Misɔ́n mí Ɓáōmɓɛ 11:14 - Esaa-líat ɛ́ péná

¹⁴ Ag kɛ wa lí laga lí mam mí ŋga kɛ́ wa lí suŋ, wa la ndáá yɔ́ɔ›.

Misɔ́n mí Ɓáōmɓɛ 11:14 ပူးပေါင်းရင်းမြစ်များ

Málkus 16:16

Nyɔ́ a ŋga kɛ́ li yéɓe ndí á kūh nzoɓan, ag kɛ li suŋɓɛ. Ndí nyɔ́ a ŋgá kɛ ɓé lí yéɓe ag kɛ li kuh lí ékɔ́ghɛ.

Lúkas 19:10

Ánsī nɛ Mɔɔ́n Mut a sɔ́ ja li somo la li suŋ lí yé ɛ́ mɓɛ́ ǹjáŋag.»

Yohánɛs 12:50

Mag yí nɛ́ mbéndá yɛ́ɛ̄ ɛ lɛ éniŋ éɓem, yé mi ŋga laga, mag laga yɔ́ kaa Etāa a lága ma.»

Yohánɛs 20:31

Ndí, mí mam má ciiɓɛ́ já á lí ɓɔŋ nɛ́ miní yéɓé nɛ́ Yésus a lɛ Nyɔ́-a-Pɔ́hlɛ, ɔ ɓɛ́ Mɔɔ́n Ɔlolómɛ̄, la nɛ́, kaa maná yéɓe, miní ɓɛ́la eniŋ éɓem a jóō jɛ́ɛ́.

Yohánɛs 4:53

Ɛsáŋɛ́ a mɔɔ́n ɔ sɔ́ŋtánɛ́ nɛ á nyúŋ nlemlem á ŋgɛ́ŋ nɛ Yésus a lagá nyɛ nɛ́: «Mɔɔ́n wɔ́ɔ a lɛ á éniŋ.» Li ɓotle váŋ nɛ́ nyɛ́ la ndog yɛ́ɛ̄ yɔ ɛsɛ̄ ɓá yéɓe.

Yohánɛs 6:63

M̀búl Mpúán nɛ́ a ŋga tíi eniŋ, nyuú ɛh byɛ́ɛ́ ɓé eɓáha tɔ yá. Biɓaŋgá mi ŋga lága ɓɛ́nɛ bí lɛ́ M̀búl, bú ɓɛ́ ki eniŋ.

Yohánɛs 6:68

Ndí Símɔn-Pétlos ɔ pélē nyɛ nɛ́: «Ɛtáŋɛ biíg kɛ á mbóg nzáá é? Wa nɛ́ ɔ byɛ́ɛ̄ bíɓaŋgá bí éniŋ éɓem.

Misɔ́n mí Ɓáōmɓɛ 10:2

A ŋgí tiŋɓe la Ɔlolómɛ̄ ŋgandag, nyɛ́ la ndáá yɛ́ɛ̄ bíg yéɓe la Ɔlolómɛ̄, bíg kɔn ki nyɛ́ woŋ. Bíg kánɛ nyɛ́ eceg ɛ́sɛ. A ŋgí tíi ki ɓayɛ́ɛ́yɛ́ɛ bí Élōg-Yúda mikaale ŋgandag.

Misɔ́n mí Ɓáōmɓɛ 10:22

Bú pélē nyɛ nɛ́: «Kɔlnéya, ŋ̀kanʼyɛ nlɔŋ á eɓógo ɛ́ sónja, mut a tɛ́ɛ́ sim, a ŋga kɔ̄n Ɔlolómɛ̄ woŋ, nyɔ́ lilóm lí Élōg-Yúda lísɛ lí ŋga tíi mbóŋ élāām, nyɛ́ nɛ́ á óm ɓɛ́hɛ. Áŋgɛl Ɔlolómɛ̄ ya yɛ́ɛ́léné nyɛ nɛ́, ɔg nyɛɛ li kɛ á ndáá yɛ́ɛ̄, ɔ máŋlɛ́ nyɛ́ yé ɛ́sɛ ɔ byɛ́ɛ̄ á lí laga lí nyɛ.»

Misɔ́n mí Ɓáōmɓɛ 10:43

Nyɛ́ nɛ́ ɓapɔ́tle-bí-Ɔ́lolómɛ̄ bísɛ bí ŋga tíi nyí mbóŋ nɛ: ‹Tɔ nzáá a byɛ́ɛ̄ ŋyéɓé la Nyɛ́, ag kɛ li kuh lí élaakɛ-miɓé á jóō jɛ́ɛ́›.»

Misɔ́n mí Ɓáōmɓɛ 10:6

Nyɔ́ŋ mut a lɛ̄ ǹcɛn á Símɔn ntám, ǹsál bíkogo bí tít, nyɔ́ a byɛ́ɛ̄ ndáá á ŋgwáāg túwɛ.»

Misɔ́n mí Ɓáōmɓɛ 11:13

Ɔ lāglé ɓɛ́hɛ kaa a ɛ́n áŋgɛl ɛg níŋgi á ndáá yɛ́ɛ̄, yú lágā nyɛ nɛ́: ‹Óm mut á Yópe, a sɔ́la Símɔn nyɔ́ a byɛ́ɛ̄ ŋgól nɛ́ Pétlos.

Misɔ́n mí Ɓáōmɓɛ 16:15

Ɛnɛ́ nyɛ́ la ndáá yɛ́ɛ̄ ɓá manɛ́ li kuh lí nzóɓan, ɔ yáŋá ɓɛ́hɛ la li laga nɛ́: «Kasig miní ŋga yí nɛ́ ma yéɓé la Nyɔ́ŋ-Ɛsáŋɛ́, sɔ́án miní tɔɔ á yóg yáma.» La nyɛ́ ɔ kágyɛ́ ɓɛ́hɛ nɛ́ bi yéɓé.

Misɔ́n mí Ɓáōmɓɛ 18:8

Kilípus nyɔ́ a ɓɛ́ɛ́ ŋ̀kanʼyɛ a nyíŋ ndáá-miɓomán, ɔ yéɓe la Nyɔ́ŋ-Ɛsáŋɛ́, nyɛ́ la ndáá yɛ́ɛ́ ɛ́sɛ. Ɛnɛ́ ŋgandag ɓot bí Kɔlínto ki ɓá ámblé Póol ag pɔ́t, bú yaán ɓayéɓe la ɓɔ́ bú kūh nzóɓan.

Misɔ́n mí Ɓáōmɓɛ 2:39

Ákaa ɛ́sɛ, ányúū yāná nɛ mikakanɛ má tíéɓɛ́, ányúū ɓɔɔ́n ɓáná la ɓot bísɛ bí ŋga nīŋ enɛŋɛ́, ɓá Nyɔ́ŋ-Ɛsáŋɛ́ Lōó jáhá a ŋga kɛ́ li yáŋa tɔ ɓá ɓɛ́ láá ŋgandag.»

Elōg-Kɔlínto 1 1:16

Síkɔ̄ŋ, ma tí ki m̀biya á Stefánas nzoɓan. Ányúū ɓáŋá ɓátām, mi ŋgá ɔ́ŋɔ ɓé mā nɛ́ ma tí mut ntám nzóɓan.