Elōg-Kɔlínto 2 6:6 - Esaa-líat ɛ́ péná

⁶ Biíg étɛ nɛ́ bi lɛ ɓáɓɔŋle bí Ɔ́lolómɛ̄ á lí ɓɛ́ ŋgíla ɔnɛ́g, á lí ɓɛ́la lí taŋ-taŋ eyí, ányúū eɔ́hánɛ yáhá, ányúū elɔ́ŋgɔ m̀mím li loole la M̀búl Mpúán nyɔ́ a ŋga sál átē wāhá, ányúū taŋ yahá ediŋ,

Elōg-Kɔlínto 2 6:6 ပူးပေါင်းရင်းမြစ်များ

Elōg-Lóma 12:9

Ediŋ yáná ɛ́ ɓɛ́ ediŋ ɛ́ mbálɛ. Miní vínān la aɓé, miní tiŋɓé á lí ɓɔŋ lí m̀ɓɛɛŋ.

Elōg-Lóma 15:19

Náŋ a ŋgí loole á ŋguu ndembye ɛ́ mam, á minɛ́ŋ la á ŋguu nyí M̀búl Mpúán. La náŋ, li ɓotle á Yélūsalɛm li pám nɛ́-tɛ́ɛ la á épah-ékombo yé Ilília, ma lɛgɛ Pɔ́l M̀ɓɛɛŋ nyí Kilístus pɛ́ɛ́ ɛsɛ̄.

Elōg-Kɔlínto 1 12:8

Nyɔ́ wa, M̀búl Mpúán ag yígle nyɛ́ lí ɓɛ́la lí bíɓaŋgá bí peg, nyɔ́ŋɔ́ nlemlem á M̀búl ag yígle nyɛ́ li kwɛl la eyí,

Elōg-Kɔlínto 1 13:4

Ediŋ ɛ́ lɛ́ éɔ̄hánɛ, ediŋ ɛ́ lɛ́ éōŋgánɛ, ediŋ ɛ́ ŋgá kele ɓé nzoŋ, ɛ́ ŋgá yáta ɓé, ediŋ ɛ́ ŋgá vumbu ɓé nyúū,

Elōg-Kɔlínto 1 2:16

Átɔm nɛ́, yá ciiɓɛ́ nɛ: «Nzáá a yí éɔ̄ŋɔ yé Nyɔ́ŋ-Ɛsáŋɛ́, á lí tíi lí nyɛ ŋgéélé é?» Ndí ɓɛ́hɛ, bi byɛ́ɛ́ eɔ́ŋɔ yá la Nyɔ́-a-Pɔ́hlɛ.

Elōg-Kɔlínto 1 2:4

Ndí, ŋkwɛl wáma la likálo jáma bíh ɓɛ́ɛ́ ɓé lɛ̄ɛ́-lɛ̄ɛ́ ŋkwɛl nyú á peg nyí ɓot-bí-bínam, ndí ŋguu nyí M̀búl Mpúán nɛ ɛ ŋgí étɛ nɛ́ yé mi ŋga pɔ́t ɛ́ lɛ́ mbálɛ,

Elōg-Kɔlínto 2 1:23

Á ɛ́yáma epah, mag túú Ɔ́lolómɛ̄ mbóŋ, kíyáɓɛ́nɛ mag yɛ́ɛ mi wū. Māh sɔ́ ɓé pɛ ma á Kɔlínto ányúū nɛ māh somo ɓé ma ɓɛ́nɛ li tíi lí ndútu.

Elōg-Kɔlínto 2 11:11

Ɓaá, ányúū yéé é? Ányúū nɛ mi ŋgá diŋ ɓé ma ɓɛ́nɛ é? Ɔlolómɛ̄ ag yí nɛ́ mag diŋ ɓɛ́nɛ!

Elōg-Kɔlínto 2 11:4

Ákaa ɛ́sɛ, mut a ŋga dúgú lí sɔ́ á lí lɛgɛ lí ɓɛ́nɛ Yésus ntám amáh sig nyɔ́ ɓaá lɛgɛ́ ɓɛ́nɛ, tɔ nɛ́ maná lɛ́glé éyī etám yé ɛ́ lɛ́ mveŋghanɛ́ la yé maná kuh, tɔ nɛ́ Pɔ́l M̀ɓɛɛŋ etám, amáh sig nyí maná lɛ́gle, miníg ógle nyɔ́ŋ mut m̀ɓɛɛŋ ŋgandag.

Elōg-Kɔlínto 2 11:6

Ɔɔ, mag yí nɛ́ mi ŋgá yí ɓé ma ŋkwɛl, ndí ányúū li ɓɛ́la lí taŋ-taŋ eyí, jam litám jéŋ. Á mam mísɛ la á pánd ɛ́sɛ, ɓaá étɛ́ ɓɛ́nɛ nɛ́ bi byɛ́ɛ́ taŋ-taŋ eyí.

Elōg-Kɔlínto 2 12:15

Ndí ma, la nsom á m̀ɓɛɛŋ, mag kɛ lí pámɛ lí yé ɛ́sɛ mi byɛɛ́, mi tí ki mā asɛ̄ ányúū yāná. Ɓaá kaa ma lóohán ɓɛ́nɛ li diŋ, jɔ́ nɛ́ ɓɛ́nɛ miní ŋga diŋ mā puh é?

Elōg-Kɔlínto 2 13:10

Ányúū náŋ nɛ́, tɔ náŋ ákaa mi ŋgí lɛ̄ énɛŋɛ́, mag ciile ɓɛ́nɛ á lí ɓɔŋ nɛ́ eceg mi ŋga kɛ́ li sɔ́, míh kɔgtégé ɓé mā ɓɛ́nɛ li oŋle la ŋguu Nyɔ́ŋ-Ɛsáŋɛ́ a tí ma nɛ́ mi ōŋ ndí mih lɔɔ́g ɓé ma.

Elōg-Kɔlínto 2 2:10

Nyɔ́ la nyɔ́ miní ŋga laakɛ, mág mag laakɛ nyɛ́. Kíyáɓɛ́nɛ má, mag laakɛ á ɔ́vega ví mā lā lí laakɛ, náŋ a mɓɛ́ ányúū yāná ɔsú ví Nyɔ́-a-Pɔ́hlɛ,

Elōg-Kɔlínto 2 2:4

La ki nɛ́, la bíya á miíh nɛ́ ma cíilé ɓɛ́nɛ, átē a ndutu la ŋgandag esɔghe á m̀mím. Náŋ ah ɓɛ́ɛ́ ɓé ányúū li ályɛ lí ɓɛ́nɛ, ndí ányúū lí étɛ lí ɓɛ́nɛ ŋgandag ediŋ mi byɛ́ɛ́ ányúū yáná.

Elōg-Kɔlínto 2 3:3

Á mbálɛ, miní lɛ́ káati nyí Nyɔ́-a-pɔ́hlɛ a cíi, nyí ya tíéɓɛ́ ɓɛ́hɛ ányúū nsɔ́n wáhá. Nyíŋ káati yāh ciiɓɛ ɓé la tíŋtɛ, ndí ya cíiɓɛ́ la M̀búl nyú Ɔ́lolómɛ̄ Loó lí éniŋ. Nyíŋ káati yāh ciiɓɛ ɓé á tááfɛl ɛ́ ŋgɔg, ndí ya cíiɓɛ́ á míson máná mí nyúū náŋ ɛnɛ á mímīm máná.

Elōg-Kɔlínto 2 4:6

Ányúū nɛ Ɔlolómɛ̄ á yóó nɛ́: «Mipúú mí páa átē a livito.» Nyɛ́-mɛ̄n nɛ́ a páa á mímīm máhá, la nyɛ́ ɔ páɛ ɓɛ́hɛ nɛ́ ndí bi yí lipém jɛ́ɛ́, jé lí ŋga páayene á ásū á Nyɔ́-a-Pɔ́hlɛ.

Elōg-Kɔlínto 2 7:2

Á élōgyāŋ, váán ɓɛ́hɛ á mimím máná, ɓāh ɓɔŋ ɓé ɓɛ́hɛ mut tɔ wa jam liɓé, ɓāh óm ɓé ɓɛ́hɛ mut tɔ wa á njáŋgá, ɓāh tombanɛ ɓé tɔ jam á m̀mú á mut tɔ wa.

Elōg-Gálátia 3:2

Mi byɛ́ɛ́ kóó nɛ miní pélē sig ma nyí mbihi. Ɓaá, ányúū nɛ maná óglé mbéndá nɛ maná kuh M̀búl Mpúán, tɔ nɛ́ ányúū nɛ maná yéɓé la Pɔ́l M̀ɓɛɛŋ é?

Elōg-Gálátia 3:5

nyɔ́ a ŋga tíi ɓɛ́nɛ M̀búl la li ɓɔŋ lí bínanaŋga bí mam á póla yaná, ɓaá, ag ɓɔŋ náŋ ányúū nɛ miníg ógle mbéndá tɔ nɛ́ ányúū nɛ miníg yéɓe la Pɔ́l M̀ɓɛɛŋ é?

Elōg-Gálátia 5:22

Ndí, misɔ́n mí M̀búl mí lɛ́: ediŋ, mivag, nsaŋ, eɔ́hánɛ, m̀mím-á-m̀ɓɛɛŋ, ekɔ́ɔ́, ŋyéɓé,

Elōg-Éféso 3:4

Eceg miní ɓɛ́ miníg sɔ́ŋgɔ nyí káati yama, miníg kɛ li ɛ́n lí yɔɔ́yɔ́ɔ eyí mi byɛ́ɛ̄ á lí sɔ́ŋtánɛ lí mbaŋ likɔlɓan la Nyɔ́-a-Pɔ́hlɛ.

Elōg-Éféso 4:2

Ɓɛ́án la esuhɛ-nyuú, ewú-m̀mím la eɔ́hánɛ, miní yéɓyán ɓɛ́nɛ la ɓɛ́nɛ átē á ediŋ.

Elōg-Éféso 4:32

Miní ɓɛ́la ekɔ́ɔ́ ɓɛ́nɛ la ɓɛ́nɛ, miní ɓɛ́la m̀mím á ŋgɔ́ɔ́, miní láakán ɓɛ́nɛ la ɓɛ́nɛ, ákaa Ɔlolómɛ̄ a láakɛ́ ɓɛ́nɛ á ŋ̀atanɛ́ wāná la Yésus Kilístus.

Elōg-Kólóso 1:27

A sómó lí yíhɛ lí ndog yɛ́ɛ̄ líɓɛ́ɛg lí nyíŋ mbaŋ la abyaŋ wɛ́ɛ́ á ŋgwáāg ɓot bí sē ɓé ɓɔ́ɔ̄n bí Élōg-Yúda. Nyíŋ mbaŋ ɛ lɛ́ nɛ́, Kilístus a lɛ̄ la ɓɛ́nɛ, la nyɛ́ nɛ́ miní byɛ́ɛ́ lipitá nɛ miníg níŋgi á lipém lí Ɔ́lolómɛ̄.

Elōg-Kólóso 2:3

Abyaŋ á peg ásɛ la nyú á éyī ásɛ bí sɔ́lɛ̄ ja átē a Kilístus.

Elōg-Kólóso 3:12

Kasig Ɔlolómɛ̄ a pɔ̄hɔ́ ɓɛ́nɛ, kasig miní lɛ́ ndog yɛ́ɛ̄, kasig miní lɛ́ bídidíŋɛ byɛ́ɛ́ bí ɓɔ́ɔ̄n, ɓɛ́án hɔ́ la m̀mím a ŋgɔ́ɔ́, ɓɛ́án la ediŋ, esuhɛ-nyuú, ewú-m̀mím, la eɔ́hánɛ.

Elōg-Tésaloníka 1 2:10

Miní lɛ́ mbóŋ yáhá, Ɔlolómɛ̄ ki ɔ ɓɛ́ mbóŋ nɛ́ ɓa wɛɛ́ átē a mipúú, bu wɛ́ɛ á nyaa ɛ tɛ́ɛ, ŋgíla ɔnɛ́g á ŋgwáāg yāná ɓɛ́nɛ ɓayéɓe.

Timotéo 1 4:12

Mut tɔ wa ah yaŋlág ɓé líɓɛ́ɛg jɔ́ɔ lí ɔ́wāndá, ndí wa, ɓɛ́ já ndembye ányúū ɓayéɓe á bíɓaŋgá byɔ́ɔ, á míɓɔŋɔg mɔ́ɔ, á édiŋ yɔ́ɔ, á ŋyéɓé wɔ́ɔ la á líɓɛ́ɛg jɔ́ɔ lí mípūū.

Timotéo 1 5:2

nyɔ̄ŋ mímāŋ-mí-ɓóndīgá kaa ɓanyɔŋɛ́, ŋgɔn ɓóndīgá kaa elōgnyɔ̄ŋ yé ŋgɔn átē a mipúú.

Timotéo 2 3:10

Ndí wa, wa ōŋle mā m̀ɓɛɛŋ á mam mi ŋgí yéglɛ, wu yégé míɓɔŋɔg máma, wu yí evú-peg yáma, wu yí ŋyéɓé wáma, eɔ́hánɛ yáma, ediŋ yáma, la kɔkɔ yama.

Timotéo 2 4:2

ɔ lɛgɛ́ Éɓaŋgá Ɔ́lolómɛ̄, ɔ yīgyɛ́ yɔ́ éceg la eceg sig, ɔ tɛ́ɛ́yɛ́ ɓot ɓá yɔ́p á nzen, ɔ nyáálé ɓot, ɔ éélé ɓɔ́ átē a eɔ́hánɛ, ɔ ɓɔ̄ŋ bíŋ bísɛ ányúū li yéglɛ lí ɓot m̀ɓɛɛŋ.

Títo 2:7

á mam mísɛ. Wā-mɛ̄n, misɔ́n mɔ́ɔ miláám mí ɓɛ́ ndembye ányúū ɓatám: kaa li yéglɛ lí tāŋ míēēlé, la li yéglɛ lí yé ɛ́ kɔ́ɔ̄,

Yákop 3:17

Ndí peg ɛ ŋga sɔ́le á lōó, yɔ nɛ́ ɛ lɛ tāŋ, ámbúh náŋ ɛ lɛ́ nsaŋ, ɛ lɛ éwū-m̀mím, ɛg sáŋga ɓot, ɛ yáhɛ la ekɔnan-ŋgɔ́ɔ́, ɛg ɓɔŋ bilɔ́ŋgɔ bí mam, ɛh byɛ́ɛ́ ɓé ndɔ́tlán tɔ ɔtaɓa.

Pétlos 1 1:12

Ɔlolómɛ̄ a yɛ́ɛ́léné ɓɔ nɛ́, nyíŋ pɔ́l bí ŋgí lɛ́gɛ ɛh ɓɛ́ɛ́ ɓé ányúū yaɓá ɓɔ́-mɛ̄n, ndí ɛ ɓɛ́ɛ́ ányúū yāná. Yɔ nɛ́, nyí vɔ́ŋɔ́ɔ, ɓalɛgɛ Pɔ́l M̀ɓɛɛŋ bí ŋga lɛ́gɛ ɓɛ́nɛ la ŋguu nyí M̀búl Mpúán nyɔ́ a sɔ́lé á lōó. Nyíŋ pɔ́l, áŋgɛl yɔ́-mɛ̄n ɛ́g somo yɔ lí yí.

Pétlos 1 1:22

Kasig maná óglé mbálɛ, maná púɛ́ mímbūl máná, á lí wɛɛhɛnɛ á édiŋ línyaŋ yé ŋgíla ɔtaɓa. Miní diŋán ɓɛ́nɛ la ɓɛ́nɛ la m̀mím á ŋga púú ɛ́h ɓɛ́ lí tɔmb.

Yohánɛs 1 3:18

Á ɓɔ́ɔ̄n ɓáma, biíh diŋíg ɓé jā á biɓaŋgá la á biɓéé-bí-ányu, ndí bi étɛ́ ediŋ á míɓɔŋɔg la á líɓɛ́ɛg lí mbálɛ.