ́ nyɛ ɔ́sū váɓá.

Misɔ́n mí Ɓáōmɓɛ 22:30 ပူးပေါင်းရင်းမြစ်များ

Matéus 10:17

Nyɔŋán lítāt la ɓot! Bíg kɛ ɓɛ́nɛ li kɛla á ndáá-míkāl, bí búté ɓɛ́nɛ á ndáá-míɓomán yáɓá.

Matéus 27:2

Ámbúh náŋ, bú kág nyɛ la ɓɔ́ bú kɛ́la nyɛ́ á yóg gɔ́mna licɛ́ŋ Piláto.

Matéus 5:22

Ndí ma, mag laga ɓɛ́nɛ nɛ́: tɔ nzáá a ŋga álye mɔɔ́nyāŋ, bíg kɛ la nyɛ́ á bíkááhɛ́nɛ́. Nyɔ́ la nyɔ́ a ŋga kɛ́ li óŋo lí mɔ́ɔ̄nyāŋ nɛ́: ‹Ejóŋ-mut›! Bíg kɛla nyɛ́ á ŋkál á ɔ́ku-vicɛ́ŋ-ví-bíkāāhɛ́nɛ́. Nyɔ́ ki a ŋga óŋo nyɛ́ nɛ́: ‹Mut-a-nzeg›, a kɔ́ɔ́ nɛ́ bí léé nyɛ́ á éɓēl yé nzáan.

Misɔ́n mí Ɓáōmɓɛ 21:11

Ɛnɛ́ a kɔ́p ɓɛ́hɛ, ɔ nyɔ̄ŋ ŋgóli Póol, ɔ kág mɔ la mikoo mɛ́ɛ́ nyɛ́-mɛ̄n, la nyɛ́ ɔ yó nɛ: «Ámblán yé M̀búl Mpúán a ŋga lága: ‹Mut a byɛ́ɛ̄ nyí ŋgóli, nzɛ́ bí ŋga kɛ́ nyɛ́ lí kág ná á Yélūsalɛm la ɓɔɔ́n bí Élōg-Yúda, la ɓɔ́ bí yōg nyɛ́ á mɔ mí ɓot bí sē ɓé ɓɔ́ɔ̄n bí Élōg-Yúda!›»

Misɔ́n mí Ɓáōmɓɛ 21:33

Ɛnɛ́ ŋ̀kanʼyɛ ǹcɛ́ŋ a ɔkóó ví sónja nyɔ́ a Lóma a sīŋglé Póol á ŋgwáāg, ɔ byée nyɛ, ɔ kānʼyɛ́ nɛ bí kág nyɛ́ la misáŋ mí bícɛɛ míɓáa. Ámbúh náŋ ɔ sómo lí yí lí nzáá a lɛ Póol la yé a ɓɔ̄ŋ.

Misɔ́n mí Ɓáōmɓɛ 22:5

Ŋ̀kanʼyɛ ɓatíi-nsúlé la ɔku ví ɓácɛ̄ŋ bí lílōmɛ bíg la li tíi lí nyíŋ mbóŋ. Ákaa ɛ́sɛ, ɓɔ́ nɛ́ bí tíéé ma kálati ányúū Elōg-Yúda eceg mí ŋgí kɛ á tísɔn Dámas la miɔ́ŋɔ nɛ́ mi kág ɓáŋ bísɛ bí ɓɛ́ɛ́ wóŋ la misáŋ mí bícɛɛ, mi sɔ́la ɓɔ́ á Yélūsalɛm á lí kɔ́ghɛ lí ɓɔ.

Misɔ́n mí Ɓáōmɓɛ 23:1

Váŋ nɛ́ Póol a tīŋ ɔ́ku-vicɛ́ŋ-ví-bíkāāhɛ́nɛ́ miíh, a byɛ́ nɛ́: «Á ɛ́lōgɛ́tāŋ, m̀mím wáma á ŋgá kááhɛ ɓé ma jam tɔ já likɔlɓan la nsɔ́n á Ɔlolómɛ̄ ma sál nɛ́-tɛ́ɛla nyí lɛn.»

Misɔ́n mí Ɓáōmɓɛ 23:15

Nyí vɔ́ŋɔ́ɔ hɔ́ á ɛ́yānā épah, la kundɛ nyí ɔku-vicɛ́ŋ-ví-bíkāāhɛ́nɛ́, sɔ́hyán hɔ́ ŋ̀kanʼyɛ ǹcɛ́ŋ a ɔkóó ví sónja nɛ́ a sɔ́la ɓɛ́nɛ nyɛ́, á m̀ɓaŋhanɛ́ nɛ́ miníg légɓe ŋkwɛl wɛ́ɛ́ nyaa m̀ɓɛɛŋ, ndí ɓɛ́hɛ, ɓaá ɓoŋhán nɛ biíg ól nyɛ́ sɔ́kágánɛ́ ag pám vá.»

Misɔ́n mí Ɓáōmɓɛ 23:20

Ɔwándá vú pélē nyɛ nɛ́: «Elōg-Yúda yá súgɛ nɛ bíg sɔ́ wa lí ɛ́n, nɛ́ likɛ́ɛ́ ɔ sɔ́la Póol á ɔ́sū ví ɔ́ku-vicɛ́ŋ-ví-bíkāāhɛ́nɛ́, á m̀ɓaŋhanɛ́ nɛ́ bíg légɓe ŋkwɛl wɛ́ɛ́ m̀ɓɛɛŋ.

Misɔ́n mí Ɓáōmɓɛ 23:28

Kasig ma sómo lí yí lí njɔm yɛ́ɛ̄ sɔ́mɔn, jɔ́ nɛ́ ma kɛ́la nyɛ́ ɔ́sū ví ɔ́ku-vicɛ́ŋ-ví-bíkāāhɛ́nɛ́ váɓá.

Misɔ́n mí Ɓáōmɓɛ 23:6

Kasig nyɛ́ Póol a ŋgí yí nɛ́ jogo lí ɓot li yéŋ eti lí ɓɛ́ɛ́ Élōg-Sadúkái la Elōg-Falísái, ɔ tɛ́ɛ́ nlón á m̀mím á ɔ́ku-vicɛ́ŋ-ví-bíkāāhɛ́nɛ́ a byɛ́ nɛ́: «Á élōgétāŋ, mi lɛ mɔɔ́n Élōg-Falísái, m̀byál ma ɔ ɓɛ́ mɔɔ́n Élōg-Falísái. Mi tɛ́ɛ́ á míkāl ányúū lipitá jáhá bi byɛ́ɛ̄ la lipahye lí ɓá ɓá wū.»

Misɔ́n mí Ɓáōmɓɛ 26:29

Póol ɔ pélē nyɛ nɛ́: «Á lí pómánɛ tɔ á lí ɓemle, mag sɔ́hye Ɔlolómɛ̄ nɛ amáh sig wa, ndí ɓɛ́nɛ ɓáŋ bísɛ miní ŋga ámble ma nyí lɛn, miní yáan nlemlem ákaa ma, ɛ́h ɓɛ́ ɓé lí kágɓɛ la misáŋ kaa ma!»

Misɔ́n mí Ɓáōmɓɛ 5:21

Ɓaómɓɛ bú óglé áŋgɛl. La miyɛ́ mí kítí, bú kɛ á ndáá-ēcɛ́ŋ-Ɔlolómɛ̄, li pám wóŋ, bu ɓōtlé lí yéglɛ. Ɛnɛ́ ŋ̀kanʼyɛ ǹcɛ́ŋ a ɓatíi-nsúlé la elɔŋ yɛ́ɛ́ ɓá sɔ́, bú tɔ́ɔyɛ́ ɔ́ku-vicɛ́ŋ-ví-bíkāāhɛ́nɛ́, ví ví lɛ́ étɔ yé ɓácɛ̄ŋ bí ɓɔ́ɔ̄n bí Íslāɛl, la ɓɔ́ bú óm nɛ bí nyɔ̄ŋ ɓaómɓɛ á ndáá-m̀ɓog bí sɔ́la ɓɔ́.