Misɔ́n mí Ɓáōmɓɛ 13:11 - Esaa-líat ɛ́ péná

¹¹ Nyí vɔ́ŋɔ́ɔ hɔ́, wɔ á Nyɔ́ŋ-Ɛsáŋɛ́ ág kɔ́ghɛ wa. Ɔg kɛ li ku lí ndím, ɛ́h ɓɛ́ ɓé pɛ wa lí ɛ́n lí mípūū mí vaŋgá nɛ́-tɛ́ɛ la á eceg yé yá tɛ́ɛ́ɓɛ́ ányúū yɔ́ɔ.» Á ékūyá-kúyá, ɔ kū ndím, a ŋgí ɛ́n ɓé pɛ tɔ jam, ɔ ɓōtlé lí yaan lí voóm wa, ag somo m̀wɛɛla nyɛ́.

Misɔ́n mí Ɓáōmɓɛ 13:11 ပူးပေါင်းရင်းမြစ်များ

Yohánɛs 9:39

Ámbúh náŋ, Yésus ɔ lága nyɛ nɛ́: «Ma sɔ́ ja lí kááhɛ lí ɓot bí ŋkɔŋ-á-sí, á lí ɓɔŋ nɛ́ ɓá bí ŋgí ɛ́nan ɓé bí ɛ́nán, ɓá ki bí ŋga ɛ́nan bí ku ndím.»

Misɔ́n mí Ɓáōmɓɛ 9:17

La Ananías ɔ kɛ̄, ɔ níŋgí á nlɛ́ɛ́, ɔ kāhyɛ́ nyɛ mɔ, aá la nyɛ́ nɛ́: «Á mɔ́ɔ̄nɛ́tāŋ Sául, Nyɔ́ŋ-Ɛsáŋɛ́, nyɔ́ Yésus a pámlé wa á nzen yɔ́ɔ duwɛ, nyɛ́ nɛ́ a óm ma á lí ɓɔŋ nɛ́ ɔ tímān lí ɛ́nan, ɔ yál ki la M̀búl Mpúán.»

Elōg-Lóma 11:25

Á élōgyāŋ, mag somo ɓɛ́nɛ li yíhɛ lí ŋ̀yɛ́ɛ́lāg á mbaŋ, á lí ɓɔŋ nɛ́ miníh nyɔŋɔ́g ɓé ɓɛ́nɛ-mɛ̄n kaa ɓot bí peg. Jogo lí ɓot bí lílōm lí Íslāɛl lá pún lí sɔ́ŋtánɛ, náŋ ag kɛ li ɓemle tɛɛ míŋí mílōm mísɛ má ōŋ nzen Ɔlolómɛ̄.

Elōg-Hébɛl 10:31

Eɓéé-nyúū la nyɔ́ a ŋga ku ŋkál ɔ́sū ví Ɔlolómɛ̄ nyɔ́ a lɛ á éniŋ!

Pétlos 2 2:17

Ɓáŋ ɓot bí lɛ́ kaa miŋgɛ́n mí ŋgíla mindím, bí lɛ́ kaa mbaga nɛ́ ŋkwɛɛ a ŋga sógɛ. Ɔlolómɛ̄ a nāŋʼyé ɓɔ etɔ á lívito lí lɛ́ viuú.