Misɔ́n mí Ɓáōmɓɛ 10:43 - Esaa-líat ɛ́ péná

⁴³ Nyɛ́ nɛ́ ɓapɔ́tle-bí-Ɔ́lolómɛ̄ bísɛ bí ŋga tíi nyí mbóŋ nɛ: ‹Tɔ nzáá a byɛ́ɛ̄ ŋyéɓé la Nyɛ́, ag kɛ li kuh lí élaakɛ-miɓé á jóō jɛ́ɛ́›.»

Misɔ́n mí Ɓáōmɓɛ 10:43 ပူးပေါင်းရင်းမြစ်များ

Málkus 16:16

Nyɔ́ a ŋga kɛ́ li yéɓe ndí á kūh nzoɓan, ag kɛ li suŋɓɛ. Ndí nyɔ́ a ŋgá kɛ ɓé lí yéɓe ag kɛ li kuh lí ékɔ́ghɛ.

Lúkas 24:47

Á jóō jɛ́ɛ́, bíg kɛ li lɛgɛ lí Pɔ́l M̀ɓɛɛŋ, ányúū mveŋghanɛ́ a bilɛ́m la elaakɛ-miɓé á mílōm mísɛ, li ɓotle á Yélūsalɛm.

Yohánɛs 1:45

Filípo ɔ kɛ́ li kɔ́p lí Natánáɛl ɔ lága nyɛ nɛ́: «Ɓaá ɛ́n mut Móse a ŋga pɔ́tle á kálati yɛ́ɛ̄ Mbéndá, nyɔ́ kálati yí ɓapɔ́tle-bí-Ɔ́lolómɛ̄ ɛ́ ŋga kwɛ́lene. Nyɔ́ŋ mut nɛ́ a lɛ Yésus nyɔ́ a Názalɛt mɔɔ́n Yósɛp.»

Yohánɛs 20:31

Ndí, mí mam má ciiɓɛ́ já á lí ɓɔŋ nɛ́ miní yéɓé nɛ́ Yésus a lɛ Nyɔ́-a-Pɔ́hlɛ, ɔ ɓɛ́ Mɔɔ́n Ɔlolómɛ̄, la nɛ́, kaa maná yéɓe, miní ɓɛ́la eniŋ éɓem a jóō jɛ́ɛ́.

Yohánɛs 5:24

La mbálɛ-mbálɛ, mag laga ɓɛ́nɛ nɛ́, tɔ nzáá a ŋga ámble eɓaŋgá yáma la li yéɓe la nyɔ́ a óm ma, a byɛ́ɛ eniŋ éɓem, a ŋgá kɛ ɓé lí ku lí ŋkál, ndí a ɓógó á nyɛmb li timan á éniŋ.

Misɔ́n mí Ɓáōmɓɛ 15:9

Ɛ́h ɓɛ́ ɓé ndɔ́tlán tɔ ya á póla ɓɔ́ la ɓɛ́hɛ, a púɛ́ mímīm máɓá ányúū nɛ bí byɛ́ɛ́ ŋyéɓé la nyɛ́.

Misɔ́n mí Ɓáōmɓɛ 2:38

Pétlos ɔ pélē ɓɔ́ nɛ́: «Miní vēŋé bilɛ́m, mut sig ki á élɔŋ yáná a kūh nzoɓan á joó lí Yésus Kilístus ányúū elaakɛ-miɓé mɛ́ɛ́, la náŋ miníg kɛ li kuh lí M̀búl Mpúán kaa likaale.

Misɔ́n mí Ɓáōmɓɛ 26:18

á lí lege lí mɔ̄ miíh la li ɓógtɛ lí mɔ́ á lívito li kɛla lí mɔ á mipúú, li ɓógtɛ lí mɔ̄ á mɔ mí Sátan, li kɛla lí mɔ̄ á yóg Ɔlolómɛ̄, nɛ́ ndí mí kuh elaakɛ-miɓé la li nyɔŋ lí joga á émbāmbá elɔŋ la ndog ɓayéɓe li oŋle la ŋyéɓé bí byɛ́ɛ̄ la ma.›

Misɔ́n mí Ɓáōmɓɛ 26:22

Ndí, tɛɛla nyí lɛn, ŋguu Ɔlolómɛ̄ nɛ ɛ ŋgí tátág ma, ányúū náŋ nɛ́ mi ŋgí tíág nyíŋ mbóŋ ɔ́sū ví ɓácɛ̄ŋ la ɓátɔ̄ga. Ɓapɔ́tle-bí-Ɔ́lolómɛ̄ la Móse ɓá dúgú lí laga lí yé ɛ́ ŋga kɛ́ li sɔ́, ma, mi ŋgá kondye ɓé ma jam tɔ já átē.

Misɔ́n mí Ɓáōmɓɛ 3:16

Li kele la ŋyéɓé á jóō lí Yésus, joó jé lá sɔ́lé lí manɛ lí nyɔ́ mut a tɛ́ɛ́ ɓɛ́nɛ ɔ́sū, nyɔ́ miní ŋga lēm, nyúŋ ŋyéɓé á ŋga sɔ́le la Yésus wá tɔ́ɔyɛ́ nyɔ́ mut mbólí á miíh máná ɓɛ́nɛ bísɛ.

Misɔ́n mí Ɓáōmɓɛ 3:18

Ɔlolómɛ̄ nyɛ́-mɛ̄n, a dúgú lí lɛgɛ á mínyu mí ɓápɔ́tle-bí-Ɔ́lolómɛ̄ bísɛ, nɛ́ Nyɔ́-a-Pɔ́hlɛ ag kɛ li kuh lí ésɔghe, la nyɛ́ ɔ yáhɛ́ ki náŋ.

Elōg-Lóma 10:11

Átɔm nɛ́, Licii-Lipúán líg laga nɛ́: «Nyɔ́ la nyɔ́ a ŋga yéɓe la nyɛ́, m̀ɓá, a ŋgá kɛ ɓé lí tám.»

Elōg-Lóma 3:21

Ndí nyí vɔ́ŋɔ́ɔ, Ɔlolómɛ̄ ag étɛ ɓɛ́hɛ nɛ́-láá a ŋga tɛ́ɛ́yɛ ɓɛ́hɛ sim ɛ́h ɓɛ́ ɓé mbéndá Móse. Kálati yí mbéndá la ɓapɔ́tle-bí-Ɔ́lolómɛ̄ bíg étɛ náŋ.

Elōg-Lóma 5:1

Á élōgyāŋ, kasig la ŋyéɓé nɛ Ɔlolómɛ̄ a yáanɛ́ ɓɛ́hɛ ɓot bí tɛ́ɛ́ sim ɔ́sū vɛ́ɛ́, nyí vɔ́ŋɔ́ɔ, bi lɛ́ nsaŋ la nyɛ́ li loole la Ɛtáŋɛ wahá Yésus Kilístus.

Elōg-Lóma 6:23

La mbálɛ, nsála á áɓē á lɛ́ nyɛmb, ndí likaale Ɔlolómɛ̄ a ŋga tíi yɛmɛ́ lí lɛ́ éniŋ éɓem yé ɛ́ lɛ́léné á ŋ̀atanɛ́ la Yésus Kilístus, Ɛtáŋɛ wahá.

Elōg-Lóma 8:1

Á élōgyāŋ, nyí vɔ́ŋɔ́ɔ hɔ́, ɓá ɓá āt la Yésus Kilístus bí ŋgá kuh ɓé pɛ ekɔ́ghɛ tɔ yá,

Elōg-Lóma 8:34

Nzáá a ŋga kɛ́ ɓɔ́ lí kɔ́ghɛ é? Tɔ mut, átɔm nɛ́ Yésus Kilístus a wú, li loo náŋ, a pāhye, a lɛ á m̀ɓɛ́nlómɛ a Ɔlolómɛ̄, nyɛ́ ki nɛ́ a ŋga kále ɓɛ́hɛ!

Elōg-Gálátia 3:22

Ndí, Licii-Lipúán líg laga nɛ́, aɓé wá dí ŋkɔŋ-á-sí ásɛ cíŋ, á lí ɓɔŋ nɛ́ yé Ɔlolómɛ̄ a kakáánɛ nɛ́ ag kɛ li tíi, a yáhɛ yɔ́ ányúū ɓot bí yéɓe la Yésus kilístus.

Elōg-Éféso 1:7

La micii mɛ́ɛ́ nyɛ́ Yésus Kilístus nɛ́ ɓaá kɔplɛ. Á ŋ̀atanɛ́ la nyɛ́ nɛ́ ávuha wáhá wá kūh élaakɛ kasig Ɔlolómɛ̄ a lóohán lí ɓɛ́ lí elɔ́ŋgɔ.

Elōg-Kólóso 1:14

Á ŋ̀atanɛ́ la nyɔ́ŋ Mɔ́ɔ̄n wɛ́ɛ̄ nɛ ɓaá ɓógó á ŋgatka miɓé, miɓé máhá ki mú kūh élaakɛ.

Elōg-Hébɛl 13:20

Ɔlolómɛ̄ Loó lí nsaŋ, nyɔ́ a pāhyɛ́ Ɛ́tāŋɛ wahá Yésus á nyɛmb, nyɔ́ a lɛ ǹtát mítōmbɛ́ ǹcɛ́ŋ. Li kele la micii mí Yésus nɛ́ ɓaá kuh ésaa-líat á éɓem la eɓem.

Pétlos 1 1:11

Ɓáŋ ɓapɔ́tle-bí-Ɔ́lolómɛ̄ ɓá somó lí sɔ́ŋtánɛ á yɔɔ́yɔ́ɔ eceg la láá míŋ mam mí ŋga kɛ́ li ɓɔŋɓɛ, li oŋle kaa M̀búl á Kilístus nyɔ́ á ɓɛ́ɛ́ ɓɔ́ átē, a yíhɛ ɓɔ ɔ́sū ví éceg, bísɔghe Nyɔ́-a-Pɔ́hlɛ a ŋga kɛ́ li kuh la lipém lí ŋga kɛ́ li sɔ́ ámbúh bíŋ bisɔghe.

Biyɛ́ɛ́léné 19:10

La ma mu úlɓán ɔ́sū ví áŋgɛl á lí ɓégɛ lí yɔ; ndí yu lága ma nɛ́: «Nyɔ̄ŋ lítāt, ɔh ɓɔŋɔ́g ɓé naŋ! Mág mi lɛ ja m̀ɓɔŋle nlemlem ákaa wa, la ákaa yéŋé élōgɛ́sɔ̄ŋ yá tiŋɓé lí tíi lí mbóŋ nyí Yésus. Ɔlolómɛ̄ nɛ wa nyɛ́ɛ lí ɓégɛ; átɔm nɛ́ li tíi lí mbóŋ nyí Yésus lí lɛ́ li máŋa nɛ́ yé ɓápɔ́tle-bí-Ɔ́lolómɛ̄ ɓá lɛgɛ ɛ́ lɛ́ mbálɛ.»