Elōg-Kɔlínto 2 5:1 - Esaa-líat ɛ́ péná

¹ Á élōgyāŋ, biíg yí la mbálɛ nɛ́, kíyáɓɛ́nɛ litɔɓéné jáhá vá á ŋkɔŋ-á-sí, lí lɛ́ kaa eláá ɛ́ ŋga búge, bi yí nɛ́ bi byɛ́ɛ́ ndáá ɛ ŋga ɓéem á ékombo-lóō, nyí ya óŋɓɛ́ la Ɔlolómɛ̄ ndí ah la mut-a-binam ɓé.

Elōg-Kɔlínto 2 5:1 ပူးပေါင်းရင်းမြစ်များ

Málkus 14:58

«Ɓaá ámblé nyɛ ag laga nɛ́: ‹má mag kɛ li búg lí nyí ndáá-ēcɛ́ŋ-Ɔlolómɛ̄ nyí ya óŋɓɛ́ la ɓot-bí-bínam, ámbúh náŋ mi nyɔ́ŋ alɔ́ áŋháa á lí óŋ lí nyí étām ɛ́h ɓɛ́ ɓé wɔ á mut-a-binam.›»

Misɔ́n mí Ɓáōmɓɛ 7:48

Tɔ náŋ kaa Nyɔlɛ a ŋgá tɔɔ ɓé á milɛ́ɛ́ má óŋɓɛ́ la mɔ mí ɓot-bí-bínam. Kaa Nyɔ́ŋ-Ɛsáŋɛ́ a lága á ányu á m̀pɔ́tle-a-Ɔlolómɛ̄ nɛ:

Elōg-Kɔlínto 1 3:9

átɔm nɛ́ ɓɛ́hɛ bísɛ biíg sál nsɔ́n á Ɔ́lolómɛ̄ élɔŋ, ndí ɓɛ́nɛ miní lɛ́ ǹdíí á Ɔlolómɛ̄, mióŋ mí Ɔlolómɛ̄.

Elōg-Kɔlínto 2 4:7

Ndí, jéŋ lipɔg, biíg ɓɛglene jɔ́ á bílōgá bí ntɔ́ɔ́, nɛ́ ndí nyíŋ ŋguu nyí ɛ ŋgá ketɓɛ ɓé la etám ɛ ɓɛ́ ja nyí Ɔlolómɛ̄ ndí ah ɛyahá ɓé.

Elōg-Kɔlínto 2 5:4

Ɓɛ́hɛ ɓá bi ŋga nīŋ mú á yéŋ eláá, mbálɛ nyíŋ, biíg ɓé la esɔghe ányúū nɛ mbɛgɛ ɛg ditle ɓɛ́hɛ, ánsī nɛ bi ŋgá somo ɓé lí cóó lí líɓɛ́ɛg jáhá lí mut a ŋkɔŋ-á-sí, ndí biíg somo ki lí jálɓan lí líɓɛ́ɛg lí mut a loó, á lí ɓɔŋ nɛ́, yé ɛ́ ŋga nīŋ á éɓem la eɓem ɛ́ mīn yé ɛ́ ŋga wú.

Elōg-Kólóso 2:11

Á ŋ̀atanɛ́ la Yésus Kilístus nɛ́ miní kwɛɛɓɛ́ɛ, ah likwɛɛ lí mut-a-binam ɓé, ndí jé lí ŋga sɔ́le la nyɛ́, á lí ɓógtɛ lí ɓɛ́nɛ kóó-míson ɛ́ ŋga óm ɓɛ́nɛ á áɓē.

Timotéo 2 1:12

Ányúū náŋ nɛ́ mi ŋga ɔ́hánɛ bíŋ bisɔghe. Ndí náŋ a ŋgá kɔnɛ ɓé ma ɔ́sɔ̄n, átɔm nɛ́ mag yí la nzáá ma yéɓe, mi lɛ ki mbáki nɛ́ a byɛ́ɛ́ ŋguu li naŋɛ lí yé a byéehɛ́ ma nɛ́-tɛ́ɛla á ɔ́lɔ̄ vá tiile.

Elōg-Hébɛl 11:10

átɔm nɛ́, nyɛ́ Áblaháam a ŋgí laaŋke ŋkɔŋ nyú a byɛɛ́ jaa lí ŋga lēt, nyú á lɛ̄ nɛ́ Ɔlolómɛ̄ nyɛ́-mɛ̄n a lɛ ŋ̀an la ŋ̀óŋ.

Elōg-Hébɛl 9:11

Ndí, Nyɔ́-a-Pɔ́hlɛ a sɔ́ kaa ǹtíi-nsúlé ǹcɛ́ŋ nyɔ́ a sɔ́la ɓɛ́hɛ miɓɛɛŋ mí má pám ápah bi lɛ. A lóolé á líndūm jé lí lɛ́ lícɛ̄ŋ, lú ɓɛ́la yé ɛ́sɛ ɛ́ ŋga sōmlɛ, jé láh óŋɓɛ ɓé la ɓot-bí-bínam, náŋ ag mínɛ nɛ́ lí sē ɓé jé lí nyú ŋkɔŋ-á-sí nyú wá vegɓɛ.

Elōg-Hébɛl 9:24

Á mbálɛ, Yésus Kilístus āh níŋgi ɓé á ndúgā púán nyí ya óŋɓɛ́ la ɓot-bí-bínam, nyí ɛ lɛ yɛmɛ́ édīŋgɛ́-díŋgɛ nyí taŋ ndugá púán. Ndí, á lóō jɔ́-mɛ̄n nɛ́ a níŋgi, nɛ́ ndí nyí lɛn, a tɛ́lɛ́ ɔ́sū ví Ɔ́lolómɛ̄ á lí sɔ́hye lí nyɛ ányúū yāhá.

Pétlos 1 1:4

ányúū embámbá yé ɛ́ ŋgá cɛ́ ɓé, yé ɛ́ ŋgá ɔ́gɔ ɓé lívīn, ndí tɔ li veŋghan lí épaa yɛ́ɛ́. A nāŋʼyé ɓɛ́nɛ yéŋ embámbá á lóō.

Pétlos 2 3:11

Kasig míŋ mam mísɛ mí ŋgá ɓɛ́ ɓé pɛ, yɔɔ́yɔ́ɔ nyaa ɓot maná nyɛ́ɛ li ɓɛ́ é? Yɔɔ́yɔ́ɔ nyaa eniŋ epúán maná nyɛɛ lí niŋ é? Jɔɔ́jɔ́ɔ lipém maná nyɛɛ lí tíi lí Ɔlolómɛ̄ é?

Yohánɛs 1 3:14

Ɓɛ́hɛ, biíg yí nɛ́ ɓaá ɓógyéné á nyɛmb, li níŋgí á éniŋ, ányúū nɛ biíg diŋ elōgyāŋ yáhá. Nyɔ́ la nyɔ́ áh byɛ́ɛ́ ɓé édiŋ a lɛ á sí likanʼyɛ lí nyɛ̄mb.

Yohánɛs 1 3:19

Náŋ nɛ́ a ŋga kɛ́ li étɛ nɛ́ bi lɛ átē á mbálɛ la ki nɛ́ m̀mím wáhá ág kɛ li tɔɔ lí pií ɔ́sū ví Ɔlolómɛ̄.

Yohánɛs 1 3:2

Á élōgyāŋ yé ediŋ, li ɓotle la nyí vɔ́ŋɔ́ɔ bi lɛ̄ ɓɔ́ɔ̄n bí Ɔlolómɛ̄, ndí yé bi ŋga kɛ́ li ɓɛ́ ɛ́ lɛ́ ŋgí lí ɛ́ni. Biíg yí nɛ́, eceg Nyɔ́-a-Pɔ́hlɛ a ŋga kɛ́ li sɔ́, biíg kɛ li punan la nyɛ́, ánsī nɛ biíg kɛ nyɛ́ lí ɛ́n ákaa a lɛ.