Misɔ́n mí Ɓáōmɓɛ 2:38 - Esaa-líat ɛ́ péná

³⁸ Pétlos ɔ pélē ɓɔ́ nɛ́: «Miní vēŋé bilɛ́m, mut sig ki á élɔŋ yáná a kūh nzoɓan á joó lí Yésus Kilístus ányúū elaakɛ-miɓé mɛ́ɛ́, la náŋ miníg kɛ li kuh lí M̀búl Mpúán kaa likaale.

Misɔ́n mí Ɓáōmɓɛ 2:38 ပူးပေါင်းရင်းမြစ်များ

Matéus 28:19

Kɛnán á mílōm mísɛ, miní yáanɛ́ ɓot ɓayége ɓáma. Tíán ɓɔ́ nzóɓan á jóō lí Ɛ́sāŋɛ́, la Mɔɔ́n, la M̀búl Mpúán.

Matéus 3:2

«Támán aɓé wáná miní vēŋé bílɛ̄m, átɔm nɛ́ Likanʼyɛ lí lóō li lɛ́ ɓɛɓɛ!»

Matéus 3:6

Bí ŋgí páha miɓé máɓá la nyɛ́ á tí ɓɔ́ nzoɓan á lɔm lí Yɔ́ldan.

Matéus 4:17

Li ɓotle váŋ á yéŋ eceg nɛ́ Yésus a ɓōtlé lí lɛgɛ nɛ́: «Támán áɓē wáná miní vēŋé bílɛ̄m ányúū nɛ Likanʼyɛ lí lóō lá siŋgle.»

Málkus 1:15

«Eceg yá kɔlan, Likanʼyɛ lí Ɔlolómɛ̄ lá nyɛ́g. Veŋlán bílɛ̄m, yéɓyán Pɔ́l M̀ɓɛɛŋ.»

Málkus 16:16

Nyɔ́ a ŋga kɛ́ li yéɓe ndí á kūh nzoɓan, ag kɛ li suŋɓɛ. Ndí nyɔ́ a ŋgá kɛ ɓé lí yéɓe ag kɛ li kuh lí ékɔ́ghɛ.

Lúkas 24:47

Á jóō jɛ́ɛ́, bíg kɛ li lɛgɛ lí Pɔ́l M̀ɓɛɛŋ, ányúū mveŋghanɛ́ a bilɛ́m la elaakɛ-miɓé á mílōm mísɛ, li ɓotle á Yélūsalɛm.

Lúkas 3:10

La limut lú ɓāt Yohánɛs nɛ́: «láá ɓa nyɛ́ɛ hɔ́ li ɓɔŋ é?»

Misɔ́n mí Ɓáōmɓɛ 10:43

Nyɛ́ nɛ́ ɓapɔ́tle-bí-Ɔ́lolómɛ̄ bísɛ bí ŋga tíi nyí mbóŋ nɛ: ‹Tɔ nzáá a byɛ́ɛ̄ ŋyéɓé la Nyɛ́, ag kɛ li kuh lí élaakɛ-miɓé á jóō jɛ́ɛ́›.»

Misɔ́n mí Ɓáōmɓɛ 10:48

Váŋ hɔ́ nɛ Pétlos a tí kundɛ nɛ́ bí tí ɓɔ́ nzóɓan á jóō lí Yésus Kilístus. Ɓáŋ ɓot bú sɔ́hyé nyɛ nɛ́ a kóndyé sīg-pɛ lí tɔɔ la ɓɔ́ puh álɔ̄.

Misɔ́n mí Ɓáōmɓɛ 13:38

Á élōgétāŋ, yíán hɔ́ nɛ li kele la Yésus nɛ́ ɓá lɛ̄gɛ́ ɓɛ́nɛ elaakɛ-miɓé. Li kele la nyɛ́ ki nɛ́ miní ŋga lá li tɛ́lɛ sim ɔsú ví Ɔlolómɛ̄, yé etɛ́l-sim manáh la ɓé lí kuh á Mbéndá Móse.

Misɔ́n mí Ɓáōmɓɛ 16:15

Ɛnɛ́ nyɛ́ la ndáá yɛ́ɛ̄ ɓá manɛ́ li kuh lí nzóɓan, ɔ yáŋá ɓɛ́hɛ la li laga nɛ́: «Kasig miní ŋga yí nɛ́ ma yéɓé la Nyɔ́ŋ-Ɛsáŋɛ́, sɔ́án miní tɔɔ á yóg yáma.» La nyɛ́ ɔ kágyɛ́ ɓɛ́hɛ nɛ́ bi yéɓé.

Misɔ́n mí Ɓáōmɓɛ 17:30

Ɛ́nán sig nɛ́, Ɔlolómɛ̄ ah nyɔŋ ɓé eceg la nyíŋ ŋgilí-sɔ́ŋtānɛ, nyí vɔ́ŋɔ́ɔ, ag lɛgɛ ɓot voóm ásɛ nɛ́ bí vēŋé bílɛ̄m.

Misɔ́n mí Ɓáōmɓɛ 20:21

Mbóŋ yáma ya yíglé ɓɔ́ɔ̄n bí Élōg-Yúda la ɓá bí sē ɓé ɓɔ́ɔ̄n bí Élōg-Yúda nɛ́ bí vēŋé bílɛ̄m la ɓɔ́ bí yéɓé Ɛtáŋɛ wahá Yésus.

Misɔ́n mí Ɓáōmɓɛ 22:16

Ányúū yéé ɔ ŋgɔ tītɓe é? Bi kɛnɛ́g ɔg kuh nzoɓan, ɔ kūh esala-miɓé eceg ɔ ɓɛ́ ɔg yáŋá joó jɛ́ɛ́›.

Misɔ́n mí Ɓáōmɓɛ 26:18

á lí lege lí mɔ̄ miíh la li ɓógtɛ lí mɔ́ á lívito li kɛla lí mɔ á mipúú, li ɓógtɛ lí mɔ̄ á mɔ mí Sátan, li kɛla lí mɔ̄ á yóg Ɔlolómɛ̄, nɛ́ ndí mí kuh elaakɛ-miɓé la li nyɔŋ lí joga á émbāmbá elɔŋ la ndog ɓayéɓe li oŋle la ŋyéɓé bí byɛ́ɛ̄ la ma.›

Misɔ́n mí Ɓáōmɓɛ 26:20

Á mveŋghanɛ́, ma ɓōtlé jā lí lɛgɛ lí ɓot bí Dámas, ɓá bí Yélūsalɛm, á Yúdēa yɔ ɛsɛ̄ la míŋí mílōm mí mí sē ɓé mí Élōg-Yúda nɛ́ bí véŋē eniŋ, bí tímān la Ɔlolómɛ̄, bí niŋléné á nyɔ́ŋ mveŋghanɛ́.

Misɔ́n mí Ɓáōmɓɛ 3:19

Miní vēŋé hɔ́ éniŋ, miní tímān la Ɔlolómɛ̄, á li ɓɔŋ nɛ́ a láákɛ́ miɓé máná.

Misɔ́n mí Ɓáōmɓɛ 5:31

Nyɛ́ nɛ́ Ɔlolómɛ̄ a ɓétɛ́ á lóō la ŋguu yɛ́ɛ̄, ɔ tɛ́ɛ́yɛ́ nyɛ kaa Ŋ̀kanʼyɛ la Ǹsuŋ, á lí ɓɔŋ nɛ́ lilóm lí Íslāɛl lí vēŋé bilɛ́m la jɔ́ lí kuh elaakɛ-miɓé.

Misɔ́n mí Ɓáōmɓɛ 8:12

Ndí, ɛnɛ́ ɓá yéɓé Pɔ́l M̀ɓɛɛŋ nyí Likanʼyɛ lí Ɔ́lolómɛ̄, la joó lí Yésus Kilístus Filípo a ŋgí lɛgɛ ɓɔ́, páam la ɓondígá bú kūh nzóɓan.

Misɔ́n mí Ɓáōmɓɛ 8:20

Ndí Pétlos ɔ tímānɛ̄ nyɛ nɛ́: «Wa la ŋkuh wɔ́ɔ miní ɓɔ́lán, ányúū nɛ́ ɔg ɔ́ŋɔ nɛ́ ɔg la li sóm lí líkaale lí Ɔ́lolómɛ̄.

Elōg-Lóma 6:3

Ɓaá, miníg yég nɛ́ kaa ɓɛ́hɛ bísɛ ɓá ɓaá āt la Yésus Kilístus li kele la nzoɓan ɓaá kuh, náŋ ki nɛ́ ɓaá āt la nyɛmb yɛɛ́ é?

Elōg-Éféso 1:7

La micii mɛ́ɛ́ nyɛ́ Yésus Kilístus nɛ́ ɓaá kɔplɛ. Á ŋ̀atanɛ́ la nyɛ́ nɛ́ ávuha wáhá wá kūh élaakɛ kasig Ɔlolómɛ̄ a lóohán lí ɓɛ́ lí elɔ́ŋgɔ.

Títo 3:5

Váŋ á yéŋ eceg nɛ́ a sūŋ ɓɛ́hɛ, āh suŋuu ɓé ɓɛ́hɛ ányúū nɛ bi ŋgí sál misɔ́n mí tɛ́ɛ́, ndí ányúū ekɔnan-ŋgɔ́ɔ́ yɛ́ɛ́, li loole la misoɓan mí líbyáa lí péná ndí la eniŋ ɛ́ péná yé ɛ́ ŋga sɔ́le la M̀búl Mpúán.

Pétlos 1 3:21

Mɔ́ nɛ́ mi ɓɛ́ɛ́ ndembye nyí nzoɓan nyí ɛ ŋga sūŋ ɓɛ́nɛ nyí lɛn, nyí ɛ ŋgá púɛ ɓé mbindo nyí nyúū, ndí nyí ɛ lɛ́ bisúghɛ́nɛ́ bí mut a byɛɛ́ miɔ́ŋɔ miláám á lí oŋ lí Ɔlolómɛ̄. Nyíŋ nzoɓan nɛ́ ɛ ŋga sūŋ ɓɛ́nɛ li kele la lipahye lí Yésus Kilístus,