Elōg-Kɔlínto 2 8:21 - Esaa-líat ɛ́ péná

²¹ Ɓɛ́hɛ, biíg somo yé ɛ́ lɛ́ m̀ɓɛɛŋ, ah á miíh mí Nyɔ́ŋ-Ɛsáŋɛ́ nyɛ́-ntámɛ́ ɓé, ndí la á miíh mí ɓot-bí-bínam ki.

Elōg-Kɔlínto 2 8:21 ပူးပေါင်းရင်းမြစ်များ

Matéus 23:5

Bíg ɓɔŋ mam mísɛ nɛ́ ɓot bí ɛ́n ɓɔ́. Bíg ééɓɛ micila mí bíɓaŋgá bípúán bí ŋga átyɛ á mbɔm tɔ li tiŋ lí byɔ á énam, bíg laaɓɛ ki mikɔɔ mí mbɔ́tí yáɓá.

Matéus 5:16

Nlemlem á jam la ɓɛ́nɛ, mipúú máná mí páa á miíh mí ɓot, á lí ɓɔŋ nɛ́ eceg bí ŋga ɛ́n mísɔ̄n máná mílāām, bí ɓégɛ́ Ɛsɔ́ŋɛ́ wāná nyɔ́ a lɛ á lóō.»

Matéus 6:1

«Nyɔŋán lítāt, miníh ɓɔŋɔ́g ɓé mām mí bíɓasɛ byáná ɔ́sū ví ɓot, á lí ɓɔŋ nɛ́ bí ɛ́n ɓɛ́nɛ; náŋ miní ŋgá kɛ ɓé lí kuh lí nsála tɔ wá nyú á ŋga sɔ́le la Ɛsɔ́ŋɛ́ wāná nyɔ́ a lɛ á lóō.

Matéus 6:4

á lí ɓɔŋ nɛ́ likaale jɔ́ɔ lí loo á nsɔlɓɛ́, la náŋ, Ɛsɔ́ŋɛ́ nyɔ́ a ŋga ɛ́n á nsɔlɓɛ́ ag kɛ wa lí sála.»

Elōg-Lóma 12:17

Miníh timkágánɛ́ ɓé tɔ mut áɓē a ŋga ɓɔ̄ŋ ɓɛ́nɛ, somlán lí ɓɔŋ lí yé ɛ́ lɛ́ m̀ɓɛɛŋ á miíh mí ɓot bísɛ.

Elōg-Lóma 14:18

Kí mut ag ɓɔ̄ŋ nsɔ́n á Nyɔ́-a-Pɔ́hlɛ nyíŋ patí, ag nyɛɛle Ɔlolómɛ̄, ɓot kí bíg séme nyɛ́.

Elōg-Kɔlínto 2 2:17

Ákaa ɛ́sɛ, bi sē ɓé ɓɛ́hɛ káa víŋí ɔ́bul ví ɓot, ɓá bí ŋga núŋu eɓaŋgá yé Ɔ́lolómɛ̄. Ndí ɓɛ́hɛ, biíg pɔ́t á nyaa ɛ tɛ́ɛ́ á joó lí Ɔ́lolómɛ̄, ɔ́sū ví Ɔ́lolómɛ̄, á ŋ̀atanɛ́ la Nyɔ́-a-Pɔ́hlɛ.

Elōg-Kɔlínto 2 8:20

Biíg nyɔ́ŋ hɔ́ lítāt nɛ bíh úmúg ɓé ɓɛ́hɛ nsɔh likɔlɓan la li ɓɔŋle jáhá lí nyí mbáŋ-mbáŋ ŋkuh ɓá byeehɛ́ ɓɛ́hɛ.

Elōg-Kɔlínto 2 8:22

Ɓaá óm nyɔ́ŋ mɔɔ́lyāŋ wāhá elɔŋ la ɓaómle ɓáhá, nyɔ́ a ŋga yɔ̄g ɓɛ́hɛ li étɛ lí ákwāā wɛ́ɛ́, ndí a ŋgí éthɛgɛ ki wɔ́ tɛɛla nyí vɔ́ŋɔ́ɔ, átɔm nɛ́ a loohán ɓɛ́nɛ li váléne lí lípitá.

Elōg-Fílípi 4:8

Á élōgyāŋ, á mísúgle, mag laga ɓɛ́nɛ nɛ́, maná nyɛ́ɛ ja lí tiŋɓe á yé ɛ́sɛ ɛ́ lɛ́ mbálɛ, á yé ɛ́sɛ ɛ́ lɛ́ taŋ, á yé ɛ́sɛ ɛ́ tɛ́ɛ́ sim, á yé ɛ́sɛ ɛ́ lɛ́ mípūū, á yé ɛ́sɛ ɛ́ kɔ́ɔ̄ lí diŋɓɛ, á yé ɛ́sɛ ɛ́ kɔɔ́ la adit, á yé ɛ́sɛ ɛ́ ŋga yáŋlɛ nɛ́ m̀ɓɛɛŋ, la á yé ɛ́sɛ ɛ́ kɔɔ́ la eɓégɛ.

Elōg-Tésaloníka 1 5:22

miní nɛ́ŋɛ̄ la yé ɛ́sɛ ɛ́ lɛ́ áɓē.

Timotéo 1 3:7

Ɛ́g kɛ ki li somlɛ nɛ́ ɓot bi sē ɓé ɓáyēɓe bí tí nyɛ́ mbóŋ élāām, á lí ɓɔŋ nɛ́ bíh yaŋlág ɓé nyɛ, la ki nɛ́ áh kuág ɓé á áām á ǹsɔhɔ.

Timotéo 1 5:14

Kóó yama ɛ lɛ hɔ́ nɛ́, ŋgɔn ɓóndīgá yí ɛ́ lɛ́ míkūh ɛ́ tímān lí lɔ́mɓan, ɛ́ kol mbota, ɛ́ nyɔŋ eceg la milɛ́ɛ́ máɓá mí áūg, ɛ́h tíág ɓé ɓálem póla li pɔ́t lí ɓɛ́hɛ tɔ yéé,

Pétlos 1 2:12

Ɓɛ́án la bilɛ́m bílāām á póla ɓot bí ŋgá yéɓé ɓé la Ɔlolómɛ̄, á li somo nɛ́, tɔ ɓɔŋ nɛ́ bíg ɓéeyɛ ɓɛ́nɛ nɛ́ miní lɛ́ ɓot ɓaɓé, bí ɛ́n miɓɔŋɔg máná mílāām, la ɓɔ́ bí ɓégɛ́ Ɔlolómɛ̄ ɔlɔ́ a ŋga kɛ́ li sɔ́.