Misɔ́n mí Ɓáōmɓɛ 13:6 - Esaa-líat ɛ́ péná

⁶ Ɛnɛ́ ɓá yaɓé éon ɛ́sɛ nɛ́-tɛ́ɛla á Páfos, bú ɓómán la mut-a-mikaŋ wa, mɔɔ́n Élōg-Yúda nɛ́ Bál-Yésus, nyɔ́ a ŋgí laga nɛ́ a lɛ m̀pɔ́tle-a-Ɔlolómɛ̄.

Misɔ́n mí Ɓáōmɓɛ 13:6 ပူးပေါင်းရင်းမြစ်များ

Matéus 16:17

Yésus ɔ nyɔ̄ŋ sīg-pɛ mpɔ́t, ɔ lāgá nɛ: «Misɔ́tá la wa á Símɔn, mɔɔ́n Yónas, átɔm nɛ́ mut-a-binam ɓé nɛ a yíhɛ́ wa náŋ, ndí Etāa nyɔ́ a lɛ á lóō.

Matéus 24:24

Ákaa ɛ́sɛ, mipɔ̄hlɛ́gɛ mí ɓot-bí-mínaa la ɓapɔ́tle-bí-Ɔ́lolómɛ̄ bí mínaa, bíg kɛ li tɛ́lɛ á lí ɓɔŋ lí mínɛ̄ŋ la binanaŋga bí mam, á lí jáŋɛ lí ɓot, kí ɓɔ̄ŋ nɛ́ bí ŋga lā, kí bí ŋga jáŋɛ ki ɓá Ɔlolómɛ̄ a pɔ́hɔ.

Matéus 7:15

Nyɔŋán hɔ́ lítāt la ɓapɔ́tle-bí-Ɔ́lolómɛ̄ bí mínaa, ɓá bí ŋga sɔ́ á ŋgwáāg yaná, bí jáhɛ mbɔ́tí nyí bíkogo bí mítōmbɛ́, ndí ki á átē wāɓá, bí lɛ́ nzɛ.

Málkus 10:46

Yésus, ɓayége ɓɛ́ɛ́ la limut licɛ́ŋ bú sɔ́ á Yélīko. Eceg bí ŋgí ɓógo múŋ a nyíŋ tísɔn, mut-a-ndím wa bi ŋgí yáŋa nɛ́ Baltimé mɔɔ́n Tíme a ɓɛ́ɛ́ a tɔ́ɔ̄ á ŋgwáāg nzen ag yaga.

Misɔ́n mí Ɓáōmɓɛ 13:13

Póol la elɔŋ yɛ́ɛ́ ɓot, bú nyɔ̄ŋ m̀ɓoŋgó á tísɔn Páfos, la ɓɔ́ bú cág á tísɔn Pɛlgéa nyí ɛ lɛ á Pamfília. Yohánɛs nyɔ́ a byɛ́ɛ̄ ŋgól nɛ Málkus ɔ ɓáglán la ɓɔ́ váŋ li timan á Yélūsalɛm.

Misɔ́n mí Ɓáōmɓɛ 13:8

Ndí Elímas, nyɔ́ joó lí ŋga kɔ́plɛ la mpɔ́t á Gelékia nɛ́ mut-a-mikaŋ, ɔ tɛ́ŋgánɛ́ ɓɔ á lí céŋɛ lí gɔ́mna Sɛ́lgius Paúlus nɛ́ ah ɓɛ́ɛ́gla ɓé ŋyéɓé.

Elōg-Kɔlínto 2 11:13

Ɓáŋ ɓot bí lɛ́ ɓáōmɓɛ bí mínaa, ɓaɓɔŋle ɓaɓé, ɓá ɓá sɔlɓéné á líɓɛ́ɛg lí ɓáōmɓɛ bí Nyɔ́-a-Pɔ́hlɛ.

Timotéo 2 3:8

Nlemlem kaa Yánɛs la Yámbɛ́lɛs bí ŋgí tɛ́ŋgánɛ Móse, náŋ ki nɛ́ ɓáŋ ɓot bí ŋga tɛ́ŋgánɛ mbálɛ, bí lɛ́ ɓot ɓá yōm, ŋyéɓé wáɓá ki á lɛ́ tɔ jam.

Yohánɛs 1 4:1

Á élōgyāŋ yé ediŋ, Miníh yéɓyág ɓé la ɓá bísɛ bí ŋga yó nɛ́ bí byɛ́ɛ́ M̀búl Mpúán, ndí miní ceglɛ́ ɓɔ́, á lí yí tɔ nɛ́ m̀búl bí byɛ́ɛ̄ a lɛ́ nyú á Ɔlolómɛ̄, átɔm nɛ́ ŋgandag ɓapɔ́tle-bí-Ɔ́lolómɛ̄ bí mínaa yá cámān á ŋkɔŋ-á-sí.

Biyɛ́ɛ́léné 19:20

La tít yu byéelɓɛ́ ŋkómá, bú byeé ki m̀pɔ́tle-a-Ɔlolómɛ̄ a minaa nyɔ́ a ɓɔŋɔ́ɔ́ mínɛ́ŋ ɔ́sū ví tít, ányúū li jáŋɛ lí ɓot bí kuhúú ndembye nyí tít la li ɓégɛ lí edíŋgɛ́-díŋgɛ yɛ́ɛ́. Tít la m̀pɔ́tle-a-Ɔlolómɛ̄ a minaa bú lééɓɛ́ bíg vɛɛɓan átē á éɓēl-nzáan nyí ɛ ŋgá dím ɓé, nyí nzuhú ɛ ŋga lóŋɛ.