Elōg-Kɔlínto 2 4:6 - Esaa-líat ɛ́ péná

⁶ Ányúū nɛ Ɔlolómɛ̄ á yóó nɛ́: «Mipúú mí páa átē a livito.» Nyɛ́-mɛ̄n nɛ́ a páa á mímīm máhá, la nyɛ́ ɔ páɛ ɓɛ́hɛ nɛ́ ndí bi yí lipém jɛ́ɛ́, jé lí ŋga páayene á ásū á Nyɔ́-a-Pɔ́hlɛ.

Elōg-Kɔlínto 2 4:6 ပူးပေါင်းရင်းမြစ်များ

Lúkas 10:22

Mɔ́ mísɛ má tíéɓɛ́ ma la Etāa, ndí tɔ mut a ŋga yí ɓé nzáá a lɛ̄ Mɔ́ɔ̄n, amáh sig Etāa; tɔ li yí lí nzáá a lɛ Etāa, amáh sig Mɔɔ́n la tɔ nzáá Mɔ́ɔ̄n a díiŋ lí yɛ́ɛ́lene náŋ.»

Yohánɛs 1:14

La Eɓaŋgá yú ɓɔ̄ŋɓɛ́ mut-a-binam, la yɔ́ yú tɔ́ɔ̄ la ɓɛ́hɛ, ɓɛ́hɛ ki bu mɛ̄mɛ́ lipém jɛ́ɛ́. Jéŋ lipém, lí pɔmbɛ Mɔɔ́n, líg sɔ́le nyɛ́ la Ɛsáŋɛ́, nyíŋ pɔmbɛ Mɔɔ́n ɛ yáhɛ́ la mikaale mí Ɔ́lolómɛ̄, mbálɛ ki ɛ yáhɛ yɔ á nyúū.

Yohánɛs 11:40

Yésus ɔ lága nyɛ nɛ́: «Ɓaá, máh laga ɓé wa nɛ́ kíyáɓɛ́nɛ ɔ byɛ́ɛ ŋyéɓé ɔg kɛ li ɛ́n lí lípēm lí Ɔ́lolómɛ̄ é?»

Yohánɛs 12:41

Esáya a pɔ́tɔ́ɔ́ náŋ ányúū nɛ́ a ɛ́nɛ́ɛ́ lípēm lí Yésus, ɔ pɔ́t ki likɔlɓan la nyɛ́.

Misɔ́n mí Ɓáōmɓɛ 26:18

á lí lege lí mɔ̄ miíh la li ɓógtɛ lí mɔ́ á lívito li kɛla lí mɔ á mipúú, li ɓógtɛ lí mɔ̄ á mɔ mí Sátan, li kɛla lí mɔ̄ á yóg Ɔlolómɛ̄, nɛ́ ndí mí kuh elaakɛ-miɓé la li nyɔŋ lí joga á émbāmbá elɔŋ la ndog ɓayéɓe li oŋle la ŋyéɓé bí byɛ́ɛ̄ la ma.›

Elōg-Kɔlínto 1 12:8

Nyɔ́ wa, M̀búl Mpúán ag yígle nyɛ́ lí ɓɛ́la lí bíɓaŋgá bí peg, nyɔ́ŋɔ́ nlemlem á M̀búl ag yígle nyɛ́ li kwɛl la eyí,

Elōg-Kɔlínto 2 2:10

Nyɔ́ la nyɔ́ miní ŋga laakɛ, mág mag laakɛ nyɛ́. Kíyáɓɛ́nɛ má, mag laakɛ á ɔ́vega ví mā lā lí laakɛ, náŋ a mɓɛ́ ányúū yāná ɔsú ví Nyɔ́-a-Pɔ́hlɛ,

Elōg-Kɔlínto 2 3:18

Ɓɛ́hɛ bísɛ hɔ́ ɓá misú mí áhɛ́, epaa yé Nyɔ́ŋ-Ɛsáŋɛ́ ɛ́g ɛ́nyéné á nyuú yáhá kaa á élembán. Jɔ́ hɔ́ nɛ, kaa Nyɔ́ŋ-Ɛsáŋɛ́ a lɛ M̀búl, a yaanɛ́ ɓɛ́hɛ nlemlem ákaa nyɛ́, átē a lipém jé lí ɓáág já lícɛ̄ŋɛ́ la licɛ́ŋɛ́.

Elōg-Kɔlínto 2 4:4

ányúū ɓá bí ŋgá yéɓe ɓé, ɓá bí lɛ́ nɛ́ loó lí nyí sí lá dím éyī, nɛ́ ndí bíh ɛ́nɛ́g ɓé épaa yé Pɔ́l M̀ɓɛɛŋ nyí lípēm lí Nyɔ́-a-Pɔ́hlɛ, nyɔ́ a lɛ á édīŋgɛ́-díŋgɛ yé Ɔ́lolómɛ̄.

Elōg-Éféso 1:17

Ɔlolómɛ̄, Loó lí Ɛtáŋɛ wahá Yésus Kilístus, Etāa nyɔ́ a lipém, a tí ɓɛ́nɛ M̀búl á peg nyú á ŋga yɛ́ɛ́léne ɓɛ́nɛ nyɛ́, la li yíhɛ lí ɓɛ́nɛ nyɛ́ m̀ɓɛɛŋ m̀ɓɛɛŋ.

Elōg-Éféso 1:18

A légé mimím máná nɛ́ mípūū mɛ́ɛ́ mí paayé ɓɛ́nɛ, á lí ɓɔŋ nɛ́ miní sɔ́ŋtánɛ jɔɔ́jɔ́ɔ lipitá ŋyáŋlán wɛ́ɛ́ á ŋga sɔ́la ɓɛ́nɛ, nɛ́ miní sɔ́ŋtánɛ wɔɔ́wɔ́ɔ ábyaŋ lipém jɛ́ɛ́ lí ŋga sɔ́la ɓɛ́nɛ, yɔɔ́yɔ́ɔ embámbá a ŋga káahanɛ ɓɛ́nɛ la ndog yɛ́ɛ̄,

Elōg-Éféso 5:8

Á kwākwáŋɛ, miní ɓɛ́ɛ́ ɓɔ́ɔ̄n bí lívito, ndí nyí vɔ́ŋɔ́ɔ miní lɛ́ ɓɔ́ɔ̄n bí mipúú á ŋ̀atanɛ́ la Nyɔ́ŋ-Ɛsáŋɛ́. Niŋán ákaa ɓɔɔ́n bí mípūū.

Elōg-Fílípi 2:6

Nyɛ́ Yésus Kilístus, tɔ náŋ ákaa a byɛ́ɛ̄ líɓɛ́ɛg lí Ɔ́lolómɛ̄, āh ɔ́ŋɔ ɓé nɛ́ kaa a kɔ́ɔ la Ɔlolómɛ̄, náŋ a lɛ́ jam a nyɛ́ɛ lí tɔɓene.

Elōg-Kólóso 1:15

Nyɛ́ nɛ́ a lɛ á épunan yé Ɔ́lolómɛ̄ nyɔ́ a ŋgá ɛ́ni ɓé, Mɔɔ́n ɔsú á biveglé bísɛ,

Elōg-Tésaloníka 1 2:12

Ɓaá éélé ɓɛ́nɛ, bu létɛ́ ɓɛ́nɛ nyúū, bu lóohán ɓɛ́nɛ li sɔ́hye nɛ́ miní nīŋ ákaa Ɔlolómɛ̄ a ŋga sómo, nyɛ́ mut a yáŋá ɓɛ́nɛ á lí ɓɛ́la lí joga á Ékombo yɛ́ɛ́ la á lípēm jɛ́ɛ́.

Elōg-Hébɛl 1:3

La nyɛ́ nɛ́ epaa yé lípēm lí Ɔ́lolómɛ̄ ɛ́ ŋga ɛ́ni, ndí ɔ ɓɛ́ kí kɔɔ yé Ɔ́lolómɛ̄ a lɛ, la ŋguu nyí eɓaŋgá yɛ́ɛ́ nɛ a nīt joó nɛ jam lá vēgɓɛ. Ɛnɛ́ a mānɛ́ li púɛ lí ɓot á míɓē máɓá, ɔ ɓét á lóō, ɔ tɔ́ɔ á m̀ɓɛ́nlómɛ a Nyɔlɛ nyɔ́ a Ŋguu-Mísɛ.

Elōg-Hébɛl 6:4

Bi nyɔ́ŋ sig ɔ́vega la ɓot ɓá tímān á éniŋ yáɓá yé kwaŋ: ɓɔ́ ɓot ɓá lɛ́glé mípūū mí Ɔ́lolómɛ̄, bú ɓōtlé lí yí lí m̀ɓɛɛŋ á líkaale jɛ́ɛ́, bú kūh M̀búl Mpúán.

Pétlos 1 1:12

Ɔlolómɛ̄ a yɛ́ɛ́léné ɓɔ nɛ́, nyíŋ pɔ́l bí ŋgí lɛ́gɛ ɛh ɓɛ́ɛ́ ɓé ányúū yaɓá ɓɔ́-mɛ̄n, ndí ɛ ɓɛ́ɛ́ ányúū yāná. Yɔ nɛ́, nyí vɔ́ŋɔ́ɔ, ɓalɛgɛ Pɔ́l M̀ɓɛɛŋ bí ŋga lɛ́gɛ ɓɛ́nɛ la ŋguu nyí M̀búl Mpúán nyɔ́ a sɔ́lé á lōó. Nyíŋ pɔ́l, áŋgɛl yɔ́-mɛ̄n ɛ́g somo yɔ lí yí.

Pétlos 1 2:9

Ndí, ɓɛ́nɛ miní lɛ́ mbota Ɔlolómɛ̄ a pɔ́hɔ, lilómɛ lí ɓatíi-nsúlé lí káísa, ndog-Ɔlolómɛ̄ nyí púán, lilóm jé Ɔlolómɛ̄ a pɔ́hɔ á li ɓɔŋ nɛ́ miní lɛ̄gɛ́ mam micɛ́ŋ a ɓɔ̄ŋ; nyɛ́ nɛ́ a yáŋá ɓɛ́nɛ nɛ́ miní ɓógó á lívito, á lí níŋgi á taŋ yɛɛ́ mipúú.

Pétlos 2 1:19

La ki nɛ́, bí byɛ́ɛ́ eɓaŋgá yé ɓápɔ́tle-bí-Ɔ́lolómɛ̄ yé ɛ́ lɛ́ eɛ́gɓéné yɔ́-mɛ̄n, átē nɛ́ ɓɛ́nɛ ki miní kɔɔ́ li tiŋ lí miíh kaa etúlkáŋ yé miní ŋga légɓe kí ɛ́g páa á livito, sɔ́kágánɛ́ mipúú mí nzámuh míg sɔ́, la sɔ́kágánɛ́ ɔtɛ́ ví míyɛ̄-mí-kítí víg paaye mimím máná.