Misɔ́n mí Ɓáōmɓɛ 14:20 - Esaa-líat ɛ́ péná

²⁰ Ndí, eceg ɓayége ɓá díí nyɛ, ɔ tɛ́lɓéné muŋ, la nyɛ́ ɔ tímān pɛ múŋ á nyíŋ tísɔn. Ɔlɔ́ ví ŋgí oŋ víŋ, nyɛ́ la Balnábas bú kɛ á tísɔn Dɛlbéa.

Misɔ́n mí Ɓáōmɓɛ 14:20 ပူးပေါင်းရင်းမြစ်များ

Misɔ́n mí Ɓáōmɓɛ 11:26

Ɛnɛ́ a kɔ́p nyɛ wóŋ, ɔ sɔ́la nyɛ́ á Antiókia. Ɓɔ́ bíɓáa bú sál m̀bú ŋwút múŋ á yéŋ Eɓasɛ á li yéglɛ lí ɓot ŋgandag. Á Antiókia nɛ́ joó lí «kilístɛn» lí tíéɓɛ́ɛ ɓayége kaa ŋgele ɔsú.

Misɔ́n mí Ɓáōmɓɛ 11:29

Jɔ́ nɛ́ ɓáyēge bí súghɛ́ɛ li oŋle la bikuhlé bí mut sig nɛ́, bíg kɛ li óm lí ɓáyēɓe bí ŋga nīŋle á Yúdēa mióŋgánɛ.

Misɔ́n mí Ɓáōmɓɛ 12:17

Ɔ ée ɓɔ la wɔ nɛ́ bí tɔ́ɔ̄ pií, ɔ lāglé ɓɔ kaa Nyɔ́ŋ-Ɛsáŋɛ́ a pámɛ́ nyɛ á m̀ɓog, la nyɛ́ ɔ súglé ɓɔ li laga nɛ́: «Kɛnán miní lagá Yákop la elōgétāŋ ɛ́ ŋyéɓé náŋ.» Ámbúh náŋ, ɔ nyɔ̄ŋ nzen li kɛ lí épah etám.

Misɔ́n mí Ɓáōmɓɛ 14:22

Voóm sig, bí ŋgí letɛ ɓayége nyuú la li tíi lí ɓɔ mikúndá nɛ́ bí tiŋɓé á ŋyéɓé. Jɔ́ nɛ́ bí ŋgí laga ɓɔ́ nɛ́: «Ɛ́g somlɛ nɛ́ bi lōolé á ŋgandag bísɔghe á lí ɓɔŋ nɛ́ bi níŋgí á Ékombo Ɔ́lolómɛ̄.»

Misɔ́n mí Ɓáōmɓɛ 14:28

Póol la Balnábas bú lōɛ́ hɔ́ puh mbáŋ eceg elɔŋ la ɓayéɓe bí tísɔn Antiókia nyí Sília.

Misɔ́n mí Ɓáōmɓɛ 14:6

Ɛnɛ́ ɓɔ́ bíɓáa ɓá yí nāŋ, bú kɛ lí sɔlɔ á Lístele la á Dɛlbéa tísɔn yí ɛ́ lɛ́ á épah-ékombo yé Likaónia la miŋgwáāg mɛ́ɛ́.

Misɔ́n mí Ɓáōmɓɛ 16:1

Póol ɔ pám á tísɔn yí Dɛlbéa la Lístele. Ŋ̀yége wa a ɓɛ́ɛ́ váŋ nɛ́ Timotéo, mɔɔ́n ŋgɔn Elōg-Yúda nyí ɛ yaán ŋyéɓé, ɛsáŋɛ́ a ɓɛ́ɛ́ mɔɔ́n Gelékia.

Misɔ́n mí Ɓáōmɓɛ 16:40

Ɛnɛ́ Póol la Sílas ɓá pámlé á ndáá-m̀ɓog, bú kɛ̄ lí kɔ́p lí Lídia la li ɛ́n lí nyíŋí ndog ɓayéɓe yaɓá á lí tíi lí ɓɔ mikúndá. Ámbúh náŋ, bú kɛ̄.

Misɔ́n mí Ɓáōmɓɛ 20:1

Ɛnɛ́ éduŋgú yá man, Póol ɔ yáŋá élōgésāŋ yé Eɓasɛ ɔ létɛ̄ ɓɔ nyuú. Ámbúh náŋ ɔ nāŋgánɛ́ ɓɔ, la nyɛ́ ɔ nyɔ̄ŋ nzen li kɛ á Masedónia.

Elōg-Kɔlínto 2 6:9

tɔ náŋ ákaa bí ŋga nyɔ̄ŋ ɓɛ́hɛ kaa ɓot bí ŋgá yílɛ ɓé ndí kí biíg yílɛ m̀ɓɛɛŋ, bíg nyɔŋ ɓɛ́hɛ kaa miwúág mí ɓot ndí kí bi lɛ á eniŋ, bíg nyɔŋ ɓɛ́hɛ kaa ɓot ɓá kɔ́ghɛ ndí ɓɛ́hɛ, biíh wúág ɓé ɓɛ́hɛ