Elōg-Kɔlínto 2 4:17 - Esaa-líat ɛ́ péná

¹⁷ Ɔɔ, kí ɓaá kēt bísɔghe bí nyí lɛn, bí lɛ́ yɛ̄mɛ́ á ŋgwáāg ádit nyú á lípēm lí pɔ́gɔ́-pɔgɔ jé bíŋ bisɔghe bí ŋga ɓóŋhan ɓɛ́hɛ.

Elōg-Kɔlínto 2 4:17 ပူးပေါင်းရင်းမြစ်များ

Matéus 5:12

Kɔnán mivag, miní sōphɛ́ɛ, átɔm nɛ́ nsála wáná á lɛ́ ǹcɛ́ŋ á lóō. Ákaa ɛ́sɛ, náŋ nɛ́ bí váŋghɛ́ɛ ɓapɔ́tle-bí-Ɔ́lolómɛ̄ bí kwakwáŋɛ la ndeeŋgɛ.»

Lúkas 6:23

Kɔnán mívag víŋ ɔlɔ́, miní sōphɛ́ɛ la mivag, átɔm nɛ́ léɓyán, nsála wáná á lɛ́ ǹcɛ́ŋ á lóō. Náŋ nɛ́ ɓásāŋɛ́ ɓáɓá ɓɔ́g bí ŋgí ɓɔŋ ɓapɔ́tle-bí-Ɔ́lolómɛ̄.

Misɔ́n mí Ɓáōmɓɛ 20:23

Ndí ákaa ɛ́sɛ, M̀búl Mpúán ag yíhɛ ma nɛ́ á tísɔn sig, mitaka la m̀ɓog bíg laaŋke ma.

Elōg-Lóma 2:7

Ɓot bí lɛ́ kɔ́kɔ á lí ɓɔŋ lí mam á nyaa m̀ɓɛɛŋ, ag kɛ ɓɔ́ lí tíi lí éniŋ éɓem, ɓɔ́ nɛ́ bí ŋga sómo lípēm, adit la eniŋ yé ŋgíla nyɛmb.

Elōg-Lóma 8:18

Ákaa ɛ́sɛ, mag ɔ́ŋɔ nɛ́, bí sē ɓé nɛ ɓá kēt bisɔghe bí lɛn la lipém jé Ɔ́lolómɛ̄ a ŋga kɛ́ ɓɛ́hɛ li étɛ ámbúh eceg.

Elōg-Lóma 8:34

Nzáá a ŋga kɛ́ ɓɔ́ lí kɔ́ghɛ é? Tɔ mut, átɔm nɛ́ Yésus Kilístus a wú, li loo náŋ, a pāhye, a lɛ á m̀ɓɛ́nlómɛ a Ɔlolómɛ̄, nyɛ́ ki nɛ́ a ŋga kále ɓɛ́hɛ!

Elōg-Lóma 8:37

Ndí, bíŋ bísɛ, biíg dí byɔ cíŋ nɛ́ ɓam, li kele la ŋguu nyí nyɔ́ a díŋɛ́ ɓɛ́hɛ.

Elōg-Kɔlínto 1 2:9

Ndí, ányúū náŋ nɛ́ yá ciiɓɛ́ nɛ: «Yé diíh lí ɓáág ŋgí lí ɛ́n, yé aɔ́ɔ́ a ɓáág ŋgí lí ámble, yé ɛ́ ɓáág ŋgí lí loole lí mut tɔ wa á míɔ̄ŋɔ, Ɔlolómɛ̄ a manáá yɔ́ lí ɓoŋhan ányúū ɓadiŋɛ nyɛ́.»

Elōg-Kɔlínto 2 3:18

Ɓɛ́hɛ bísɛ hɔ́ ɓá misú mí áhɛ́, epaa yé Nyɔ́ŋ-Ɛsáŋɛ́ ɛ́g ɛ́nyéné á nyuú yáhá kaa á élembán. Jɔ́ hɔ́ nɛ, kaa Nyɔ́ŋ-Ɛsáŋɛ́ a lɛ M̀búl, a yaanɛ́ ɓɛ́hɛ nlemlem ákaa nyɛ́, átē a lipém jé lí ɓáág já lícɛ̄ŋɛ́ la licɛ́ŋɛ́.

Elōg-Fílípi 1:19

Ɔɔ, mag yí nɛ́, náŋ nɛ́ a ŋga kɛ́ ma lí sɔ́la lí lísuŋga, li kele la mikánɛ máná elɔŋ la lióŋgánɛ lí M̀búl á Yésus Kilístus.

Elōg-Tésaloníka 2 1:4

Ányúū náŋ nɛ́ miní lɛ́ ɓɛ́hɛ ewáhlé-ŋgáŋ á ŋgwáāg bíŋí biɓasɛ bí Ɔ́lolómɛ̄ li oŋle la m̀ɓán wáná, ndí la ŋyéɓé wáná miní byɛ́ɛ̄ á lí ɔ́hánɛ lí bísɔghe la mitaka mísɛ.

Elōg-Tésaloníka 2 1:6

Ɔɔ, náŋ a tɛ́ɛ́ nɛ́ Ɔlolómɛ̄ a sɔ̄ghɛ́ ɓot bí ŋga sɔ̄ghɛ ɓɛ́nɛ.

Timotéo 2 2:10

Ányúū náŋ nɛ́ mi ŋga ɔ́hánɛ mam mísɛ ányúū ɓot Ɔlolómɛ̄ a pɔ́hɔ, nɛ́ ndí ɓɔ́g bi kuh lisuŋga jé lí lɛ́léné á Yésus Kilístus, bí kuh ki lipém lí éɓem.

Yákop 1:12

Misɔ́tá la mut a ŋga ɔ́hánɛ miceglan, ányúū nɛ ámbúh míŋ miceglan, ag kɛ li kuh lí ɔtot ví éniŋ, ví Ɔlolómɛ̄ a kákānɛ̄ ɓot bísɛ bí ŋga dīŋ nyɛ́.

Pétlos 1 4:7

Lisúg lí mam mísɛ lí lɛ́ ɓɛɓɛ. Niŋán ákaa ɓot bí peg, miníh ɓɛ́ɛ́g ɓé á nlɛndanɛ́ á li ɓɔŋ nɛ́ miní lā li kánɛ.

Pétlos 1 5:10

Ɔlolómɛ̄ nyɔ́ a byɛɛ́ joó nɛ likaale, nyɔ́ a yáŋá ɓɛ́nɛ á li níŋgi á lipém jɛ́ɛ́ lí eɓem elɔŋ la Yésus Kilístus, ag kɛ ɓɛ́nɛ li tɛ́ɛ́yɛ nyɛ́-mɛ̄n ámbúh esɔghe miní ŋga kɛ́ li kuh ányúū puh éceg. Ag kɛ ɓɛ́nɛ li letɛ lí nyúū, a ólɓɛ́ ɓɛ́nɛ, a yáánɛ́ ɓɛ́nɛ ndiŋ.

Yohánɛs 1 3:2

Á élōgyāŋ yé ediŋ, li ɓotle la nyí vɔ́ŋɔ́ɔ bi lɛ̄ ɓɔ́ɔ̄n bí Ɔlolómɛ̄, ndí yé bi ŋga kɛ́ li ɓɛ́ ɛ́ lɛ́ ŋgí lí ɛ́ni. Biíg yí nɛ́, eceg Nyɔ́-a-Pɔ́hlɛ a ŋga kɛ́ li sɔ́, biíg kɛ li punan la nyɛ́, ánsī nɛ biíg kɛ nyɛ́ lí ɛ́n ákaa a lɛ.

Yúde 1:24

Á mut a ŋga lá ɓɛ́nɛ li suŋ nɛ́ m̀ɓá miníh kuág ɓé, la ki nɛ́ miní ɓɛ́ ŋgíla ɔnɛ́g la mivag micɛ́ŋɛ́ ɔ́sū ví lípēm jɛ́ɛ́,