Misɔ́n mí Ɓáōmɓɛ 1:2 - Esaa-líat ɛ́ péná

² li pám nɛ́-tɛ́ɛla á ɔ́lɔ̄ ví lɛ́ nɛ a nyɔŋɓɛ́ɛ á lóō. Sɔ́kágánɛ́ a ŋgí ɓét á lóō, la ŋguu nyí M̀búl Mpúán, ɔ tí ɓáōmɓɛ a pɔhléé bíyíhɛ́nɛ́.

Misɔ́n mí Ɓáōmɓɛ 1:2 ပူးပေါင်းရင်းမြစ်များ

Matéus 12:28

Ndí kíyáɓɛ́nɛ la M̀búl nyú Ɔ́lolómɛ̄ nɛ mi ŋga dúhu mimbúl míɓē, yíán hɔ́ nɛ Likanʼyɛ lí Ɔ́lolómɛ̄ lá nyɛ́glé ɓɛ́nɛ.

Matéus 3:16

Ɛnɛ́ Yésus a kūh nzóɓan, ɔ pámlé á míndīm. Á nlemlem á éceg, lóō lú léglan la nyɛ́ ɔ ɛ́n M̀búl á Ɔ́lolómɛ̄ ág suhle nyɛ́ ákaa ɔɓeŋ.

Málkus 6:30

Ɓaómɓɛ bú sɔ́ ɓɛ́ɓɛ la Yésus á lí laga lí nyɛ yé ɛ́sɛ ɓá ɓɔŋ la yéé ɛ́sɛ ɓá yéglɛ.

Lúkas 24:51

Eceg aá ŋga lómbo ɓɔ́, ɔ ɓáglán lá ɓɔ́, ɔ ɓét á lóō.

Lúkas 9:51

Kasig eceg li nyɔŋɓɛ lí Yésus a lóō ɛ́ ɓɛ́ɛ́ ɓɛ́ɓɛ, ɔ nyɔ́ŋ mísɛ́mɛg lí kɛ á Yélūsalɛm.

Yohánɛs 1:16

Á líɓɛ́ɛg jɛ́ɛ́ lí ŋyálāg la mikaale mí Ɔ́lolómɛ̄ ɓɛ́hɛ bísɛ ɓaá kūh ɛ́jāhá joga, jé likaale ámbúh jéŋé.

Yohánɛs 13:1

Á nlááhɛ a ŋgand Páska nyí Elōg-Yúda, Yésus a ŋgí yí nɛ́ ŋgɛ́ŋ yɛ́ɛ̄ li ɓógo á nyú ŋkɔŋ-á-sí li kɛ á yóg Ɛsáŋɛ́ ya kɔlan. Kasig a diŋíí ndog yɛ́ɛ̄ ɛ lɛ á ŋkɔŋ-á-sí, ɔ dīŋ yɔ li loo lí ɔ́vega.

Yohánɛs 13:18

Mi ŋgá pɔ́t ɓé ma náŋ ányúū ɓɛ́nɛ bísɛ, mag yí ɓá ma pɔ́hɔ. Ndí ɛ́g somlɛ nɛ́ Licii-Lipúán lí yáal, jé lí ŋga lága nɛ́: ‹Mut ma la nyɛ́ ɓaá díélán ekɔgá, a yáan ǹlem wama›.

Yohánɛs 13:3

Ndí Yésus a yíí nɛ́ Ɛsáŋɛ́ a tíéé nyɛ́ mam mísɛ, la nɛ́ a sɔ́léné á yóg Ɔlolómɛ̄, wóŋ ki nɛ́ a ŋga kɛ́ li timan.

Yohánɛs 16:28

Ma pámléné á átē á Etāa li sɔ́ á ŋkɔŋ-á-sí, ndí nyí vɔ́ŋɔ́ɔ mag ɓógo á ŋkɔŋ-á-sí á li timan á yóg Etāa.»

Yohánɛs 17:13

Etāa, nyí vɔ́ŋɔ́ɔ, mag timan á yóg yɔ́ɔ. Ma pɔ́t bíŋ biɓaŋgá ányúū ɓayége ɓáma bí lɛ́ á ŋkɔŋ-á-sí á lí ɓɔŋ nɛ́ ɓɔ́g bí ɓɛ́la mivag máma, mí ɓɛ́ micɛ́ŋɛ́ tɔláá.

Yohánɛs 20:17

Yésus ɔ lága nyɛ nɛ́: «Ɔh siiɓágán ɓé ma! Átɔm nɛ́, mih mɓétég ɓé ma a yóg Etāa. Ndí wa, kɛɛ́n kɔ́p élōgyāŋ, ɔ lāgá yɔ́ nɛ́, ma kɛ́ á yóg Etāa nyɔ́ a lɛ ki Ɛsɔ́ŋɛ́ wāná; á yóg Loó jáma, jé lí lɛ́ ki Loo jáná.»

Yohánɛs 20:21

Yésus ɔ lága sīg-pɛ ɓɔ́ nɛ́: «Nsaŋ á ɓɛ́ la ɓɛ́nɛ. Nlemlem kaa Etāa a óm ma, mág ma óm ɓɛ́nɛ.»

Yohánɛs 3:34

Jɔ́ nɛ́, mut Ɔlolómɛ̄ a óm ag pɔ́t biɓaŋgá bí Ɔ́lolómɛ̄, ányúū nɛ́ Ɔlolómɛ̄ ag yáhɛ nyɛ́ la M̀búl wɛ́ɛ́ ɛ́h ɓɛ́ ɓé ɔ́vega.

Yohánɛs 6:62

Ɓaá, eceg miní ŋga ɛ́n Mɔɔ́n Mut ag timan ápah a sɔ́léne, miníg kɛ láá li ɓɔŋ é?

Yohánɛs 6:70

Yésus ɔ pélē ɓɔ́ nɛ́: «Ɓaá, ah ma ɓé nɛ́ ma pɔ́hɔ̄ ɓɛ́nɛ jé jóom la bíɓáa é? Ndí wa á póla yaná a lɛ̄ ǹsɔhɔ.»

Misɔ́n mí Ɓáōmɓɛ 1:11

bú ɓāt ɓɔ nɛ́: «Á ɓot bí Galiléa, ányúū yéé maná lɛndán lí légɓe lí lóō é? Nyɔ́ Yésus maná sɔ́lé lí ɛ́n ag nyɔŋɓɛ á lóō, ag kɛ li sɔ́ nlemlem kaa maná ɛ́n nyɛ ag ɓét.»

Misɔ́n mí Ɓáōmɓɛ 1:13

Ɛnɛ́ bí pámáá á Yélūsalɛm, bú ɓét á étun-ndáá-likɔgɔ, ápah Pétlos, Yohánɛs, Yákop la Andeléas, Filípo la Tómas, Baltelémia la Matéus, Yákop mɔɔ́n Álfe, Símɔn mut a nlɔŋ á ékɔ̄ɔ̄-ékombo la Yúde mɔɔ́n Yákop bí ŋgí yɔg li kɔtan.

Misɔ́n mí Ɓáōmɓɛ 1:22

li ɓotle á nzóɓan Yohánɛs, li pám á ɔ́lɔ̄ ví a nyɔŋɓɛ́ɛ á lóō ɔ́sū váhá, ɛ́g somlɛ hɔ́ nɛ wa á póla yaɓá a yáan mbóŋ lipahye jɛ́ɛ́ elɔŋ la ɓɛ́hɛ.

Misɔ́n mí Ɓáōmɓɛ 1:9

Ámbúh bíŋ biɓaŋgá, Yésus ɔ ɓét á lóō ɔ́sū váɓá, mbaga yu sɔ́, yu dímhánɛ́ nyɛ á miíh máɓá.

Misɔ́n mí Ɓáōmɓɛ 10:38

Miníg yí nɛ́, nyɔ́ Yésus a Názalɛt, Ɔlolómɛ̄ a kúúlé nyɛ ŋguu la M̀búl Mpúán. A ŋgí ɓɔ̄ŋ m̀ɓɛɛŋ á ɓávoóm bísɛ a ŋgí loole, ag tɔɔyɛ ɓot bísɛ mbólí, ɓá ǹsɔhɔ a vá á sí likanʼyɛ jɛ́ɛ́, ányúū nɛ Ɔlolómɛ̄ a ɓɛ́ɛ́ la nyɛ́.

Elōg-Gálátia 1:1

Ma Póol ŋ̀ómɓɛ, áh nyɔ́ a ɓot-bí-bínam ɓé, tɔ nyɔ́ a mut-a-binam, ndí ŋ̀ómɓɛ a Yésus Kilístus, la ŋ̀ómɓɛ a Ɔlolómɛ̄ Etāa, nyɔ́ a pāhyɛ́ Yésus á póla ɓá ɓá wū.

Elōg-Éféso 2:20

Maná níŋgi á mióŋ ápah ɓaómɓɛ la ɓapɔ́tle-bí-Ɔ́lolómɛ̄ nɛ́ bí lɛ́ jaa, ápah Yésus Kilístus nyɛ́-mɛ̄n a lɛ́ kaa ŋgɔg ɛ ɓɛ́gɛ̄ ndáá.

Timotéo 1 3:16

Kɔɔ la mbálɛ, mbaŋ nyí ŋyéɓé wáhá ɛ lɛ̄ écɛ̄ŋ. Yɔ nɛ́ ɛ lɛ nɛ́: Yésus Kilístus nyɔ́ a sɔ́ la nyuú nyí mut-a-binam, M̀búl Mpúán a étɛ́ ɓɛ́hɛ liɓɛ́ɛg jɛ́ɛ́ lí sim, áŋgɛl ki yú mɛ̄mɛ́ nyɛ, ɔ lɛ̄glɛ́ á yóg ɓot bí ŋgíla ŋyéɓé, ɓot bú yéɓé la nyɛ́ á ŋkɔŋ-á-sí, ɔ ɓét á lōó, ɔ kūh lípēm lí Ɔ́lolómɛ̄.

Elōg-Hébɛl 9:24

Á mbálɛ, Yésus Kilístus āh níŋgi ɓé á ndúgā púán nyí ya óŋɓɛ́ la ɓot-bí-bínam, nyí ɛ lɛ yɛmɛ́ édīŋgɛ́-díŋgɛ nyí taŋ ndugá púán. Ndí, á lóō jɔ́-mɛ̄n nɛ́ a níŋgi, nɛ́ ndí nyí lɛn, a tɛ́lɛ́ ɔ́sū ví Ɔ́lolómɛ̄ á lí sɔ́hye lí nyɛ ányúū yāhá.

Pétlos 1 3:22

nyɔ́ a ɓét á loó, ɔ tɔ́ɔ á m̀ɓɛ́nlómɛ a Ɔlolómɛ̄, ápah áŋgɛl, mikanʼyɛ mitám la ŋguu ɛ́ lɛ á lōó bí lɛ́ á sí likanʼyɛ jɛ́ɛ́.

Pétlos 2 3:2

Ɔ́ŋlán bíɓaŋgá bí ɓapɔ́tle-bí-Ɔ́lolómɛ̄ ɓapúán bí lɛgléé ɔsú ví eceg. Ɔ́ŋlán ki mbéndá Nyɔ́ŋ-Ɛsáŋɛ́ la Ǹsuŋ nyí ɓaómɓɛ ɓáná ɓá yéglɛ́ ɓɛ́nɛ.

Biyɛ́ɛ́léné 1:1

Nyí kálati ɛ byɛ́ɛ biyɛ́ɛ́léné bí Yésus Kilístus a ŋga yíhɛ; Ɔlolómɛ̄ a tí nyɛ bíŋ biyɛ́ɛ́léné á li ɓɔŋ nɛ́ a yíhɛ́ ɓaɓɔŋle ɓɛ́ɛ́ yé ɛ ŋga kɛ́ li sɔ́ puh eceg. A yíhɛ́ ɓɔ́ náŋ li loole la áŋgɛl yɛ́ɛ̄ a ómlé m̀ɓɔŋle wɛɛ́ Yohánɛs,

Biyɛ́ɛ́léné 2:11

Nyɔ́ a byɛ́ɛ̄ miɔ́ɔ́, a ámblé yéé M̀búl a ŋga lága Biɓasɛ. Ǹdí-cíŋ, a ŋgá kɛ ɓé lí wú lí nyɛmb ya yáhɛ́ ɛ́ɓáa nyí ya tíile.»

Biyɛ́ɛ́léné 2:17

Nyɔ́ a byɛ́ɛ̄ miɔ́ɔ́, a ámblé yéé M̀búl a ŋga lága Biɓasɛ. Ǹdí-cíŋ, mag kɛ nyɛ́ lí tíi lí mána mí sɔ́lɛ̄, mag kɛ nyɛ́ lí tíi lí épūpúɛ ɛ́ ŋgɔg, ápah ɓá cií jóō lí péná, jé tɔ mut a ŋgá yí ɓé, amáh sig nyɔ́ a ŋga kūh jɔ́.»

Biyɛ́ɛ́léné 2:29

Nyɔ́ a byɛ́ɛ̄ miɔ́ɔ́, a ámblé yé M̀búl a ŋga lága Biɓasɛ.

Biyɛ́ɛ́léné 2:7

Nyɔ́ a byɛ́ɛ̄ miɔ́ɔ́, a ámblé yéé M̀búl a ŋga lága Biɓasɛ: Ǹdí-cíŋ, mag kɛ nyɛ́ lí tíi lí eéé éniŋ ɛ́ tɛ́ɛ́ á paladīs nyí Ɔlolómɛ̄ ákaa lidí.»

Biyɛ́ɛ́léné 21:14

Bididiya bí kɔ́tá tísɔn bí óŋɓɛ́ɛ á lóō lí jóom lí melké la míɓáa. Jelké sig, lí ɓɛ́ɛ́la joó lí ŋ̀ómɓɛ wa, á moó mí jóom lí ɓáōmɓɛ la bíɓáa bí mɔ́ɔ̄n ntómbɛ́.

Biyɛ́ɛ́léné 3:13

Nyɔ́ a byɛ́ɛ̄ miɔ́ɔ́, a ámblé yé M̀búl a ŋga lága Biɓasɛ.»

Biyɛ́ɛ́léné 3:16

Ndí, kaa ɔ ŋgɔ bíiɓan ja, nɛ́ ɔ ŋgɔ́ vɔ́l ɓé tɔ li nyám, mag kɛ wa lí ló.

Biyɛ́ɛ́léné 3:22

Nyɔ́ a byɛ́ɛ̄ miɔ́ɔ́, a ámblé yé M̀búl a ŋga lága Biɓasɛ.»