Elōg-Kɔlínto 2 5:21 - Esaa-líat ɛ́ péná

²¹ Yésus Kilístus nyɛ́ mut āh yí ɓé áɓē, Ɔlolómɛ̄ a ɓɛ̄glɛ́ nyɛ miɓé máhá nɛ́ ndí li loole la nyɛ́, bi yáan ɓot bí lɛ́ sim ɔ́sū ví Ɔ́lolómɛ̄.

Elōg-Kɔlínto 2 5:21 ပူးပေါင်းရင်းမြစ်များ

Lúkas 1:35

La áŋgɛl yu pélē nyɛ nɛ́: «M̀búl Mpúán ág kɛ wa li suhle, la ŋguu Nyɔlɛ ɛ bútyɛ́ wa ákaa yíɓe, Ányúū náŋ nɛ́, nyɔ́ a ŋga kɛ́ li byáa ag ɓɛ́ mpúán, la li yáŋlɛ nɛ́: Mɔɔ́n Ɔlolómɛ̄.

Misɔ́n mí Ɓáōmɓɛ 3:14

Maná pún Nyɔ́-mpúán, Nyɔ́-a-tɛ́ɛ́-sim, ndí munú ɓāt nɛ bí mwahɛ́nɛ̄ ɓɛ́nɛ ntɔnɓa.

Elōg-Lóma 1:17

Ákaa ɛ́sɛ, múŋ á nyíŋ Pɔ́l M̀ɓɛɛŋ nɛ́ Ɔlolómɛ̄ a étɛ́ nɛ, ag lem nɛ́ ɓot bí lɛ́ sim kí bíg yéɓe la nyɛ́, nyúŋ ŋyéɓé wɔ́ ntámɛ́ á kɔ́ɔ. Ányúū náŋ nɛ́ Licii-Lipúán lí ŋga lága nɛ́: «Tɔ nzáá a tɛ́ɛ́ sim li oŋle la ŋyéɓé a byɛɛ́ la Ɔlolómɛ̄ ag kɛ li niŋ.»

Elōg-Lóma 4:25

Nyɛ́ nɛ́ Ɔ́lolómɛ̄ a tí kaa nsúlé ányúū avuha wáhá, Ɔlolómɛ̄ ɔ pāhyɛ́ ki nyɛ́ ányúū li tɛ́ɛ́yɛ lí ɓɛ́hɛ sim ɔ́sū vɛ́ɛ́.

Elōg-Lóma 5:19

Ákaa ɛ́sɛ, kasig la lipama lí pɔ̄m mut ya nɛ́ ɓot bísɛ ɓá tímān lí ɓɛ́ lí ɓáɓɔŋ-miɓé, nlemlem á jam ki nɛ́, ányúū eógle yé pɔ̄m mut ya nɛ́ ɓot bísɛ ɓá yaán ɓá bí tɛ́ɛ́ sim ɔ́sū ví Ɔ́lolómɛ̄.

Elōg-Kɔlínto 1 1:30

Nyɛ́ Ɔ́lolómɛ̄ nɛ́ a āt ɓɛ́nɛ la Yésus Kilístus, Yésus Kilístus ki ɔ ɓɛ́ peg ɛ ŋga sɔ́le la Ɔlolómɛ̄ ányúū yāhá. Li loole la nyɛ́ nɛ́ Ɔ́lolómɛ̄ a yáanɛ́ ɓɛ́hɛ ɓot bí lɛ́ sim, ɔ pɔ̄hɔ́ ɓɛ́hɛ ányúū yɛ́ɛ̄, la nyɛ́ ɔ ɓógtɛ́ ɓɛ́hɛ á míɓē.

Elōg-Kɔlínto 2 5:17

La ki nɛ́, kíyáɓɛ́nɛ mut a áat la Nyɔ́-a-Pɔ́hlɛ, nyɔ́ŋ mut a yáan eveglé ɛ́ péná. Yé ɛ́sɛ ɛ́ ɓɛ́ɛ́ kwaŋ yá man lí loo, léɓyán sig nɛ́ mam mísɛ má timán péná.

Elōg-Gálátia 3:13

Nyɔ́-a-Pɔ́hlɛ a sála á lí ɓógtɛ lí ɓɛ́hɛ á bílɔg bí nyíŋ mbéndá, eceg a yéɓé nyɛ́-mɛ̄n li ɓɛgɛ lí bílɔg byáhá, kasig yá ciiɓɛ́ nɛ: «Eɓómá la nyɔ́ bí ŋga pánɛ á énjēŋ.»

Elōg-Éféso 5:2

Niŋán átē á ediŋ kaa Nyɔ́-a-Pɔ́hlɛ a dīŋ ɓɛ́hɛ, la nyɛ́ ɔ tí nyɛ́-mɛ̄n Ɔlolómɛ̄ kaa likaale la nsúlé ányúū yāhá, nyúŋ nsúlé á byɛ́ɛ́ élɔ́ŋgɔ nziŋ ɛ́ ŋga nyɛ́ɛle Ɔlolómɛ̄.

Elōg-Fílípi 3:9

mi ɓɛ́ á ŋ̀atanɛ́ la nyɛ́. Liɓɛ́ɛg jáma lí sim lí ŋgá sɔ́le ɓé á lí oŋle jáma lí mbéndá, ndí líg sɔ́le ja á ŋyéɓé mi byɛ́ɛ̄ la Nyɔ́-a-Pɔ́hlɛ. Yéŋ etɛ́l-sim ɛ́g sɔ́le la Ɔlolómɛ̄, la yɔ́ yá tɔɓéné á ŋyéɓé.

Elōg-Hébɛl 4:15

Ányúū nɛ bi byɛ́ɛ ǹtíi-nsúlé ǹcɛ́ŋ nyɔ́ a ŋga lá li kaan lí áɓɔt wáhá. Nyɛ́g a kūh míceglan á mam mísɛ kaa ɓɛ́hɛ, ndí nyɛ́ āh vuhle ɓé Ɔ́lolómɛ̄.

Elōg-Hébɛl 7:26

Ɔɔ, nyíŋ titih ǹtíi-nsúlé ǹcɛ́ŋ nɛ ɛ ŋgí sōmlɛ ɓɛ́hɛ, nyí ɛ lɛ mpúán, nyí ɛ lɛ̄ ŋgíla njɔm, ŋgíla aɓé, nyí ɛ sē ɓé á élɔŋ yé ɓáɓɔŋ-miɓé, nyí Ɔlolómɛ̄ a ɓétɛ́ á lóō lóō.

Pétlos 1 3:18

Ákaa ɛ́sɛ, Nyɔ́-a-Pɔ́hlɛ nyɛ́-mɛ̄n a sɔ̄ghe ányúū miɓé mí ɓot-bí-bínam ŋgele ya ányúū yɔ́ ɛ́sɛ. Nyɛ́ mut a tɛ́ɛ́ sim, a sɔ̄ghé ányúū ɓá bíh tɛ́ɛ́ ɓé sim, á lí ɓɔŋ nɛ́ a kɛla ɓɛ́nɛ á mbóg Ɔlolómɛ̄. A wú átē a mison, ndí ɔ tímān á eniŋ átē a M̀búl.

Yohánɛs 1 3:5

Ndí, ɓɛ́nɛ miníg yí nɛ́ Yésus Kilístus a sɔ́ á lí ɓógtɛ lí míɓē, la ki nɛ́, aɓé tɔ wá á sē ɓé la nyɛ́.