Elōg-Kɔlínto 2 4:7 - Esaa-líat ɛ́ péná

⁷ Ndí, jéŋ lipɔg, biíg ɓɛglene jɔ́ á bílōgá bí ntɔ́ɔ́, nɛ́ ndí nyíŋ ŋguu nyí ɛ ŋgá ketɓɛ ɓé la etám ɛ ɓɛ́ ja nyí Ɔlolómɛ̄ ndí ah ɛyahá ɓé.

Elōg-Kɔlínto 2 4:7 ပူးပေါင်းရင်းမြစ်များ

Matéus 13:44

«Ekombo-lóō ɛ́g punan la lipɔg nɛ́ lí sɔ́lɛ̄ á ǹdíí, nɛ mut a kúúyɛ, ndí ɔ timan jɔ́ li sɔɔ. Átē á mivag mɛ́ɛ́, ɔ tímān á yóg yɛ́ɛ̄ ɔ núŋú yé ɛ́sɛ a byɛ̄ɛ́, la nyɛ́ ɔ sóm nyúŋ ǹdíí.

Matéus 13:52

Yésus ɔ lága ɓɔ́ nɛ́: «Jɔ́ nɛ́, Ŋ̀yí-mbéndá sig nyɔ́ ɓá yéglɛ́ mam mí Ékombo-lóō, ag punan la ɛsáŋɛ́-a-mitán nyɔ́ a ŋga pɔ́hɔ mikánág la mindunɛ mí byoóm á míɓɛɛŋ mɛ́ɛ́ mí sɔ́lɛ̄.»

Yohánɛs 16:33

Mag laga ɓɛ́nɛ míŋ mam á lí somo nɛ́, á ŋ̀atanɛ́ la ma, miní ɓɛ́la nsaŋ. Miníg kɛ li taka mú á nyú ŋkɔŋ-á-sí, ndí, lethánɛ nyuú ányúū nɛ ma dí ŋkɔŋ-á-sí cíŋ.»

Elōg-Kɔlínto 1 1:28

Ɔlolómɛ̄ a pɔ́hɔ̄ yé ɛ́ lɛ́ yɛ̄mɛ́, yé ɓot bí ŋga yāŋa, yé ɛ́ lɛ́ ŋgíla eɓáha, mú á ŋkɔŋ-á-sí, á lí sáá lí yé ɛ́ ŋga ɛ́ni taŋ,

Elōg-Kɔlínto 2 10:10

átɔm nɛ́ ɛ́g laglɛ nɛ́, káati yí Póol ɛ́g siiɓan ɓot, ɛ́ byɛ́ɛ́ ki ŋguu tɔláá. Ndí eceg a lɛ̄ la ɓɛ́hɛ, a lɛ̄ ntɔt, biɓaŋgá byɛ́ɛ́ ki bú ɓɛ́ yɛ́mɛ̄.

Elōg-Kɔlínto 2 13:4

La mbálɛ, a tōmlɛ́ á mbásá átē a aɓɔt wɛ́ɛ́, ndí a lɛ̄ á éniŋ la ŋguu nyí Ɔlolómɛ̄. Ɓɛ́hɛ ki bi lɛ́ áɓɔt á ŋ̀atanɛ́ la nyɛ́, ndí biíg kɛ li ɓɛ́ á éniŋ elɔŋ la nyɛ́ ányúū yāná li loole la ŋguu nyí Ɔlolómɛ̄.

Elōg-Kɔlínto 2 4:1

Á élōgyāŋ, kasig Ɔlolómɛ̄, li oŋle la ekɔnan-ŋgɔ́ɔ́ yɛ́ɛ́, a byéehɛ́ ɓɛ́hɛ nyú nsɔ́n, bi ŋgá ɓɔt ɓé ɓɛ́hɛ.

Elōg-Kɔlínto 2 5:1

Á élōgyāŋ, biíg yí la mbálɛ nɛ́, kíyáɓɛ́nɛ litɔɓéné jáhá vá á ŋkɔŋ-á-sí, lí lɛ́ kaa eláá ɛ́ ŋga búge, bi yí nɛ́ bi byɛ́ɛ́ ndáá ɛ ŋga ɓéem á ékombo-lóō, nyí ya óŋɓɛ́ la Ɔlolómɛ̄ ndí ah la mut-a-binam ɓé.

Elōg-Kɔlínto 2 6:10

bíg nyɔŋ ɓɛ́hɛ kaa miályāg mí ɓot ndí kí bi ɓáág jā mívag la mivag, bíg nyɔŋ ɓɛ́hɛ kaa ɓayɛ́ɛ́yɛ́ɛ ndí kí ɓɛ́hɛ nɛ́ bi lɛ ɓábyaŋɓɛ ɓot, bíg nyɔŋ ɓɛ́hɛ kaa ɓot bí ŋga yɛ́ɛ́ jóō nɛ́ jam ndí kí ɓɛ́hɛ nɛ́ bi byɛɛ́ mam mísɛ!

Elōg-Éféso 2:5

Ányúū náŋ nɛ́, kasig bi ɓɛ́ɛ́ míwúag ányúū avuha wáhá, a tímān ɓɛ́hɛ li tíi lí éniŋ elɔŋ la Nyɔ́-a-Pɔ́hlɛ. La elɔ́ŋgɔ yɛ́ɛ́ m̀mím nɛ ɓaá suŋɓɛ.

Elōg-Éféso 3:8

Tɔ náŋ ákaa ma nɛ́ mi lɛ nyɔ́ a lóohán lí tígi átē á ndog-Ɔlolómɛ̄ yɔ ɛsɛ̄, ma pɔ́n nɛ ma kūh líkaale jé lí lí lɛgɛ lí mílōm mí sē ɓé ɓɔ́ɔ̄n bí Élōg-Yúda pɔ́l abyaŋ á ŋgíla lisúg nyú á Nyɔ́-a-Pɔ́hlɛ,

Elōg-Kólóso 1:27

A sómó lí yíhɛ lí ndog yɛ́ɛ̄ líɓɛ́ɛg lí nyíŋ mbaŋ la abyaŋ wɛ́ɛ́ á ŋgwáāg ɓot bí sē ɓé ɓɔ́ɔ̄n bí Élōg-Yúda. Nyíŋ mbaŋ ɛ lɛ́ nɛ́, Kilístus a lɛ̄ la ɓɛ́nɛ, la nyɛ́ nɛ́ miní byɛ́ɛ́ lipitá nɛ miníg níŋgi á lipém lí Ɔ́lolómɛ̄.

Elōg-Kólóso 2:12

Kaa maná jeɓɛ́ elɔŋ la kilístus li loole la nzóɓan, náŋ ki nɛ́ maná pahyé elɔŋ la nyɛ́, ányúū nɛ́ maná yéɓé la ŋguu nyí Ɔlolómɛ̄, nyɔ́ a pāhyɛ́ nyɛ á póla ɓá ɓá wū.

Elōg-Kólóso 2:3

Abyaŋ á peg ásɛ la nyú á éyī ásɛ bí sɔ́lɛ̄ ja átē a Kilístus.

Elōg-Tésaloníka 1 1:5

Jɔ́ nɛ́, Pɔ́l M̀ɓɛɛŋ nyí ɓaá lɛgɛ́ ɓɛ́nɛ á mbóg yāná ɛ̄h mɓɛ́ ɓé ja mpɔ́t á ányu, ndí yá éthɛ́nɛ́ ŋguu yɛɛ́ ecɛ́ŋɛ́ á nsɔ́n á M̀búl Mpúán, ɛ́h ɓɛ́ ɓé péndan tɔ ya. La náŋ, miníg yí yɔɔ́yɔ́ɔ nyaa eniŋ ɓaá niŋ á póla yāná ányúū nsɛ́ŋ wáná.

Elōg-Tésaloníka 1 4:4

Ɔlolómɛ̄ ag somo nɛ́ mut waná sig a yí li pɔhɔ lí míndīgá á lí niŋ átē a mipúú la adit,

Timotéo 2 2:20

Ah bisóa bí góol la sílba byɔ́-ntámɛ́ ɓé nɛ́ bí lɛ́ á taŋ nlɛ́ɛ́, ndí bí ɓá ɓāŋ la enjéŋ la bí ɓá mɛ̄ la liŋgom byɔ́g bí lɛ́ átē. Bisóa bí ɔ́sū bí lɛ ányúū tāŋ mílɛ́gle, bíŋí ki ányúū li ɓɔŋle á ndáá ɔlɔ́ la ɔlɔ́ sig.