Elōg-Kɔlínto 2 4:15 - Esaa-líat ɛ́ péná

¹⁵ Yé ɛ́sɛ bi ŋga nīŋ ɛ́ lɛ́ ányúū yāná, á lí ɓɔŋ nɛ́ ekɔnan-ŋgɔ́ɔ́ yé Ɔ́lolómɛ̄ ɛ́ kóndyé ɓɛ́nɛ li suhle, la nɛ́ ɔbul ví ɓot ví kondyé lí tíi lí Nyɛ mítamlan la lipém.

Elōg-Kɔlínto 2 4:15 ပူးပေါင်းရင်းမြစ်များ

Elōg-Lóma 8:28

Á yéŋé épah, biíg yí ki nɛ́, Ɔlolómɛ̄ ag yaanɛ mam mísɛ m̀ɓɛɛŋ ányúū ɓá bí ŋga díŋɛ nyɛ́, ɓá a yáŋa li oŋle la peg yɛɛ́ a vúl.

Elōg-Kɔlínto 1 9:19

Ɔɔ, mi lɛ̄ kúndɛ ɔ́sū ví ɓot bísɛ, ndí ma yáanɛ́ mā-mɛn ŋyɔ́ŋ á ɓot bísɛ nɛ́ ndí mi tómbánɛ ɔbul ví ɓot.

Elōg-Kɔlínto 2 1:11

Ɓɛ́nɛ ki, miníg óŋgánɛ ɓɛ́hɛ la mikánɛ máná. La náŋ, biíg kɛ li kúh lí míkaale li kele la mikánɛ mí ŋgandag ɓot yá kánɛ́ ányúū yāhá. Náŋ ki nɛ́ a ŋga kɛ́ li yígle lí ɓot ŋgandag nɛ́ bí tí Ɔlolómɛ̄ mítamlan ányúū yāhá.

Elōg-Kɔlínto 2 8:19

Li loo náŋ, Biɓasɛ bísɛ bí pɔhléé nyɛ́ á lí ɓɛ́ lí líwāndá jáhá lí dúwɛ ányúū nyúŋ nsɔ́n á ékɔnan-ŋgɔ́ɔ́, nyú bií ŋga sál ányúū lipém lí Nyɔ́ŋ-Ɛsáŋɛ́ nyɛ́-mɛ̄n, la ányúū li yáhɛ lí míɔ̄ŋɔ máhá mílāām.

Elōg-Gálátia 1:24

Náŋ ɔ yíglé nɛ ɓot bí bíŋ biɓasɛ bú ɓégɛ́ Ɔlolómɛ̄ ányúū yáma.

Elōg-Kólóso 1:24

Nyí vɔ́ŋɔ́ɔ, mag kɔn mivag la bisɔghe mi ŋga kūh ányúū yāná. Bisɔghe bí yégléé nɛ́ Yésus Kilístus a kūh, má mag kūh byɔ ányúū Eɓasɛ yé ɛ́ lɛ́ nyúū nyí Kilístus.

Timotéo 1 1:14

Ɔɔ, Ɔlolómɛ̄ a yáhɛ́ ma la ndómbo nyí Ɛtáŋɛ wahá, ɔ yáhɛ́ ma la ŋyéɓé, ɔ yáhɛ́ ki ma la ediŋ yé ɛ́ lɛ̄ átē á Yésus Kilístus.

Timotéo 2 2:10

Ányúū náŋ nɛ́ mi ŋga ɔ́hánɛ mam mísɛ ányúū ɓot Ɔlolómɛ̄ a pɔ́hɔ, nɛ́ ndí ɓɔ́g bi kuh lisuŋga jé lí lɛ́léné á Yésus Kilístus, bí kuh ki lipém lí éɓem.

Pétlos 1 2:9

Ndí, ɓɛ́nɛ miní lɛ́ mbota Ɔlolómɛ̄ a pɔ́hɔ, lilómɛ lí ɓatíi-nsúlé lí káísa, ndog-Ɔlolómɛ̄ nyí púán, lilóm jé Ɔlolómɛ̄ a pɔ́hɔ á li ɓɔŋ nɛ́ miní lɛ̄gɛ́ mam micɛ́ŋ a ɓɔ̄ŋ; nyɛ́ nɛ́ a yáŋá ɓɛ́nɛ nɛ́ miní ɓógó á lívito, á lí níŋgi á taŋ yɛɛ́ mipúú.

Pétlos 1 4:11

Kíyáɓɛ́nɛ mut a byɛ́ɛ́ nɛ́ ag pɔ́t, a lɛ́gɛ́ já éɓaŋgá Ɔlolómɛ̄. Kíyáɓɛ́nɛ mut ag sál, a sál ja la ŋguu Ɔlolómɛ̄ a tí nyɛ, á li ɓɔŋ nɛ́ li kele la Yésus Kilístus, ɓot bí tí Ɔlolómɛ̄ lipém lísɛ, átɔm nɛ́, nyɛ́ nɛ́ a byɛ́ɛ̄ ŋguu la lipém á éɓem la á éɓem. Ɛ́ ɓɛ́ náŋ!