Elōg-Kɔlínto 2 8:3 - Esaa-líat ɛ́ péná

³ Mi lɛ mbóŋ nɛ byá tí li oŋle la bikuhlé byáɓá, lí loo yágá ki, ɛ́h ɓɛ́ ɓé byɔ li ɓoŋhan náŋ,

Elōg-Kɔlínto 2 8:3 ပူးပေါင်းရင်းမြစ်များ

Málkus 14:8

Nyɔ́ mindígá a ɓɔ̄ŋ yé a lá li ɓɔŋ. A kóm ma líbīndɛ ɔ́sū ví eceg á nyúū á li ɓoŋhan lí míje máma.

Misɔ́n mí Ɓáōmɓɛ 11:29

Jɔ́ nɛ́ ɓáyēge bí súghɛ́ɛ li oŋle la bikuhlé bí mut sig nɛ́, bíg kɛ li óm lí ɓáyēɓe bí ŋga nīŋle á Yúdēa mióŋgánɛ.

Elōg-Lóma 10:2

Átɔm nɛ́, mi lɛ mbóŋ nɛ bí byɛ́ɛ́ akwáá ányúū nsɔ́n Ɔlolómɛ̄. Ndí nyúŋ akwáá wáɓá á lɛ́ nyú á ŋgíla éyī.

Elōg-Kɔlínto 1 16:2

Á ɔ́lɔ̄ ví ɔ́pug ví nzamɛ́ sig, mut sig a ɓāg yé a lā lí naŋɛ á lí ɓɔŋ nɛ́ bíh laaŋkégé ɓé mísɔ̄ máma nɛ́ ndí bí kómānɛ míkaale.

Elōg-Kɔlínto 1 9:17

Kí ɓɔ̄ŋ nɛ́ mií ŋga ɓɔ̄ŋ náŋ la mā-mɛ̄n, kí mí byɛ́ɛ́ kundɛ la nsála, ndí kasig nyúŋ nsɔ́n á lɛ́ mā épīl, mi lɛ ŋkágán lí sál lí wɔ.

Elōg-Gálátia 4:15

Mivag máná mí kwakwáŋɛ mí lɛ́ hɔ́ véé é? Á mbálɛ, mag tíi nyí mbóŋ nɛ́: kí ɓɔŋ nɛ́ miní ŋgí la, kí miní ɓógtɛ́ɛ miíh máná á lí tíi lí ma mɔ́.

Elōg-Fílípi 2:13

Átɔm nɛ́, Ɔlolómɛ̄ nɛ́ a ŋga sál á póla yāná, nyɛ́ nɛ́ a tí ɓɛ́nɛ ŋguu nɛ́ miní ɓɛ́la kóó lí ɓɔŋ la ŋguu nyí li yáhɛ lí mam li oŋle la m̀ɓɛɛŋ á peg a vúl.

Elōg-Kólóso 4:13

Mag tíi nyí mbóŋ yɛ́ɛ̄ nɛ̄, ag nyɔŋ ŋgandag esɔghe ányúū yaná, ányúū ɓot bí tísɔn Laodíse la ɓá bí nyí Iyelapólis.

Elōg-Tésaloníka 1 2:8

Ŋgandag ekɔ́ɔ́ bi ɓɛ́ɛ́la ányúū yāná yú yíglé ɓɛ́hɛ nɛ́, amáh sig Pɔ́l M̀ɓɛɛŋ Ɔlolómɛ̄ ɓaá tí ɓɛ́nɛ, bi ɓɛ́ɛ́ ɓɛ́ɓɛ li tíi lí éniŋ yáhá yɔ́-mɛ̄n ányúū yāná, ányúū nɛ miní timáán ɓɛ́hɛ li ɓɛ́ lí díyɛ ŋgandag.

Filémon 1:14

Ndí, māh somo ɓé ma li ɓɔŋ li tɔ jam ŋgíla kundɛ yɔɔ, ɛ́g táág ɓɛ́ nɛ ɔg ɓɔŋ m̀ɓɛɛŋ ɔ́ŋgɛn ɓá kágyɛ́ wa, ndí, m̀ɓɛɛŋ ɔ ŋgɔ ɓɔ̄ŋ á sɔ́léné wa á élɔ́ŋgɔ yɔ́ɔ m̀mím.

Pétlos 1 4:11

Kíyáɓɛ́nɛ mut a byɛ́ɛ́ nɛ́ ag pɔ́t, a lɛ́gɛ́ já éɓaŋgá Ɔlolómɛ̄. Kíyáɓɛ́nɛ mut ag sál, a sál ja la ŋguu Ɔlolómɛ̄ a tí nyɛ, á li ɓɔŋ nɛ́ li kele la Yésus Kilístus, ɓot bí tí Ɔlolómɛ̄ lipém lísɛ, átɔm nɛ́, nyɛ́ nɛ́ a byɛ́ɛ̄ ŋguu la lipém á éɓem la á éɓem. Ɛ́ ɓɛ́ náŋ!

Pétlos 1 5:2

Miní díɛ́hɛ́ liɓembá lí Ɔ́lolómɛ̄, jé a byéehɛ́ ɓɛ́nɛ. Miní tát jɔ́ ɛ́h ɓɛ́ ɓé ŋkágyɛ́ɛ, ndí la miɔ́ŋɔ miláám á nyaa ɛ ŋga nyɛɛle Ɔlolómɛ̄, miníh ɓɔŋɔg ɓé naŋ ányúū nsom á ábyaŋ, ndí ɓɔŋán náŋ la m̀mím nláám.