Elōg-Kɔlínto 2 6:3 - Esaa-líat ɛ́ péná

³ Ákaa ɛ́sɛ, bi ŋgá somo ɓé ɓɛ́hɛ nɛ́ jam tɔ já lí ɓɛ́ ɔɓag ányúū mut tɔ wa, á lí ɓɔŋ nɛ́ nsɔ́n wáhá á ɓɛ́ ŋgíla ɔnɛ́g.

Elōg-Kɔlínto 2 6:3 ပူးပေါင်းရင်းမြစ်များ

Matéus 17:27

Jɔ́ nɛ́, á lí pún nɛ́ náŋ ah teeŋgɛ́gɛ́ ɓé ɓáɓat-táas, kɛɛ́n á ébúle, lɛŋgɛ́ nlɔ́ɔ́ á ɔ́sōō. Kɔh ɔsú ɔ ŋgɔ ól, legé anyu wɛ́ɛ́, ɔg kɔ́p épah ɛ́ kápa múŋ; nyɔ̄ŋ yɔ́, ɔ tí yɔ́ ɓáŋ ɓot ányúū yáma la ányúū yɔ́ɔ.»

Matéus 18:6

Yésus aá la ɓɔ́ nɛ́: «Ndí tɔ nzáá a ŋga kɛ́ li ɓɛ́ lí njɔm miɓé nyí ntɔ́ga wāhwa vá á ɓá bí byɛ́ɛ́ ŋyéɓé la ma, ɛ́ lɛ́ nsɛ́ŋ nɛ́ bí tiŋ nyɛ́ lísūŋ lí ŋgɔg á cíŋ, bí léé nyɛ́ á m̀mím á túwɛ.

Misɔ́n mí Ɓáōmɓɛ 19:27

La náŋ, ah nsɔ́n wáhá wɔ́-ntámɛ́ ɓé nɛ ɓot bí ɓɛ́ bíg yaŋa, ndí la ndáá-loó loó lícɛ̄ŋ lí míndīgá nɛ́ Altémis ki, nyíŋ ndáá-loó yɔg ɛg jáŋɛ eɓɛ́lé yɛ́ɛ́. La náŋ hɔ́, jéŋ lóō lí míndīgá lí ŋgá ɓɛ́la ɓé pɛ adit, nyɛ́, nyɔ́ ɓot bí ŋga ɓégɛ voóm asɛ̄ á Ásia la á ŋkɔŋ-á-sí ásɛ.»

Elōg-Lóma 14:13

Bi mwáhɛ́ hɔ́ lí kááhan ɓɛ́hɛ la ɓɛ́hɛ. Ndí nyɔŋán jā bísúghɛ́nɛ́ nɛ miní ŋgá ɓɔŋ ɓé jam lí ŋga ɓɛ́ mɔɔ́nɛ́sɔ̄ŋ waná ɔ́ɓag ví ŋga yígle nyɛ́ lí ɓɔŋ lí áɓē, ndí tɔ li kuhʼanɛ lí nyɛ á míceglan.

Elōg-Kɔlínto 1 9:12

Kíyáɓɛ́nɛ ɓot ɓatám bí byɛ́ɛ́ nyíŋ kundɛ ányúū yāná, ɛbuu-la-ŋgele yáŋvéé la ɓɛ́hɛ é? Ndí, ɓāh ɓɔ̄ŋle ɓé nyíŋ kundɛ, á mveŋghanɛ́ biíg ɔ́hánɛ mɔ́ mísɛ á lí ɓɔŋ nɛ́ bih váág ɓé ɓɛ́hɛ ɔɓag tɔ vá á lí tɛ́ŋgánɛ lí Pɔ́l M̀ɓɛɛŋ nyí Nyɔ́-a-Pɔ́hlɛ.

Elōg-Kɔlínto 1 9:22

Ma yáanɛ́ mā-mɛn ntɔt-á-mut á ŋgwáāg mitɔt-mí-ɓot, nɛ́ ndí mi tómbánɛ mɔ́. Ma tí éniŋ yáma ɛ́sɛ ányúū ɓot bísɛ nɛ́ ndí yɛkɛsig mi súŋ jogo lí ɓot.

Elōg-Kɔlínto 2 1:12

Á élōgyāŋ, yé ɛ́ lɛ́ éyātɓéné yáhá ɛ́ lɛ́ yé cíŋ-m̀mím yāhá ɛ ŋga yíhɛ ɓɛ́hɛ. Ɛg yíhɛ ɓɛ́hɛ nɛ́ ɓaá wɛɛ́ á ŋkɔŋ-á-sí, tín-tín á ŋgwáāg yāná la m̀mím á mípūū átē a mbálɛ á nyaa ɛ ŋga nyɛ́ɛle Ɔlolómɛ̄. Náŋ āh ɓɔŋɓɛ ɓé la peg nyí mut-a-binam, ndí la elɔ́ŋgɔ m̀mím yé Ɔlolómɛ̄ á ŋgwáāg yāhá.

Elōg-Kɔlínto 2 8:20

Biíg nyɔ́ŋ hɔ́ lítāt nɛ bíh úmúg ɓé ɓɛ́hɛ nsɔh likɔlɓan la li ɓɔŋle jáhá lí nyí mbáŋ-mbáŋ ŋkuh ɓá byeehɛ́ ɓɛ́hɛ.