Misɔ́n mí Ɓáōmɓɛ 11:28 - Esaa-líat ɛ́ péná

²⁸ Wa á elɔŋ yáɓá bí ŋga yáŋa nɛ́ Agábus, kaa M̀búl Mpúán á ŋgí wɛɛ la nyɛ́, ɔ yíhɛ nɛ́ nzal ecɛ́ŋ ɛg kɛ li ɓɛ́ á ŋkɔŋ-á-sí ásɛ. Náŋ a ɓɔ̄ŋɓɛ́ɛ eceg Kolóde a ɓɛ́ɛ́ Káísa ecɛ́ŋ.

Misɔ́n mí Ɓáōmɓɛ 11:28 ပူးပေါင်းရင်းမြစ်များ

Matéus 24:14

Nyíŋ Pɔ́l M̀ɓɛɛŋ nyí Ekombo-lóō ɛg kɛ li lɛglɛ á ŋkɔŋ-á-sí ásɛ, á lí ɓɔŋ nɛ́ milóm mísɛ mí ámblé yɔ. Váŋ hɔ́ nɛ lisúg lí bíceg lí ŋga kɛ́ li sɔ́.»

Matéus 24:7

Átɔm nɛ́, jé lilóm líg kɛ li duhɛ lí jéŋé, yé ekombo ɛ́ dúhɛ̄ yéŋé. Á míkāh mí ŋkɔŋ-á-sí má, nzal ecɛ́ŋ ɛg kɛ li ɓɛ́, sí ɛg kɛ li póghan.

Lúkas 2:1

Á eceg líkanʼyɛ lí Ogústo, kasig a ɓɛ́ɛ́ káísa ecɛ́ŋ, ɔ pámɛ́ mbéndá nɛ nsɔŋgí á ɓot á nyɔŋɓɛ́ɛ á ŋkɔŋ-á-sí ásɛ.

Lúkas 3:1

Á m̀bú wá yáhɛ́ jóom la mítáan nyú á likanʼyɛ jé lí káísa ecɛ́ŋ Tibélia, Pɔ́nsio Piláto nɛ́ a ɓɛ́ɛ́ gɔ́mna licɛ́ŋ lí Yúdēa, Elóde ŋ̀kanʼyɛ a Galiléa, mɔɔ́nyāŋ Filípo ŋ̀kanʼyɛ a ékombo yé Ituléa la Tilakonitída; Lisánias ɔ ɓɛ́ ŋ̀kanʼyɛ á Abiléna.

Misɔ́n mí Ɓáōmɓɛ 18:2

La nyɛ́ ɔ ɓómán la mɔɔ́n Élōg-Yúda wa wóŋ, nyɔ́ bí ŋga yáŋa nɛ́ Akílas, mbyááhɛ nyí epah ékombo yé Pɔ́nto, nyɔ́ a tíilé lí sɔ́le á Itália la ŋ̀gáá wɛ́ɛ̄ Plisíla. Ákaa ɛ́sɛ, káísa ecɛ́ŋ Kolóde a nyɔŋɔ́ɔ́ bísúghɛ́nɛ́ nɛ ɓɔɔ́n bí Élōg-Yúda bísɛ bíg nyɛɛ li ɓógo á Lóma. Póol ɔ kɛ́ á yóg Akílas la Plisíla.

Misɔ́n mí Ɓáōmɓɛ 21:10

Kasig bi tɔɓéé váŋ puh alɔ́, m̀pɔ́tle-a-Ɔlolómɛ̄ wa bí ŋga yáŋa Agábus, ɔ sɔ́léné á Yúdēa.