Elōg-Kɔlínto 2 8:9 - Esaa-líat ɛ́ péná

⁹ La mbálɛ, miníg yí elɔ́ŋgɔ m̀mím yé Ɛtáŋɛ wahá Yésus Kilístus, nyɔ́ a lɛ nɛ́, átē a abyaŋ wɛ́ɛ́, a yáanɛ́ nyɛ́-mɛ̄n ŋ̀yɛ́ɛ́yɛ́ɛ ányúū yāná, nɛ́ ndí la liyɛ́ɛ́ jɛ́ɛ́ a byāŋɓɛ́ ɓɛ́nɛ.

Elōg-Kɔlínto 2 8:9 ပူးပေါင်းရင်းမြစ်များ

Matéus 17:27

Jɔ́ nɛ́, á lí pún nɛ́ náŋ ah teeŋgɛ́gɛ́ ɓé ɓáɓat-táas, kɛɛ́n á ébúle, lɛŋgɛ́ nlɔ́ɔ́ á ɔ́sōō. Kɔh ɔsú ɔ ŋgɔ ól, legé anyu wɛ́ɛ́, ɔg kɔ́p épah ɛ́ kápa múŋ; nyɔ̄ŋ yɔ́, ɔ tí yɔ́ ɓáŋ ɓot ányúū yáma la ányúū yɔ́ɔ.»

Matéus 20:28

Náŋ ki nɛ̄ Mɔɔ́n Mut ah sɔ́ ɓé nɛ bí ɛɛlé nyɛ́, ndí a sɔ́ nɛ a ɛ́ɛ́lé ɓot, la li tíi lí éniŋ yɛ́ɛ́ á ésɛsɛ́ma á lí tɔ́hɔ lí ɔ́bul ví límut.»

Matéus 8:20

Yésus ɔ tímānɛ̄ nyɛ̄ nɛ́: «Mbaŋga ɛ́ byɛ́ɛ́ bivóg, anɔn á byɛ́ɛ́ mumbú; ndí Mɔɔ́n Mut nyɛ́, ah byɛ́ɛ́ ɓé línanténé.»

Málkus 6:3

Ɓaá nyɛ́ ɓé nɛ a lɛ kápínda, mɔɔ́n Mālía, mɔɔ́nyāŋ a Yákop, Yósɛs, Yúde la Símɔn é? Ɓaá elōgnyāŋ ɛ́ ɓondígá ɛ́ sē ɓé la ɓɛ́hɛ vá é?» Náŋ ɔ ɓɔ̄ŋ nɛ́ ɓot bú ɓen li yéɓe la nyɛ́.

Lúkas 16:11

Kíyáɓɛ́ hɔ́ nɛ manáh ɓɛ́ ɓé mbálɛ á ŋkuh á mínaa, nzáá a ŋga kɛ́ ɓɛ́nɛ li yígle lí tāŋ mam é?

Lúkas 2:7

la nyɛ́ ɔ byál mɔɔ́n-á-páam, mɔɔ́n wɛ́ɛ̄ ɔsú. Ɔ vúlké nyɛ miɓato, ɔ nāntɛ́ nyɛ á ésōā bílēm, ányúū nɛ́ póla ɛh ɓɛ́ɛ ɓé ányúū yaɓá á ndáá ɓaloo-nzen.

Lúkas 8:3

Yohána, ŋ̀gáá Kúza, ǹlégɓe-miɓɛɛŋ mí Élóde, Susána la ɓáŋá ɓondígá ɓatám ɓá bí ŋgí sɔ́la abyaŋ wáɓá á li óŋgánɛ lí Yésus la ɓaómɓɛ ɓɛ́ɛ́.

Lúkas 9:58

Yésus ɔ tímānɛ̄ nyɛ nɛ́: «Mbaŋga ɛ́ byɛ́ɛ bivóg, anɔn á byɛ́ɛ́ mumbú, ndí Mɔɔ́n Mut nyɛ́, ah byɛ́ɛ́ ɓé línanténé.»

Yohánɛs 1:10

Eɓaŋgá ɛ́ ɓɛ́ɛ́ á ŋkɔŋ-á-sí, la yɔ́ nɛ́ ɓá veg ŋkɔŋ-á-sí Ndí ŋkɔŋ-á-sí wáh lem ɓé yɔ.

Yohánɛs 1:14

La Eɓaŋgá yú ɓɔ̄ŋɓɛ́ mut-a-binam, la yɔ́ yú tɔ́ɔ̄ la ɓɛ́hɛ, ɓɛ́hɛ ki bu mɛ̄mɛ́ lipém jɛ́ɛ́. Jéŋ lipém, lí pɔmbɛ Mɔɔ́n, líg sɔ́le nyɛ́ la Ɛsáŋɛ́, nyíŋ pɔmbɛ Mɔɔ́n ɛ yáhɛ́ la mikaale mí Ɔ́lolómɛ̄, mbálɛ ki ɛ yáhɛ yɔ á nyúū.

Yohánɛs 1:17

Kasig mbéndá Ɔlolómɛ̄ ya tíéɓɛ́ ɓɛ́hɛ la Móse, ekɔnan-ŋgɔ́ɔ́ la mbálɛ bíg sɔ́lé ɓɛ́hɛ li kele la Yésus Kilístus.

Yohánɛs 12:30

Yésus ɔ nyɔ̄ŋ sīg-pɛ mpɔ́t, aá la ɓɔ́ nɛ́: «Ah ányúū yama ɓé nɛ nyíŋ cíŋ ya ámblɛ́ɛ ndí á mbálɛ ányúū yaná.

Yohánɛs 16:15

Yé ɛ́sɛ Etāa a byɛ́ɛ̄ ɛ lɛ́ ɛ́yáma, jɔ́ nɛ́ ma lága ɓɛ́nɛ nɛ́, ag kɛ li kuhlene á yé ɛ lɛ́ ɛ́yáma, la nyɛ́ a yíhɛ́ ɓɛ́nɛ yɔ́.»

Yohánɛs 17:19

Ányúū yaɓá, ma púɛ́ mā-mɛ̄n ányúū nsɔ́n, nɛ́ ndí ɓɔ́g mbálɛ ɛ púɛ́ ɓɔ́ ányúū nsɔ́n.

Elōg-Lóma 11:12

Kasig ɔvuha ví ɓɔ́ɔ̄n bí Élōg-Yúda vá byaŋɓɛ́ ŋkɔŋ-á-sí la mam mí m̀ɓɛɛŋ, kasig m̀ɓɛg wáɓá wá byaŋɓɛ́ ɓot bí sē ɓé ɓɔ́ɔ̄n bí Élōg-Yúda la mam mí m̀ɓɛɛŋ, eceg hɔ́ ɓɔ́ɔ̄n bí Élōg-Yúda bísɛ bí ŋga kɛ́ li kuh lí lísuŋga, mam mí m̀ɓɛɛŋ míg kɛ li kondye lí li bul li loo lí ɔ́vega.

Elōg-Lóma 15:3

Á mbálɛ, Nyɔ́-a-Pɔ́hlɛ āh sōmlee ɓé yé ɛ ŋgí nyɛɛle nyɛ́ ákaa yá ciiɓɛ́ nɛ: «mióó mí ɓaóŋo wa má kuélé mā á nyúū.»

Elōg-Lóma 5:8

Ndí, ndembye nyí ɛ ŋga étɛ nɛ́ Ɔlolómɛ̄ ag diŋ ɓɛ́hɛ yɔ nyí nɛ́: Nyɔ́-a-Pɔ́hlɛ a wú ányúū yāhá, kí bi ŋgí lɛ ɓáɓɔŋ-miɓé.

Elōg-Lóma 8:32

Ákaa Ɔ́lolómɛ̄ ah ɓag ɓé Mɔɔ́n wɛ́ɛ̄ nyɛ́-mɛ̄n ésɔghe, ndí ɔ sɛ̄m nyɛ ányúū yāhá ɓɛ́hɛ bísɛ, nɛ́-láá a ŋgá la ɓé ɓɛ́hɛ li kaale lí byóōm bísɛ yɛmɛ́ li kele la Mɔɔ́n wɛ́ɛ̄ é?

Elōg-Kɔlínto 1 1:4

Ányúū yāná, mag tíi Ɔlolómɛ̄ mítamlan ɛ́h ɓɛ́ ɓé lí tɔmb, ányúū likaale a tíéé ɓɛ́nɛ yɛmɛ́ li kele la Yésus Kilístus.

Elōg-Kɔlínto 1 15:47

Mut ɔsú, ɓá mɛ̄ nyɛ la ntɔ́ɔ́, a lɛ nyɔ́ a ŋkɔŋ-á-sí. Nyɔ́ a yáhɛ́ bíɓáa nyɛ́ ag sɔ́le á lóō.

Elōg-Kɔlínto 2 6:10

bíg nyɔŋ ɓɛ́hɛ kaa miályāg mí ɓot ndí kí bi ɓáág jā mívag la mivag, bíg nyɔŋ ɓɛ́hɛ kaa ɓayɛ́ɛ́yɛ́ɛ ndí kí ɓɛ́hɛ nɛ́ bi lɛ ɓábyaŋɓɛ ɓot, bíg nyɔŋ ɓɛ́hɛ kaa ɓot bí ŋga yɛ́ɛ́ jóō nɛ́ jam ndí kí ɓɛ́hɛ nɛ́ bi byɛɛ́ mam mísɛ!

Elōg-Éféso 2:7

Jɔ́ nɛ́, a étɛ́ ɓɛ́hɛ m̀mím wɛ́ɛ́ nláám á ŋ̀atanɛ́ wāhá la Yésus Kilístus, la náŋ ɔ sómo li étɛ lí ábyaŋ á ŋgíla ŋget nyú á elɔ́ŋgɔ yɛ́ɛ́ m̀mím á bíceg bí ŋga kɛ́ li sɔ́.

Elōg-Éféso 3:19

Miníg kɛ li yí lí yé ɛ́ lɛ́ édiŋ ɛ́ Nyɔ́-a-Pɔ́hlɛ, yé ɛ́ ŋga lóo biyí bísɛ, á lí ɓɔŋ nɛ́ miní kúh miɓɛɛŋ mí Ɔlolómɛ̄ la ki nɛ́ nyɛ́ Ɔ́lolómɛ̄ a yál átē wāná.

Elōg-Éféso 3:8

Tɔ náŋ ákaa ma nɛ́ mi lɛ nyɔ́ a lóohán lí tígi átē á ndog-Ɔlolómɛ̄ yɔ ɛsɛ̄, ma pɔ́n nɛ ma kūh líkaale jé lí lí lɛgɛ lí mílōm mí sē ɓé ɓɔ́ɔ̄n bí Élōg-Yúda pɔ́l abyaŋ á ŋgíla lisúg nyú á Nyɔ́-a-Pɔ́hlɛ,

Elōg-Kólóso 1:24

Nyí vɔ́ŋɔ́ɔ, mag kɔn mivag la bisɔghe mi ŋga kūh ányúū yāná. Bisɔghe bí yégléé nɛ́ Yésus Kilístus a kūh, má mag kūh byɔ ányúū Eɓasɛ yé ɛ́ lɛ́ nyúū nyí Kilístus.

Timotéo 1 6:18

Mimbyaŋ-mí-ɓot mí ɓɔŋ m̀ɓɛɛŋ, abyaŋ wáɓá á ɛ́nyéné á mísɔ̄n mí m̀ɓɛɛŋ. Mí ɓɛ́ ɓot bí ŋga káa, mí yéɓé lí kaan lí yé mí byɛ́ɛ̄ la ɓáŋá ɓátām.

Elōg-Hébɛl 1:2

Ndí, á nyú alɔ́ wá tiile bi byɛɛ́, Ɔlolómɛ̄ a pɔ́tɛ́ ɓɛ́hɛ li loole la Mɔɔ́n wɛ́ɛ̄. Li loole la nyɔ́ŋ Mɔɔ́n nɛ a vēg ŋkɔŋ-á-sí ásɛ la mam mí lɛ́ átē, ɔ tɛ́ɛ́yɛ́ nyɛ ŋ̀koto-embámbá yé mam mísɛ.

Yákop 2:5

Ámblán á élōgyāŋ yé édiŋ, ɓaá, ah Ɔlolómɛ̄ ɓé nɛ a pɔ́hɔ̄ ɓá bí lɛ́ ɓáyɛ̄ɛ̄yɛ́ɛ li oŋle la liɛ́nɛg lí ɓot bí ŋkɔŋ-á-sí, á lí byaŋɓɛ lí ɓɔ á ŋyéɓé, la li yaanɛ lí ɓɔ ɓakoto-embámbá yé Ékombo-lóō yé a kákānɛ̄ ɓot bí ŋga dīŋ nyɛ́ é?

Biyɛ́ɛ́léné 2:9

«Mag yí ésɔghe yɔ́ɔ la liyɛ́ɛ́ jɔ́ɔ, tɔ náŋ ákaa ɔ lɛ m̀byaŋ; mag yí mam bí ŋga ɓéeyɛ wa la ɓá bí ŋga sɛ̄gɓan nɛ́ bí lɛ́ ɓɔ́ɔ̄n bí Élōg-Yúda; ndom nɛ́ bí sē ɓé ɓɔ̄, bí lɛ́ ja ‹ɓot bí nlɔŋ á Sátan›.

Biyɛ́ɛ́léné 21:7

Embámbá ǹdí-cíŋ a ŋga kɛ̄ li koto ɛ́g ɓɛ́ nɛ́: ma mag ɓɛ́ Lōó jɛ́ɛ́, nyɛ́g a ɓɛ́ mɔɔ́n wáma.

Biyɛ́ɛ́léné 3:18

mag ééle wa nɛ́ ɔ sóm góol nyí nzáan ya púɛ á yóg yáma nɛ́ ɔ byáŋá, ɔ sóm ki bipúpúɛ bí mbɔ́tí ɔ ŋgɔ jál á lí ɓɔŋ nɛ́, ɔh wɛɛ́g ɓé nsɔ́ la ki nɛ́ ɔh kɔnɔ́g ɓé mbɔɔla; sóm ki ŋgɔɓé beéé ɔ ŋgɔ tɔ́nʼyɛ á miíh la wā ɔ tímān li ɛ́nan.