Elōg-Kɔlínto 2 5:11 - Esaa-líat ɛ́ péná

¹¹ Á élōgyāŋ, kasig bi ŋga yí lí kɔn lí Nyɔ́ŋ-Ɛsáŋɛ́ woŋ, jɔ́ nɛ́ bi ŋga lɔ́gɓan nɛ́ ɓot bí yéɓé yé bi ŋga lága ɓɔ́, náŋ nɛ́ a pámɛ́ ɓɛ́hɛ á ntélélé ɔ́sū ví Ɔ́lolómɛ̄. Ányúū náŋ nɛ́, mi byɛ́ɛ́ lipitá nɛ ɓɛ́nɛ ki miníg yí mā asɛ̄ nɛ́ ɓam.

Elōg-Kɔlínto 2 5:11 ပူးပေါင်းရင်းမြစ်များ

Matéus 10:28

Miníh kɔnɔ́g ɓé ɓot bí ŋga ól nyúū mut woŋ, ndí ɓáh la ɓé lí ól lí m̀búl. Ndí mut a ŋga lā li ól lí m̀búl la nyuú, a óm ɓɔ̄ á éɓēl nzáan, nyɛ́ nɛ́ miní kɔn woŋ.

Matéus 25:46

Jɔ́ nɛ́, bíg kɛ li kuh lí ékɔ́ghɛ á éɓem la á éɓem. Ɓáŋá ki bí tɛ́ɛ́ sim, bíg kɛ li kuh lí éniŋ éɓem.»

Lúkas 12:5

Mag étɛ ɓɛ́nɛ nzáá maná nyɛ́ɛ li kɔn lí woŋ; nyɔ́ a lɛ nɛ́, ámbúh li ól, a byɛ́ɛ̄ ŋguu li lɛŋgɛ á éɓēl ɛ́ nzáan, nyɛ́ nɛ́ miní kɔn woŋ. Ɔɔ, mag laga ɓɛ́nɛ, kɔnán nyɛ́ woŋ.

Lúkas 16:31

Áblaháam aá la nyɛ́ nɛ́: ‹kíyáɓɛ́nɛ ɓáh ógle ɓé Móse tɔ ɓapɔ́tle-bí-Ɔ́lolómɛ̄, tɔ mut a páhyé já á póla á ɓá ɓá wū, bí ŋga kɛ ɓé lí yéɓe.›»

Misɔ́n mí Ɓáōmɓɛ 13:43

Ɛnɛ́ ŋkɔtanɛ́ a ɓot a cáman, jogo licɛ́ŋ lí ɓɔ́ɔ̄n bí Élōg-Yúda la ɓá bí níŋgléé á éɓasɛ yáɓá, bú ōŋ Póol la Balnábas. Ɓáŋ bí ŋgí máŋlɛ ɓɔ́ la li tíi lí ɓɔ mikúndá nɛ bí tiŋɓé já la likaale lí Ɔ́lolómɛ̄.

Misɔ́n mí Ɓáōmɓɛ 18:13

la ɓɔ́ bú lága nɛ: «Nyɔ́ mut ag ɓɔŋ nɛ́ ɓot bí ɓégɛ́ Ɔlolómɛ̄ á nyaa nyí ɛ ŋga tɛ́ŋgánɛ mbéndá yāhá.»

Misɔ́n mí Ɓáōmɓɛ 18:4

Á ɔlɔ́ ví évɛɛɓan ví Élōg-Yúda sig, Póol a ŋgí nyɔŋ mpɔ́t á ndáá-miɓomán á lí cege nɛ́ a véŋé míɔ̄ŋɔ mí ɓɔ́ɔ̄n bí Élōg-Yúda la ɓɔɔ́n bí Gelékia nɛ́ bí yéɓé yé a ŋga lága ɓɔ́.

Misɔ́n mí Ɓáōmɓɛ 19:26

Ndí miníg ɛ́n, tɔ nɛ́ miníg ámble ɓot bíg laga nɛ́, Póol a pógɛ́ límut, ah á Éféso yɔ́-ntámɛ́ ɓé, ndí pɛ́m nɛ á Ásia ɛsɛ̄. Ag yígle ɓɔ́ lí yéɓe nɛ́, miloó bi ŋga vēg la mɔ máhá mí sē ɓé míloó.

Misɔ́n mí Ɓáōmɓɛ 26:26

Káísa, nyɛ́ mut mi ŋga kwɛ́lɛ, ag nyɛɛ li yí lí míŋ mam, náŋ ag yígle ma nɛ́ mi pɔ́t ɛ́h ɓɛ́ ɓé woŋ, mi byɛ́ɛ́ mam mí ŋga ɔ́ŋlánɛ ma náŋ, átɔm nɛ́ a ŋgá yég ɓé jam tɔ já, míŋ mam máh loole ɓé á voóm á lisɔl.

Misɔ́n mí Ɓáōmɓɛ 28:23

Bú ámblan la Póol, ɔlɔ́ bí ŋga nyɛ́ɛ li ɓoman, víŋ ɔlɔ́, ɓot bú sɔ́ ɔ́bul á yóg yɛ́ɛ̄. Á ŋkwɛl wɛ́ɛ́, Póol ɔ kwɛ̄l míkwɛl mí ŋga légɓe likanʼyɛ lí Ɔlolómɛ̄. Li ɓotle lí kítí li pám la ŋgōgó, ɔ cege la ŋguu nɛ́ bí yéɓé jam a ŋga lága ɓɔ́ likɔlɓan la Yésus, la náŋ, ɔ ɛ́gɓéné á mbéndá Móse la ɓapɔ́tle-bí-Ɔ́lolómɛ̄.

Elōg-Kɔlínto 2 2:17

Ákaa ɛ́sɛ, bi sē ɓé ɓɛ́hɛ káa víŋí ɔ́bul ví ɓot, ɓá bí ŋga núŋu eɓaŋgá yé Ɔ́lolómɛ̄. Ndí ɓɛ́hɛ, biíg pɔ́t á nyaa ɛ tɛ́ɛ́ á joó lí Ɔ́lolómɛ̄, ɔ́sū ví Ɔ́lolómɛ̄, á ŋ̀atanɛ́ la Nyɔ́-a-Pɔ́hlɛ.

Elōg-Kɔlínto 2 5:20

Á jóō lí Nyɔ́-a-Pɔ́hlɛ hɔ́ nɛ̄ bi lɛ̄ ɓápɔ́tle. Á mbálɛ, li loole la ɓɛ́hɛ nɛ́ Ɔ́lolómɛ̄ nyɛ́-mɛ̄n a ŋga yáŋá ɓɛ́nɛ. Á jóō lí Nyɔ́-a-Pɔ́hlɛ, biíg sɔ́hye ɓɛ́nɛ nɛ́ miní yéɓé lí sáŋglan la Ɔlolómɛ̄.

Elōg-Kɔlínto 2 6:1

Á élōgyāŋ, kasig bi ŋga sál élɔŋ la Ɔlolómɛ̄, biíg sɔ́hye ɓɛ́nɛ nɛ́ miníh yaanɛ́gɛ́ ɓé likaale lí Ɔlolómɛ̄ maná kuh ákaa yɛmɛ́ jām.

Elōg-Gálátia 1:10

Nyí vɔ́ŋɔ́ɔ, ɓaá, mi byɛ́ɛ́ kóó la ɔɔ nyí ɓot bí binam tɔ nɛ́ nyí Ɔlolómɛ̄ é? Ɓaá, mag somo li nyɛɛle lí ɓot bí binam é? Ki ɓɔŋ nɛ́ mi ŋgí somo li nyɛɛle lí ɓot-bí-bínam, kí mi sē ɓé pɛ ma m̀ɓɔŋle a Kilístus.

Elōg-Éféso 5:21

Ɓɛ́nɛ ɓakɔn Nyɔ́-a-Pɔ́hlɛ woŋ, miní tíélán ádit.

Elōg-Hébɛl 10:31

Eɓéé-nyúū la nyɔ́ a ŋga ku ŋkál ɔ́sū ví Ɔlolómɛ̄ nyɔ́ a lɛ á éniŋ!

Elōg-Hébɛl 12:29

Átɔm nɛ́, Ɔlolómɛ̄ Loó jáhá a lɛ nzáan ɛ ŋga cɛ́hɛ.

Yúde 1:23

Suŋán ɓɔ́ nɛ́ bíh kuág ɓé á nzáan. Miní kɔ̄nlé ki ɓátām ŋgɔ́ɔ́, ndí miní ɓɛ́la woŋ nɛ́ tɔ mbɔ́tí yáɓá yí yá vín la misɔ́n míɓē yáh nyɛɛ ɓé ɓɛ́nɛ li siiɓan.

Biyɛ́ɛ́léné 20:15

Ndí nyɔ́ la nyɔ́ jóō líh cíiɓɛ ɓé á kálati nyí eniŋ ɔ lɛ̄ŋgɓɛ́ á yéŋ ébúle yé nzáan.