Elōg-Kɔlínto 2 9:11 - Esaa-líat ɛ́ péná

¹¹ Á pánd ɛ́sɛ, ag kɛ ɓɛ́nɛ li byaŋɓɛ a mam mísɛ, nɛ́ ndí á tɔ yɔɔ́yɔ́ɔ eceg miní étɛ́ elɔ́ŋgɔ m̀mím yáná. La náŋ, ŋgandag ɓot ɛ́g kɛ li tíi lí Ɔ́lolómɛ̄ mítamlan ányúū mikaale bi ŋga kɛ́ ɓɔ́ li tíi á jóō jáná.

Elōg-Kɔlínto 2 9:11 ပူးပေါင်းရင်းမြစ်များ

Matéus 20:15

Ɓaá, mih byɛ́ɛ́ ɓé kundɛ li ɓɔŋle lí ábyaŋ wáma ákaa kóó yama é? Tɔ nɛ́ liɓɛ́ɛg jáma lí élɔ́ŋgɔ mut líg ályɛ wa é!›

Matéus 25:17

Nlemlem la nyɔ́ a kuhúú ádun á kápa áɓáa, nyɛ́g ɔ kūh sīg-pɛ adun á kápa áɓáa atám.

Elōg-Lóma 12:8

Kíyáɓɛ́nɛ mut a kūh líkaale lí lí tíi lí míkūndá, a tí mikúndá. Nyɔ́ a ŋga káale ɓot, a ɓɔ̄ŋ náŋ ɛ́h ɓɛ́ ɓé lí légɓe lí mbúh. Nyɔ́ a lɛ̄ m̀wɛɛla, a ɓɛ́ m̀wɛɛla la akwáá. Nyɔ́ a ŋga kɔ́nan ŋgɔ́ɔ́ a ɓɔ̄ŋ náŋ la mivag.

Elōg-Kɔlínto 1 1:5

La mbálɛ, á ŋ̀atanɛ́ la Yésus Kilístus, nɛ́ miní kūhúú ábyaŋ á nyaa yɔ́ ɛ́sɛ, likaale lí eyí-ŋkwɛl la jé lí lí yí lí mam mísɛ.

Elōg-Kɔlínto 2 1:11

Ɓɛ́nɛ ki, miníg óŋgánɛ ɓɛ́hɛ la mikánɛ máná. La náŋ, biíg kɛ li kúh lí míkaale li kele la mikánɛ mí ŋgandag ɓot yá kánɛ́ ányúū yāhá. Náŋ ki nɛ́ a ŋga kɛ́ li yígle lí ɓot ŋgandag nɛ́ bí tí Ɔlolómɛ̄ mítamlan ányúū yāhá.

Elōg-Kɔlínto 2 4:15

Yé ɛ́sɛ bi ŋga nīŋ ɛ́ lɛ́ ányúū yāná, á lí ɓɔŋ nɛ́ ekɔnan-ŋgɔ́ɔ́ yé Ɔ́lolómɛ̄ ɛ́ kóndyé ɓɛ́nɛ li suhle, la nɛ́ ɔbul ví ɓot ví kondyé lí tíi lí Nyɛ mítamlan la lipém.

Elōg-Kɔlínto 2 8:16

Mítamlan la Ɔlolómɛ̄ nyɔ́ a ɓɔ̄ŋ nɛ Títo, a ɓɛ́la nlemlem á ákwāā á m̀mím wɛ́ɛ́ ányúū yāná.

Elōg-Kɔlínto 2 8:19

Li loo náŋ, Biɓasɛ bísɛ bí pɔhléé nyɛ́ á lí ɓɛ́ lí líwāndá jáhá lí dúwɛ ányúū nyúŋ nsɔ́n á ékɔnan-ŋgɔ́ɔ́, nyú bií ŋga sál ányúū lipém lí Nyɔ́ŋ-Ɛsáŋɛ́ nyɛ́-mɛ̄n, la ányúū li yáhɛ lí míɔ̄ŋɔ máhá mílāām.

Elōg-Kɔlínto 2 9:12

Ákaa ɛ́sɛ, nsɔ́n a nyɔ́ŋ ŋkomanɛ́ a mikaale wáh nyɛɛ ɓé já lí ɓɛ́ ányúū li sɔ́la lí ndog-Ɔlolómɛ̄ yé ɛ byɛɛ́ kóó, ndí wá nyɛ́ɛ ki li ɓɔŋ nɛ́ ɓot bí loohan lí tíi lí Ɔ́lolómɛ̄ mítamlan.