Elōg-Kɔlínto 2 5:13 - Esaa-líat ɛ́ péná

¹³ Ákaa ɛ́sɛ, kíyáɓɛ́nɛ eyí ɛ́ jáŋáá ɓɛ́hɛ, náŋ a ɓɛ́ɛ́ ányúū Ɔlolómɛ̄, kíyáɓɛ́ ki nɛ́ biíg yí jam, náŋ a lɛ ányúū yāná.

Elōg-Kɔlínto 2 5:13 ပူးပေါင်းရင်းမြစ်များ

Málkus 3:21

Ɛnɛ́ ɓot ɓɛ́ɛ́ bí m̀biya ɓá ámblé náŋ, bú sɔ́ nyɛ li byee, átɔm nɛ́ bí ŋgí lága nɛ́: «M̀mú áh tɛ́ɛ́ ɓé nyɛ!»

Elōg-Lóma 12:3

Li oŋle la mikaale Ɔlolómɛ̄ a tí mā yɛ̄mɛ́, mag laga hɔ́ mut waná sig nɛ́, ah ɔ́ŋlág ɓé lí ɓɛ́ lí yé a sē ɓé, ɓɛ́án la miɔ́ŋɔ mí ŋkɔlɓanɛ́, mut sig a yí li nyɔŋ lí éceg la nsɔ́n Ɔ́lolómɛ̄ a tí nyɛ likɔlɓan la ɔvega ví ŋyéɓé a byɛ́ɛ̄ la Nyɔ́-a-Pɔ́hlɛ.

Elōg-Kɔlínto 2 11:1

Wɛɛ́ʼɛ̄! Á élōgyāŋ, ki ɓɔ̄ŋ nɛ́ miní ŋga la tɔ li ɔ́hánɛ lí bíjōŋ byáma tɔ pupúhú ná. Ɔɔ é, sóon miní ɔ́hánɛ ma!

Elōg-Kɔlínto 2 12:11

Ma hɔ́ nyɔ́ mi ŋga pɔ́t, ma yāán mut-a-nzeg! Ɓɛ́nɛ nɛ́ maná yíglé mā nɛ́ mi ɓɛ́ náŋ. Ɓɛ́nɛ nɛ́ miní ŋgí nyɛɛ ma lí tíi lí mbóŋ élāām, átɔm nɛ́, tɔ náŋ ákaa mi sē ɓé ma tɔ jam, ɓaá yíŋí taŋ yáná ɓáōmɓɛ ecɛ́ŋ ɛ́g loo mā la yéé é?

Elōg-Kɔlínto 2 12:6

Wɛɛ́ʼɛ̄! Ki ɓɔŋ nɛ́ mií ŋga sómo li yáta, kí mpɔ́t wáma a sē ɓé nyú á mut-a-nzeg, ányúū nɛ mi ŋgá pɔ́t jā mbálɛ. Ndí, mag pún lí pɔ́t, á lí ɓɔŋ nɛ́, bíh átyɛ́gɛ́ ɓé mā míɔ̄ŋɔ mí ŋga loo yé ɓot bí ŋga ɛ́n mā mag ɓɔŋ, tɔ yé bí ŋga ámble mā mag pɔ́t.

Elōg-Kɔlínto 2 7:12

Á lí sɛ́m lí pɛ́m, kíyáɓɛ́nɛ ma cíilé ɓɛ́nɛ, náŋ a sē ɓé ányúū mut a ɓɔ̄ŋ áɓē, tɔ ányúū mut a kūh njɔm, ndí náŋ a lɛ ányúū li ɓɔŋ nɛ́ ɓɛ́nɛ-mɛ̄n miní ɛ́n akwáá miní byɛ́ɛ̄ ányúū yāhá ɔ́sū ví Ɔ́lolómɛ̄.

Elōg-Kólóso 1:24

Nyí vɔ́ŋɔ́ɔ, mag kɔn mivag la bisɔghe mi ŋga kūh ányúū yāná. Bisɔghe bí yégléé nɛ́ Yésus Kilístus a kūh, má mag kūh byɔ ányúū Eɓasɛ yé ɛ́ lɛ́ nyúū nyí Kilístus.

Elōg-Tésaloníka 1 1:5

Jɔ́ nɛ́, Pɔ́l M̀ɓɛɛŋ nyí ɓaá lɛgɛ́ ɓɛ́nɛ á mbóg yāná ɛ̄h mɓɛ́ ɓé ja mpɔ́t á ányu, ndí yá éthɛ́nɛ́ ŋguu yɛɛ́ ecɛ́ŋɛ́ á nsɔ́n á M̀búl Mpúán, ɛ́h ɓɛ́ ɓé péndan tɔ ya. La náŋ, miníg yí yɔɔ́yɔ́ɔ nyaa eniŋ ɓaá niŋ á póla yāná ányúū nsɛ́ŋ wáná.

Timotéo 2 2:10

Ányúū náŋ nɛ́ mi ŋga ɔ́hánɛ mam mísɛ ányúū ɓot Ɔlolómɛ̄ a pɔ́hɔ, nɛ́ ndí ɓɔ́g bi kuh lisuŋga jé lí lɛ́léné á Yésus Kilístus, bí kuh ki lipém lí éɓem.