Elōg-Kɔlínto 2 6:16 - Esaa-líat ɛ́ péná

¹⁶ Ɓaá yéé ndáá-ēcɛ́ŋ-Ɔlolómɛ̄ la bisát bí byɛ́ɛ̄ élɔŋ é? Á mbálɛ, ɓɛ́hɛ bi lɛ ndáá-ēcɛ́ŋ-Ɔlolómɛ̄, Loó lí éniŋ ákaa nyɛ́-mɛ̄n a ŋga pɔ́t nɛ́: «Mag kɛ li tɔɔ á póla yaɓá, mi wɛ́ɛ́ ki la ɓɔ́, mag kɛ li ɓɛ́ lí Lōó jáɓá, ɓɔ́g bí ɓɛ́ lilóm jáma.»

Elōg-Kɔlínto 2 6:16 ပူးပေါင်းရင်းမြစ်များ

Matéus 16:16

Símɔn Pétlos ɔ nyɔ̄ŋ hɔ́ mpɔ́t, ɔ pélē nyɛ nɛ́: «Ɔ lɛ Nyɔ́-a-Pɔ́hlɛ, Mɔɔ́n Ɔ́lolómɛ̄, Loó lí éniŋ.»

Matéus 6:24

«Mut tɔ wa a sē hɔ́ ɓé nɛ a lá lí sále lí ɓásāŋɛ́ bíɓáa: tɔ yá ɓɔŋ láá, ag síŋgɛ nyɔ́ wa ndí a díŋɛ́ nyɔ́ŋɔ́, tɔ nɛ́ ag kɛ li átɓe la wa, ndí a yáŋa nyɔ́ŋɔ́. Miní sē hɔ́ ɓé nɛ maná ɓɛ́ miníg sále Ɔ́lolómɛ̄ ndí miníg sále ki ŋkuh.»

Lúkas 5:36

Yésus ɔ kánɛ sīg-pɛ ɓɔ́ ví ɔŋgaáŋgan nɛ́: «Mut tɔ wa a ŋgá ɓógtɛ ɓé písīs liɓato á ŋkánág á mbɔ́tí, á li lɔndɔ lí yɔ á nyí ǹdunɛ; kí á ɓɔŋ náŋ, ŋkánág á mbɔ́tí ág lɔɓe, ndí písīs liɓato nyí ŋkánág á mbɔ́tí ki ɛ́h la ɓé li byelɓan á nyí ǹdunɛ.

Yohánɛs 14:23

Yésus ɔ pélē nyɛ nɛ́: «Tɔ nzáá a ŋga díŋɛ ma, ag naŋɛ eɓaŋgá yáma, Etāa ki ag kɛ nyɛ́ lí díŋɛ, ma la Etāa biíg sɔ́ á yóg yɛ́ɛ̄, bi tɔ́ɔ̄ elɔŋ la nyɛ́.

Yohánɛs 6:56

Tɔ nzáá a ŋga dí nyuú yáma, a nyú ki micii máma, ag ɓɛ́ á até wama, mág mi ɓɛ́ á até wɛ́ɛ̄.

Elōg-Lóma 8:11

Kíyáɓɛ́ ki nɛ́ M̀búl nyú á nyɔ́ a pāhyɛ́ Yésus á póla ɓá ɓá wū á tɔ́ɔ átē wāná, ɛnɛ nyɔ́ a pāhyɛ́ Yésus Kilístus á póla ɓá ɓá wū, li kele la M̀búl wɛ́ɛ́ nyú á lɛ́ átē wāná, ag kɛ ki li niŋɛ lí nyúū yáná yí ŋga wú.

Elōg-Lóma 8:9

Ndí ɓɛ́nɛ, miní sē ɓé á sí likanʼyɛ lí míson, miní lɛ́ á sí likanʼyɛ lí M̀búl Mpúán, kasig M̀búl á Ɔ́lolómɛ̄ á lɛ́ átē wāná. Nyɔ́ la nyɔ́ ah byɛ́ɛ́ ɓé M̀búl á Nyɔ́-a-Pɔ́hlɛ, a sē ɓé mut a Nyɔ́-a-Pɔ́hlɛ.

Elōg-Lóma 9:26

Tɔ á voóm bí lagléé ɓɔ́ nɛ́: ‹Miní sē ɓé ɓot bí lílōm jáma›, bíg kɛ li yáŋlɛ átē nɛ ɓɔɔ́n bí Ɔ́lolómɛ̄ nyɔ́ a lɛ á éniŋ.»

Elōg-Kɔlínto 1 10:21

Á nlemlem á éceg, miní ŋgá la ɓé lí nyú lí líɓondó lí Nyɔ́ŋ-Ɛsáŋɛ́, ndí maná nyú ki jé lí mímbūl míɓē. Miní ŋgá la ɓé lí nyɔŋ lí ŋgáɓo á téɓeli nyí Nyɔ́ŋ-Ɛsáŋɛ́, miní nyɔ̄ŋ ki ŋgaɓo á nyí mimbúl míɓē.

Elōg-Kɔlínto 1 6:19

Ɓaá, miní ŋgá yí ɓé tɔ ki nɛ̄ nyuú yāná ɛ lɛ ndáá-ecɛ́ŋ nyí M̀búl Mpúán, nyɔ́ a ŋga sɔ́le la Ɔlolómɛ̄ ndí ɔ tɔ́ɔ átē wāná é? Ɓaá, miní ŋgá yí ɓé nɛ miní sē ɓé ɓɛ̄ɛ́n bí ɓɛ́nɛ-mɛ̄n é?

Elōg-Éféso 2:20

Maná níŋgi á mióŋ ápah ɓaómɓɛ la ɓapɔ́tle-bí-Ɔ́lolómɛ̄ nɛ́ bí lɛ́ jaa, ápah Yésus Kilístus nyɛ́-mɛ̄n a lɛ́ kaa ŋgɔg ɛ ɓɛ́gɛ̄ ndáá.

Elōg-Éféso 2:22

La nyɛ́ nɛ́ ɓɛ́nɛ bísɛ maná byáŋ elɔŋ á míōŋ á li yaan lí ndáá Ɔlolómɛ̄ li kele la M̀búl Mpúán.

Elōg-Éféso 3:17

la ki nɛ́, átē a ŋyéɓé, Nyɔ́-a-Pɔ́hlɛ a tɔ́ɔ́ á mimím máná, nɛ́ ndí miní tɔ̄ɓéné átē á ediŋ, miní ólɓéné múŋ.

Timotéo 1 3:15

Ndí, Kíyáɓɛ́nɛ ma bíŋhan, yé ma cíilé wa ɛg kɛ wa lí óŋgánɛ á lí yí ákaa wa nyɛ́ɛ lí wɛɛ á ndáá Ɔlolómɛ̄, nyí ɛ lɛ Éɓasɛ yé Ɔlolómɛ̄ nyɔ́ a lɛ̄ á éniŋ, nyí ɛ lɛ̄ mbíi ɛ ŋga ɓɛ́gɛ mbálɛ la li nit lí yɔ.

Timotéo 2 1:14

Líkaale lí m̀ɓɛɛŋ Ɔlolómɛ̄ a byeehɛ́ wā, náŋɛ̄ jɔ́ li loole la M̀búl Mpúán nyɔ́ a tɔɔ́ átē wahá.

Elōg-Hébɛl 3:6

Ndí, Nyɔ́-a-Pɔ́hlɛ ag sál nsɔ́n wɛ́ɛ́ kaa ɛ́ ŋga sōmlɛ, kaa mɔɔ́n á nyúŋ nlɛ́ɛ́, la nyɛ́ ɔ tɛ́ɛ́ɓɛ́ á m̀mú á ndog-Ɔlolómɛ̄. Biíg ɓɛ́ ndog yɛ́ɛ̄, kíyáɓɛ́nɛ ɓā náŋɛ̄ ŋyéɓé bi byɛ́ɛ̄ la nyɛ́ ŋgíla pendan, ɓaá yátá ki la yé bi ŋga píti.

Elōg-Hébɛl 8:10

Nyɔ́ŋ-Ɛsáŋɛ́ ag kɛ la ɔsú nɛ́: «Esaa-líat mi ŋga kɛ́ li ɓɔ̄ŋ la lilóm lí Íslāɛl, ámbúh nyúŋ alɔ́ yɔ́ yé nɛ́, eceg mi ɓɛ́ mag tíi ɓɔ́ mbéndá yáma, mag kɛ ja yɔ́ lí cíi á míɔ̄ŋɔ máɓá la á mímīm máɓá. Mag kɛ li ɓɛ́ lí Loó jáɓá, ɓɔ́g bí ɓɛ́ lilóm jáma.

Yákop 4:5

Tɔ nɛ́, miníg ɔ́ŋɔ nɛ́ yɛ̄mɛ́ nɛ yé epah Lícii-Lipúán ɛ́ ŋga lága nɛ́: «Ɔlolómɛ̄ a byɛ́ɛ́ ekɔ́ɔ́ ŋgandag la M̀búl nyú a vá átē wāhá!»

Pétlos 1 2:5

Ɓɛ́nɛ-mɛ̄n ɓɛ́án kaa ŋgɔg yí éniŋ, níŋglán á mióŋ mí ndáá ápah M̀búl a ŋga tɔ́ɓene, á lí yaan lí lilómɛ lipúán jé lí ɓatíi-nsúlé, á lí tíi lí misúlé mipúán, mí ŋga nyɛ́ɛle Ɔlolómɛ̄ li kele la Yésus Kilístus.

Yohánɛs 1 4:12

Mut tɔ wa a ɓáág ŋgi lí ɛ́n lí Ɔlolómɛ̄. Kíyáɓɛ́nɛ biíg diŋan ɓɛ́hɛ la ɓɛ́hɛ, Ɔlolómɛ̄ a lɛ lá ɓɛ́hɛ, ediŋ yɛ́ɛ́ ki yá yál á póla yahá.

Yohánɛs 1 4:15

Tɔ nzáá a ŋga páha nɛ́ Yésus a lɛ Mɔ́ɔ̄n Ɔ́lolómɛ̄, Ɔlolómɛ̄ a lɛ́ la nyɛ́, nyɛ́g a lɛ́ la Ɔlolómɛ̄.

Biyɛ́ɛ́léné 2:1

Ciilé áŋgɛl nyí Eɓasɛ yé Éféso nɛ́: Nyɔ́ a byɛ́ɛ̄ átɛ̄ nzambúwá á wɔ wɛ́ɛ́ á m̀ɓɛ́nlómɛ, a ŋga lóole á m̀mím á bítūlkáŋ bí góol nzambúwá ag pɔ́t nɛ́:

Biyɛ́ɛ́léné 21:3

Váŋ nɛ́ ma ámblé élōh cíŋ nyí ɛ ŋgí pámle á étɔɓé-líkanʼyɛ ɛg yó nɛ́: «Lindúm ápah Ɔlolómɛ̄ a lɛ la ɓot jé» ag kɛ li ɓɛ́ lí elɔŋ la ɓɔ́. Ɓɔ́, bíg kɛ li ɓɛ́ lí milóm mɛ́ɛ́, nyɛ́g a ɓɛ́ Ɔlolómɛ̄ waɓá.

Biyɛ́ɛ́léné 21:7

Embámbá ǹdí-cíŋ a ŋga kɛ̄ li koto ɛ́g ɓɛ́ nɛ́: ma mag ɓɛ́ Lōó jɛ́ɛ́, nyɛ́g a ɓɛ́ mɔɔ́n wáma.