Elōg-Kɔlínto 2 7:8 - Esaa-líat ɛ́ péná

⁸ Ɔɔ, kíyáɓɛ́nɛ káati ma ómlé ɓɛ́nɛ ya vín ɓɛ́nɛ á m̀mím, mi ŋgá tám ɓé ma náŋ, ndí ma tám náŋ ɛnɛ́ ma sɔ̄m nɛ̄ nyíŋ káati ya vín ɓɛ́nɛ á m̀mím á puh epah éceg.

Elōg-Kɔlínto 2 7:8 ပူးပေါင်းရင်းမြစ်များ

Yohánɛs 16:6

Ndí kaa ma lagá ɓɛ́nɛ náŋ, maná súnán lí loo lí ɔ́vega.

Yohánɛs 21:17

Á ŋgele ya yáhɛ ɛ́ŋháa, Yésus ɔ bíhī sīg-pɛ nyɛ́ nɛ́: «Á Símɔn, mɔɔ́n Yohánɛs, ɓaá ɔg diŋ ma é?» Pétlos ɔ súnan ányúū nɛ Yésus a bíhī nyɛ ŋgele ya yáhɛ ɛ́ŋháa nɛ́: «Ɓaá ɔg diŋ ma é?» La nyɛ́ ɔ tímānɛ̄ Yésus nɛ́: «Ɛtáŋɛ, wá nyɔ́ ɔ ŋgɔ yí mam mísɛ, ɔg yí m̀ɓɛɛŋ m̀ɓɛɛŋ nɛ́ mag diŋɛ wa.» Yésus aá la nyɛ nɛ́: «Táthán la mítōmbɛ́ máma.

Elōg-Kɔlínto 2 7:11

Léɓyán hɔ́ sig yé evínɛ-m̀mím Ɔlolómɛ̄ a tɛ́ɛ́yɛ yá sɔ́la ɓɛ́nɛ. Mɔɔ́ a! Sē míkwásí á mbyēleg ē! Sē lí yí lí lí suŋ lí nyúū ē! Sē líyɔ̄t kí mut ɔ ɓɔ̄ŋ jam ɓé ē! Sē woŋ á lí ɓéé lí lí ɓɔŋ ē! Sē évēhé yé lí ɛ́n lí mā sīg-pɛ ē! Sē ákwāā ē! Sē pɛ́lɛ-pɛ́lɛ ekɔ́ghɛ ányúū m̀ɓéé lí ɓɔŋ ē! Ndí, maná étɛ́ ɓɛ́nɛ-mɛ̄n á nyaa yɔ́ ɛ́sɛ nɛ́ miní lɛ́ mípūū á nyúŋ ŋkwɛl.

Elōg-Kɔlínto 2 7:12

Á lí sɛ́m lí pɛ́m, kíyáɓɛ́nɛ ma cíilé ɓɛ́nɛ, náŋ a sē ɓé ányúū mut a ɓɔ̄ŋ áɓē, tɔ ányúū mut a kūh njɔm, ndí náŋ a lɛ ányúū li ɓɔŋ nɛ́ ɓɛ́nɛ-mɛ̄n miní ɛ́n akwáá miní byɛ́ɛ̄ ányúū yāhá ɔ́sū ví Ɔ́lolómɛ̄.

Elōg-Kɔlínto 2 7:6

Ndí, Ɔlolómɛ̄ nyɔ́ a ŋga mɔ́mɛ ɓot bí ésuhɛ-nyuú, a létɛ̄ ɓɛ́hɛ nyuú la misɔ́ mí Títo.

Elōg-Kɔlínto 2 7:7

Ah la misɔ́ mɛ́ɛ́ mɔ́-ntámɛ́ ɓé ja, ndí la eletɛ-nyúū ɛ́sɛ a kūh á ŋgwáāg yāná. A yíhɛ́ ɓɛ́hɛ yé yá loohán ɓɛ́nɛ li ɓɛ́ lí kóó, a yíhɛ́ ɓɛ́hɛ liwú maná lee, la akwáá miní byɛ́ɛ̄ ányúū yáma, nyaa nyí ɛ lɛ nɛ́ mivag mú ól ma.

Elōg-Kɔlínto 2 7:9

Nyí vɔ́ŋɔ́ɔ mag kɔn mivag, ah ányúū ɓé nɛ ya ályɛ́ ɓɛ́nɛ, ndí ányúū mveŋghanɛ́ a eniŋ ya sɔ́la ɓɛ́nɛ. Ányúū nɛ Ɔlolómɛ̄ nɛ a súgɛ́ nɛ miníg kɛ li ála, la náŋ, ɓɛ́hɛ biíg ɛ́n nɛ́ ɓāh ɓɔŋ ɓé ɓɛ́nɛ jam liɓé tɔ já.

Biyɛ́ɛ́léné 3:19

Ma, ɓá bísɛ mi ŋga dīŋ, mag ɓémɛ ɓɔ́, ámbúh mi kɔ́ghɛ́ ki ɓɔ́. Wa hɔ́! Étɛ́ ekɔ́ɔ́ yɔ́ɔ, ɔ véŋé éniŋ!