Misɔ́n mí Ɓáōmɓɛ 21:34 - Esaa-líat ɛ́ péná

³⁴ Ndí, múŋ átē á limut, ɓot bísɛ bí ŋgí lága ɓé nlemlem á jam, wa a ŋgí lága jé, nyɔ́ŋɔ́ a lága jéŋé. Yéŋ eduŋgú yú ɓɔ̄ŋ nɛ ŋ̀kanʼyɛ ǹcɛ́ŋ a ɔkóó ví sónja nyɔ́ a Lóma, ah láa ɓé lí kuh lí bílegléné bi m̀ɓɛɛŋ. La nyɛ́ ɔ kānʼyɛ́ nɛ bí kɛ́la Póol á yáli-sónja.

Misɔ́n mí Ɓáōmɓɛ 21:34 ပူးပေါင်းရင်းမြစ်များ

Misɔ́n mí Ɓáōmɓɛ 19:32

Mpuŋgú wú níŋgí á éti nyaa nyí ya lōo ɔ́vega, yú yaán nɛ, á nlemlem á éceg, ɓá bíg laga jé jam, ɓáŋá bíg lón jéŋé, jogo lí ɓot licɛ́ŋ lí ŋgí yí ɓé tɔ yéé yá kɔtánɛ́ ɓɔ.

Misɔ́n mí Ɓáōmɓɛ 21:37

Eceg bí ŋgí kɛ lí níŋgɛ lí Póol á yáli-sónja, ɔ lága ŋ̀kanʼyɛ ǹcɛ́ŋ a ɔkóó ví sónja waɓá nɛ: «Sóon mi lɛ́ nɛ ma lága wa jam é?» Nyɔ́ŋ ŋ̀kanʼyɛ ǹcɛ́ŋ ɔ tímānɛ̄ nyɛ nɛ́: «Ɔg pɔ́t pɔ́n Gelékia!

Misɔ́n mí Ɓáōmɓɛ 22:24

Váŋ nɛ́ ŋ̀kanʼyɛ ǹcɛ́ŋ a ɔkóó ví sónja, a kanʼyɛ́ɛ nɛ́ bí níŋgɛ́ Póol á yáli-sónja, bí búté nyɛ́ la aso á lí ɓɔŋ nɛ́ a pɔ̄t, ndí nyɛ́ ŋ̀kanʼyɛ ǹcɛ́ŋ a sɔ́ŋtánɛ ányúū yéé limut lí ŋga lón náŋ likɔlɓan la nyɛ́.

Misɔ́n mí Ɓáōmɓɛ 22:30

Ɔlɔ́ ví ŋgí oŋ víŋ, a ŋgí somo li sɔ́ŋtánɛ tɛɛ́tɛ́ɛ ányúū yéé Élōg-Yúda yá sɔ́mánɛ́ Póol. Váŋ nɛ́ a kúhú nyɛ misáŋ mí bícɛɛ la nyɛ́ ɔ yáŋá líɓomán lí ɓakanʼyɛ ɓatíi-nsúlé la ɔku-vicɛ́ŋ-ví-bíkāāhɛ́nɛ́. Ámbúh náŋ ɔ súhɛ Póol, ɔ tɛ́ɛ́yɛ́ nyɛ ɔ́sū váɓá.

Misɔ́n mí Ɓáōmɓɛ 23:10

Kasig jómo lí ŋgí ɓét bí lí ɓét, ŋ̀kanʼyɛ ǹcɛ́ŋ a ɔkóó ví sónja ɔ kɔ̄n woŋ nɛ́ bíg saŋ Póol bitun bitun, ɔ kānʼyɛ́ nɛ bí ɓógtɛ́ nyɛ́ á m̀mím wáɓá, bí tímān la nyɛ́ á yáli-sónja.

Misɔ́n mí Ɓáōmɓɛ 23:16

Ndí, ɛnɛ́ mɔɔ́n mɔɔ́nyāŋ a mindígá a Póol a ámblé bíg ɓoŋhan víŋ ɔám, ɔ kɛ́ á yáli-sónja, ɔ níŋgí á lí yíhɛ lí Póol náŋ.

Misɔ́n mí Ɓáōmɓɛ 23:32

Ɛnɛ́ kítí ya yɛ́, sónja yú tímān á yáli-sónja, yú yíg Póol á mɔ mí ɓáɓēt-á-vɔ́si nɛ́ ɓɔ́ bí kɛnɛ́g la nyɛ́.

Misɔ́n mí Ɓáōmɓɛ 25:26

Ákaa mih byɛ́ɛ́ ɓé ma m̀mú á ŋkwɛl á kɔɔ́ á lí ciile lí káísa ecɛ́ŋ likɔlɓan la nyɛ́, jɔ́ nɛ́ ma sɔ́la nyɛ́ ɔ́sū váná, ndí tín-tín yágá ɔ́sū vɔ́ɔ wa káísa Agilípa, nɛ́ ámbúh nyú ŋkál, mi yí láá mi ŋga lá lí ciile lí káísa ecɛ́ŋ.