Elōg-Kɔlínto 2 8:10 - Esaa-líat ɛ́ péná

¹⁰ Múŋ á jéŋ litɔt, miɔ́ŋɔ máma mi ŋga tíi mí nɛ́: Yé ɛ́ lɛ́ m̀ɓɛɛŋ ányúū yāná yɔ́ yé nɛ́ miníh tɔmbɔ́g ɓé, kasig ɓɛ́nɛ nɛ́ miní mɓɛ́ ɓot bí ɔ́sū á lí komanɛ lí míŋ mióŋgánɛ, ndí amáh sig náŋ, ɓɛ́nɛ ki nɛ́ miní ɓɛ́ɛ́ ɓot bí ɔ́sū á lí nyɔŋ lí bísúghɛ́nɛ́ nɛ miníg ɓɔŋ náŋ li ɓotle lí m̀bú wá loo.

Elōg-Kɔlínto 2 8:10 ပူးပေါင်းရင်းမြစ်များ

Matéus 10:42

Nyɔ́ la nyɔ́ a ŋga kɛ́ li tíi lí ŋ̀yége wama ntɔ́ga wa, tɔ ɓɛ́ ja tómbeli mindím mí ŋga vɔ́l, ányúū nɛ a lɛ ŋ̀yége wama, la mbálɛ, mag laga ɓɛ́nɛ nɛ́ nyɔ́ŋ mut a ŋgá kɛ ɓé lí jáŋɛ lí nsála wɛ́ɛ́.

Yohánɛs 11:50

Ɓaá, miní ŋgá ɛ́n ɓé nɛ́ náŋ a lɛ nsɛ́ŋ wáná nɛ́, mut wa nɛ́ a wú ányúū lilóm, li loo nɛ́ lilóm lísɛ líg cɛ́ é?»

Yohánɛs 16:7

Ákaa ɛ́sɛ ma lagá ɓɛ́nɛ mbálɛ. Mikɛ máma mí lɛ́ ányúū nsɛ́ŋ wáná, ányúū nɛ́, kí máh kɛ́ ɓé ma, M̀mɔ́mɛ a ŋgá kɛ́ ɓé li sɔ́ ápah miní lɛ. Ndí kíyáɓɛ́nɛ ma kɛ̄, mag kɛ ɓɛ́nɛ nyɛ́ lí ómle.

Yohánɛs 18:14

Nyúŋ nlemlem á Kaífa nɛ́ á lagléé ɓákanʼyɛ bí Élōg-Yúda nɛ́: «ɛ́ lɛ nsɛ́ŋ nɛ mut wa nɛ́ a wú ányúū lilóm.»

Elōg-Kɔlínto 1 10:23

«Mam mísɛ mí lɛ́ kúndɛ», ndí mɔ́ mísɛ míh byɛ́ɛ́ ɓé nsɛ́ŋ. «Mam mísɛ mí lɛ́ kúndɛ», ndí mɔ́ mísɛ mí ŋgá óŋ ɓé.

Elōg-Kɔlínto 1 16:2

Á ɔ́lɔ̄ ví ɔ́pug ví nzamɛ́ sig, mut sig a ɓāg yé a lā lí naŋɛ á lí ɓɔŋ nɛ́ bíh laaŋkégé ɓé mísɔ̄ máma nɛ́ ndí bí kómānɛ míkaale.

Elōg-Kɔlínto 1 6:12

Mam mísɛ mí lɛ́ mā kundɛ, ndí mɔ́ mísɛ mí sē ɓé nsɛ́ŋ. Mam mísɛ mí lɛ́ mā kundɛ, ndí mi ŋgá kɛ ɓé mā lí yaan lí ŋyɔ́ŋ á jam tɔ já.

Elōg-Kɔlínto 1 7:25

Á élōgyāŋ, á yé ɛ́ ŋga légɓé mikɔl-mí-ɓot, mi ŋgá yí ɓé ma nɛ́ Nyɔ́ŋ-Ɛsáŋɛ́ a yígíí ndag likɔlɓan ɓɔ́. Mag tíi ja ɛ́yáma eɔ́ŋɔ yé mut-a-binam, nyɔ́ bí kɔ́ɔ̄ lí vále lí lipitá li kele la ekɔnan-ŋgɔ́ɔ́ yé Nyɔ́ŋ-Ɛsáŋɛ́.

Elōg-Kɔlínto 1 7:40

Ndí á ɛ́jāma liɛ́nɛg, ag kɛ li niŋ lí m̀ɓɛɛŋ kí á tɔ́ɔ́ kaa a lɛ. Má, mag ɔ́ŋɔ nɛ́ mi byɛ́ɛ́ M̀búl á Ɔ́lolómɛ̄.

Elōg-Kɔlínto 2 12:1

Á élōgyāŋ, ɓaá mag nyɛɛ li yáta é? Kɛ́m, náŋ ah byɛ́ɛ́ ɓé mā nsɛ́ŋ tɔ wá! Ndí, mag máŋlɛ ɓɛ́nɛ yé Nyɔ́ŋ-Ɛsáŋɛ́ a étɛ́ ma la yé a yɛ́ɛ́léné ma.

Elōg-Kɔlínto 2 8:6

Ányúū náŋ nɛ́ ɓaá sɔ́hyé Títo nɛ́, nsɔ́n á lípūū-lí-m̀mím a ɓōtlé á yóg yāná, a mānɛ́ wɔ́ á nyaa m̀ɓɛɛŋ ákaa a ɓōtléé wɔ́, nyú á lí óŋgánɛ lí ndog-Ɔlolómɛ̄ nyí Yelúsalɛm.

Elōg-Kɔlínto 2 8:8

Mi ŋgá pɔ́t ɓé mā náŋ ákaa ŋkágyɛ́gɛ-á-jam, ndí kí mag máŋlɛ ɓɛ́nɛ akwáá á ɓáŋá, náŋ a lɛ ányúū li ɓɔŋ nɛ́ miní étɛ́ taŋ taŋ yaná ediŋ.

Elōg-Kɔlínto 2 9:2

Mag yí míɔ̄ŋɔ mí m̀ɓɛɛŋ miní byɛ́ɛ̄. Miní lɛ́ mā éwāhlé-ŋgáŋ á yóg ɓot bí Masedónia. Mi ŋgí laga ɓɔ́ nɛ́: «Li ɓotle lí m̀bú wá loo, ndog-Ɔlolómɛ̄ nyí epah ékombo yé Ákāyi ɛ lɛ́ m̀ɓoŋhágan á yé ɛ́ ŋga légɓe mikaale máɓá,» la ki nɛ́ akwáá wáná ɓɛ́nɛ ɓá bí Kɔlínto wá pógɛ́ jógo licɛ́ŋ lí Bíɓasɛ.

Elōg-Fílípi 4:17

Náŋ a ŋgá somo ɓé lí laga nɛ́ mi lɛ á nsom á mikaale. Ndí mag somo ja mām mí ŋga yígle nɛ́, Ɔlolómɛ̄ a kóndyé ɓɛ́nɛ á yé miní byɛ́ɛ̄.

Elōg-Hébɛl 13:16

Miníh vólkágánɛ́ ɓé lí ɓɔŋ lí m̀ɓɛɛŋ la nɛ́ ɓɛ́nɛ la ɓɛ́nɛ miní óŋghan, átɔm nɛ́, yíŋ patí mísūlé nɛ ɛ́ ŋga nyɛ́ɛle Ɔlolómɛ̄.