Elōg-Kɔlínto 2 4:5 - Esaa-líat ɛ́ péná

⁵ Kɛ́m, ah pɔ́l yāhá ɓɛ́hɛ-mɛ̄n ɓé nɛ bi ŋga lɛ́gɛ, ndí biíg lɛgɛ jā pɔ́l nyí Yésus Kilístus Ɛtáŋɛ wahá. Á yé ɛ́ ŋga légɓe ɓɛ́hɛ-mɛ̄n, biíg lɛgɛ nɛ́ bi lɛ̄ ɓáɓɔŋle ɓáná á jóō lí Yésus.

Elōg-Kɔlínto 2 4:5 ပူးပေါင်းရင်းမြစ်များ

Matéus 23:8

Ndí ɓɛ́nɛ, miníh ɓɔŋɔ́g ɓé nɛ miní yáŋlɛ́ nɛ́ ‹ŋ̀yéglɛ›, átɔm nɛ́ miní byɛ́ɛ́ ja Ŋ̀yéglɛ wāhwa, la ki nɛ́, ɓɛ́nɛ bísɛ miní lɛ́ línyaŋ.

Matéus 3:11

«Ma, mag tíi ɓɛ́nɛ nzoɓan átē a mindím nyí ɛ ŋga étɛ nɛ́ maná tám áɓē wáná, munú vēŋé bílɛ̄m, ndí nyɔ́ a ŋga sɔ́ ámbúh yáma ag loo ma ŋguu. Mih kɔ́ɔ́ ɓé ma nyɛ́ li ɓógtɛ lí bítāmbí. Ndí nyɛ́, ág kɛ ɓɛ́nɛ li tíi lí nzóɓan nyí nzáan la nyí M̀búl Mpúán.

Yohánɛs 7:18

Mut la mut a ŋga pɔ́t á jóō jɛ́ɛ́, ag somo ja lipém jɛ́ɛ́ nyɛ́-mɛ̄n. Ndí nyɔ́ a ŋga sómo lipém lí mut a óm nyɛ́ nɛ́ a lɛ mbálɛ. Yoóm mínaa tɔ yá ɛ́ sē ɓé á m̀mím wɛ́ɛ́.

Misɔ́n mí Ɓáōmɓɛ 10:36

A ómlé ɓɔ́ɔ̄n bí Íslāɛl njɛn wɛ́ɛ́, wɔ́ nɛ́ á lɛ́ Pɔ́l M̀ɓɛɛŋ nyí nsaŋ li kele la Yésus Kilístus, Nyɔ́ŋ-Ɛsáŋɛ́ a ɓot bísɛ.

Misɔ́n mí Ɓáōmɓɛ 2:36

Ɓɛ́nɛ lilóm lí Íslāɛl lísɛ, maná nyɛ́ɛ li yí la mbálɛ nɛ́, nyɔ́ Yésus maná tomó á mbásá, Ɔlolómɛ̄ a ɓɔ̄ŋ nɛ a ɓɛ́ Nyɔ́ŋ-Ɛsáŋɛ́ la Nyɔ́-a-Pɔ́hlɛ.»

Misɔ́n mí Ɓáōmɓɛ 5:31

Nyɛ́ nɛ́ Ɔlolómɛ̄ a ɓétɛ́ á lóō la ŋguu yɛ́ɛ̄, ɔ tɛ́ɛ́yɛ́ nyɛ kaa Ŋ̀kanʼyɛ la Ǹsuŋ, á lí ɓɔŋ nɛ́ lilóm lí Íslāɛl lí vēŋé bilɛ́m la jɔ́ lí kuh elaakɛ-miɓé.

Elōg-Kɔlínto 1 1:23

Ndí ɓɛ́hɛ, biíg lɛgɛ pɔ́l nyí Nyɔ́-a-Pɔ́hlɛ nyɔ́ a tōmlɛ́ á mbásá. Nyíŋ pɔ́l ɛ lɛ́ ntugɛ ányúū Elōg-Yúda, nzeg ányúū ɓá bí sē ɓé ɓɔ́ɔ̄n bí Élōg-Yúda.

Elōg-Kɔlínto 1 10:33

Náŋ nɛ́ mā-mɛn mi ŋga lɔ́gɓan nɛ́ mi nyɛ́ɛ́lé ɓot bísɛ á jóō nɛ́ jam, ah á lí somo lí m̀ɓɛɛŋ wáma mā-mɛ̄n ɓé ja, ndí á lí somo lí nyú á ɔ́bul ví ɓot, nɛ́ ndí bí sūŋɓɛ̄.

Elōg-Kɔlínto 1 12:3

Ányúū náŋ nɛ́ mi ŋga yíhɛ ɓɛ́nɛ nɛ́, mut la mut a ŋga pɔ́t la ŋguu nyí M̀búl á Ɔ́lolómɛ̄ a ŋgá yó ɓé nɛ: «Eɓómá la Yésus!» Mut tɔ wa ki a ŋgá la ɓé lí laga nɛ́: «Yésus a lɛ Nyɔ́ŋ-Ɛsáŋɛ́» kíyáɓɛ́nɛ M̀búl Mpúán a sē ɓé la nyɛ́.

Elōg-Kɔlínto 1 15:47

Mut ɔsú, ɓá mɛ̄ nyɛ la ntɔ́ɔ́, a lɛ nyɔ́ a ŋkɔŋ-á-sí. Nyɔ́ a yáhɛ́ bíɓáa nyɛ́ ag sɔ́le á lóō.

Elōg-Kɔlínto 1 2:2

Ákaa ɛ́sɛ, ma súgɛ́ nɛ mi ŋgá somo ɓé ma lí yí lí jam litám tɔ já á póla yaná, amáh sig Yésus Kilístus, Nyɔ́ Yésus Kilístus a tōmlɛ́ á mbásá.

Elōg-Kɔlínto 1 4:15

Ákaa ɛ́sɛ, tɔ maná ɓɛ́la jā jóom lí ákōō á ɓot bí ŋga yéglɛ ɓɛ́nɛ li niŋ la Nyɔ́-a-Pɔ́hlɛ, miníh byɛ́ɛ́ ɓé ɓasáŋɛ́ ŋgándag. Jɔ́ nɛ́, kaa ma nɛ́ ma sɔ́la ɓɛ́nɛ Pɔ́l M̀ɓɛɛŋ, ma nɛ́ ma yáan ɛ́sɔ̄ŋɛ́ wāná á ŋ̀atanɛ́ wāná la Yésus Kilístus.

Elōg-Kɔlínto 1 8:6

Ndí ányúū yāhá Loó a lɛ̄ wāhwa, nyɛ́ nɛ́ a lɛ́ Etāa, mam mísɛ míg sɔ́le la nyɛ́, ɓɛ́hɛ bísɛ ki biíg kɛ á yóg yɛ́ɛ̄. Nyɔ́ŋ-Ɛsáŋɛ́ ki a lɛ jā wāhwa, nyɛ́ nɛ́ a lɛ Yésus Kilístus, la nyɛ́ nɛ́ mam mísɛ má vēgɓɛ, la nyɛ́ ki nɛ́ ɓɛ́hɛ bísɛ bi lɛ́ á éniŋ.

Elōg-Kɔlínto 2 1:19

Á mbálɛ, Yésus Kilístus, Mɔɔ́n Ɔlolómɛ̄, nyɔ́ ma, Silváno la Timotéo ɓaá cámānɛ́ pɔ́l á yóg yāná, m̀ɓá-mɓá āh ɓɛ́ɛ́ ɓé nyɔ́ a «Ɔɔ» la «Kɛ́m» á nlemlem á éceg, ndí a ɓɛ́ɛ́ jā nyɔ́ «Ɔɔ» la «Ɔɔ».

Elōg-Kɔlínto 2 1:24

Bi ŋgá somo ɓé ɓɛ́nɛ li kágyɛ lí yé maná nyɛɛ́ lí yéɓe átɔm nɛ́ maná byelɓán á ŋyéɓé, ndí biíg somo ja lí sál élɔŋ la ɓɛ́nɛ á lí óŋgánɛ nɛ́ miní ɓɛ́ átē a mívag.

Elōg-Gálátia 5:13

Á élōgyāŋ, maná yáŋlɛ́ á lí ɓɛ́ lí kundɛ. Ndí nyíŋ kundɛ yāná ɛh ɓɛ́ɛ́g ɓé ɓɛ́nɛ ɔpɛ́hyé á lí yáhɛ lí kóó míson! Ndí, ediŋ yáná, ɛ́ yáanɛ́ ɓɛ́nɛ la ɓɛ́nɛ ɓaɓɔŋle.

Elōg-Fílípi 1:15

Á mbálɛ, ɓot ɓá bí lɛ múŋ, ɓá bí ŋga lɛgɛ Nyɔ́-a-Pɔ́hlɛ ányúū nzoŋ la pembhán. Ndí ɓatám, bíg lɛgɛ nyɛ́ la miɔ́ŋɔ miláám,

Elōg-Fílípi 2:11

la ki nɛ́, á lípēm lí Etāa Ɔlolómɛ̄, ɔlémb sig ví páhá nɛ́: «Yésus Kilístus nɛ́ a lɛ Nyɔ́ŋ-Ɛsáŋɛ́.»

Timotéo 2 2:10

Ányúū náŋ nɛ́ mi ŋga ɔ́hánɛ mam mísɛ ányúū ɓot Ɔlolómɛ̄ a pɔ́hɔ, nɛ́ ndí ɓɔ́g bi kuh lisuŋga jé lí lɛ́léné á Yésus Kilístus, bí kuh ki lipém lí éɓem.

Títo 1:11

Ɛ́g somlɛ nɛ́ bí leg ɓɔ́ mínyu, átɔm nɛ́ bíg yomɛ mimbiya mísɛ eceg bí ŋga yéglɛ ɓot mam míh kɔ́ɔ́ ɓé ányúū nɛ bíg somo li kuhle lí mɔní á míyɛ̄ɛ̄hán.

Pétlos 2 2:3

Eót yáɓá ɛ́ ŋkuh ɛ́g kɛ ɓɔ́ lí ɓɔŋ nɛ́ bí yíílé ɓɛ́nɛ la mikwɛl máɓá mí mínaa. Ɓɔ́, bí ɓáág la ekɔ́ghɛ yáɓá elɔŋ la njáŋgá yaɓá li ɓotle ɓɛɛvéé.