Misɔ́n mí Ɓáōmɓɛ 12:19 - Esaa-líat ɛ́ péná

¹⁹ Elóde ɔ ɓāt nɛ bí sōmó Pétlos, ndí bíh ɛ́nɛ́ɛ́ ɓé nyɛ. Váŋ nɛ̄ a óm yíŋ sónja á bíkāāhɛ́nɛ́, ámbúh náŋ ɔ kānʼyɛ́ nɛ bí ól yɔ́. Ámbúh eceg, nyɛ́ Elóde ɔ ɓógó á Yúdēa li suh á Sezaléa ápah a loohɛ́ɛ puh eceg.

Misɔ́n mí Ɓáōmɓɛ 12:19 ပူးပေါင်းရင်းမြစ်များ

Matéus 2:1

Yésus a byááyéé á Bétlehéem, ŋkɔŋ á Yúdēa eceg Elóde a ɓɛ́ɛ́ káísa. Váŋ nɛ́ ɓáyī-átɛ̄ bí sɔ́léé á mítūmnyam bú pám á Yélūsalɛm,

Matéus 2:13

Ámbúh mikɛ mí ɓáyī-átɛ̄, áŋgɛl nyí Nyɔ́ŋ-Ɛsáŋɛ́ yu pámlé Yósɛp á élɛɛ́lɛm yu lāgá nyɛ nɛ́: «Tɛ́lɛ́, nyɔ̄ŋ mɔ́ɔ̄n la nyaŋɛ́ túú pɛ́ɛ́ la ɓɔ́ ɔ kɛ́ á Égípto, tɔɔ́ wóŋ nɛ́-tɛ́ɛ la á éceg mi ŋga kɛ̄ wa lí yíhɛ, átɔm nɛ́ káísa Elóde ag kɛ li somo nɛ́ a ólhánɛ nyɔ́ŋ mɔɔ́n.»

Matéus 2:16

Ɛnɛ́ káísa Elóde a tímān lí yí nɛ́ ɓayí-átɛ̄ bí yɛ́ɛ́hɛ́ nyɛ́, ɔ álá ŋgándag. Váŋ nɛ́ a kānʼyɛ́ nɛ́, á Bétlehéem la á míkɔŋ mí ŋgwáāg mísɛ bí ól bitúmb-bí-ɓɔ́ɔ̄n bísɛ tɛɛla ɓá bí byɛ́ɛ̄ mímbú míɓáa. Nyíŋ nyɔŋɔn ɓɔɔ́n ɛ ŋgí kɔlɓan la yé ɓáyī-átɛ̄ bí lagléé nyɛ́.

Misɔ́n mí Ɓáōmɓɛ 12:18

La miyɛ́ mí kítí mpóghānɛ́ a ɓɛ́ɛ́ ŋgandag á ndog sónja. Bí ŋgí ɓatɓan yé yá loolé Pétlos.

Misɔ́n mí Ɓáōmɓɛ 12:4

Ɛnɛ́ a byēlhánɛ́ nyɛ́, ɔ vá nyɛ á ndáá-m̀ɓog, á sí bitátlé bí bílɔŋ bínáa bí byɛ́ɛ̄ sónja ɛ́náa elɔŋ sig, la miɔ́ŋɔ nɛ́ ag kááhɛ nyɛ́ á ɔsú ví lílōm lísɛ ámbúh ŋgand Páska nyí Elōg-Yúda.

Misɔ́n mí Ɓáōmɓɛ 12:6

Ɔlɔ́ Elóde a ŋgí nyɛɛ li kááhɛ lí Pétlos, múŋ á jéŋ díɓe Pétlos a ŋgí lál á póla sónja ɛ́ɓáa, ŋkágag la misáŋ mí bícɛɛ míɓáa, sónja etám ki ɛ́ ɓɛ́ɛ́ á ɔ́sū ví líkooká.

Misɔ́n mí Ɓáōmɓɛ 16:27

Ɛnɛ́ ǹtát a vɛ́ɛɓe á ɔ́lɔ̄, ɔ ɛ́n nɛ mikooká mí ndáá-m̀ɓog mí áhɛ, ɔ ɔ́ŋɔ́ nɛ ɓot bí miɓog bísɛ ɓá túú pɛ́ɛ́, ɔ nyɔ̄ŋ mboná yɛ́ɛ̄ á li ól lí nyɛ́-mɛ̄n.

Misɔ́n mí Ɓáōmɓɛ 21:8

Ámbúh víŋ ɔlɔ́, bu ɓógo á Potolémáyis, bu pám á Sezaléa, ápah bi kɛnɛ́ɛ́ á mbóg Filípo Ǹlɛgɛ-Pɔ́l M̀ɓɛɛŋ, bu tɔɔ́ átē. Filípo a ɓɛ́ɛ́ ŋ̀óŋgánɛ wa á póla ɓá ɓaóŋgánɛ nzambúwá bí pɔhléé á Yélūsalɛm.

Misɔ́n mí Ɓáōmɓɛ 25:13

Ámbúh puh alɔ́, káísa Agilípa la mɔɔ́nyāŋ-a-ŋgɔn Belénis bú sɔ́ á Sezaléa la ɓɔ́ bú lɛ́ŋlé Féstus.

Misɔ́n mí Ɓáōmɓɛ 27:42

Váŋ hɔ́ nɛ sónja yá veég peg li ól li ɓot-bí-míɓog bísɛ, á ŋkɔnwoŋɛ́ nɛ bíg la li túú lí pɛ́ɛ́ la nyɔgí.

Misɔ́n mí Ɓáōmɓɛ 8:40

Filípo nyɛ́, ɔ pámlé á tísɔn nyí Azótos, á nzen yɛ́ɛ̄ mikɛ á Sezaléa, ɔ lɛ̄gɛ́ Pɔ́l M̀ɓɛɛŋ á tísɔn ɛ́sɛ ápah a ŋgí loole.