Elōg-Kɔlínto 2 3:6 - Esaa-líat ɛ́ péná

⁶ Nyɛ́ nɛ́ a yáanɛ́ ɓɛ́hɛ ɓá bí kɔ́ɔ̄ lí ɓɛ́ lí ɓáɓɔŋle bí Ésaa-líat ɛ́ péná, ah jé ɓé lí ŋga ōŋle mbéndá nyí ya cíiɓɛ, ndí jé lí M̀búl Mpúán, átɔm nɛ́ mbéndá ya cíiɓɛ ɛg óm á nyɛmb, ndí M̀búl Mpúán ag tíi eniŋ.

Elōg-Kɔlínto 2 3:6 ပူးပေါင်းရင်းမြစ်များ

Matéus 13:52

Yésus ɔ lága ɓɔ́ nɛ́: «Jɔ́ nɛ́, Ŋ̀yí-mbéndá sig nyɔ́ ɓá yéglɛ́ mam mí Ékombo-lóō, ag punan la ɛsáŋɛ́-a-mitán nyɔ́ a ŋga pɔ́hɔ mikánág la mindunɛ mí byoóm á míɓɛɛŋ mɛ́ɛ́ mí sɔ́lɛ̄.»

Matéus 26:28

átɔm nɛ́ micii máma mí, micii mí Ésaa-líat mí má kómɓɛ́ ányúū elaakɛ-miɓé mí ɔ́bul ví límut.

Málkus 14:24

Ɔ lága ɓɔ nɛ́: «Micii máma mí, micii mí Ésaa-líat mí má kómɓɛ́ ányúū ɔbul ví límut.

Lúkas 22:20

Ámbúh li dí, ɔ ɓɔ̄ŋ nlemlem á jam la liɓondó a byɛ́ nɛ́: «Jé liɓondó nɛ li lɛ́ Ésaa-líat ɛ́ péná yé mícii máma, mí má kómɓɛ́ ányúū yaná.»

Yohánɛs 5:21

Kasig Etāa a ŋga pāhyɛ ɓá ɓá wū la li tíi li ɓɔ eniŋ, náŋ ki nɛ́ Mɔɔ́n nyɛ́g a ŋga tíi tɔ nzáá a ŋga díiŋ eniŋ.

Yohánɛs 6:63

M̀búl Mpúán nɛ́ a ŋga tíi eniŋ, nyuú ɛh byɛ́ɛ́ ɓé eɓáha tɔ yá. Biɓaŋgá mi ŋga lága ɓɛ́nɛ bí lɛ́ M̀búl, bú ɓɛ́ ki eniŋ.

Elōg-Lóma 1:5

La nyɛ́ nɛ́ ɓaá kuh líkaale á lí ɓɛ́ lí ɓáōmɓɛ á lípēm lí jóō jɛ́ɛ́, nɛ́ ndí bi ɓɔŋ nɛ́ yaa milóm ɛ yéɓé la nyɛ́, ɛ óglé ki nyɛ́.

Elōg-Lóma 3:20

Ányúū náŋ nɛ́, mut tɔ wa a ŋgá kɛ ɓé lí ɛ́ni lí sim ɔ́sū vɛ́ɛ́ ányúū nɛ a óglé mbéndá. Ákaa ɛ́sɛ, mbéndá ɛg óŋgánɛ ja ɓot nɛ́ bí yí yé ɛ́ lɛ́ áɓē.

Elōg-Lóma 4:15

Á mbálɛ, mbéndá ɛg sɔ́la ɔún ví Ɔ́lolómɛ̄. Ápah mbéndá ɛ sē ɓé, li búú lí mbéndá jɔ́g lí sē ɓé.

Elōg-Lóma 4:17

Kasig yá ciiɓɛ́ nɛ: «Ma ɓɔ̄ŋ nɛ́ ɔ ɓɛ́ esáŋɛ́ a milóm ɔ́bul!» Áblaháam a yéɓé la Ɔlolómɛ̄, la nyɛ́ ɔ ɓɛ́ ɛtáŋɛ wahá ɔ́sū vɛ́ɛ́, nyɔ́ Ɔlolómɛ̄ a ŋga tíi ɓá ɓá wū éniŋ, la nyɔ́ a ŋga sɔ́la yé ɛ́ mɓɛ́ ŋgi lí vegɓɛ á éniŋ.

Elōg-Lóma 7:6

Ndí nyí vɔ́ŋɔ́ɔ, ɓaá ɓáglán la yé ɛ́ ŋgí tígɛ ɓɛ́hɛ á m̀ɓog, ɓaá tɛ́lɛ́ kúndɛ ɔ́sū ví mbéndá, nyaa nyí ɛ ŋga yígle nɛ́, biíg la lí ɓɔŋle lí Ɔlolómɛ̄ á mbadi péná, á sí likanʼyɛ lí M̀búl Mpúán, ndí ah á sí likanʼyɛ lí kálati-mbéndá nyí ya lóo éceg ɓé.

Elōg-Lóma 8:2

átɔm nɛ́, mbéndá nyí M̀búl Mpúán nyɔ́ a ŋga tíi eniŋ á ŋ̀atanɛ́ la Yésus Kilístus ya kɔ́pɔ̄ mā á mbéndá nyí aɓé la nyí nyɛmb.

Elōg-Kɔlínto 1 11:25

Ámbúh li dí, ɔ ɓɔ̄ŋ nlemlem á jam la liɓondó a byɛ́ nɛ́: «Jé liɓondó nɛ li lɛ́ Esaa-líat ɛ́ péná jé lí mícii máma, ɓɔŋán náŋ á li ɔ́ŋɔ li ma eceg sig miní ŋga kɛ́ jɔ́ lí nyú.»

Elōg-Kɔlínto 1 12:28

Ɓot Ɔlolómɛ̄ a tɛ́ɛ́yɛ́ á Éɓasɛ bí lɛ́: ɓaómɓɛ kaa ɓot bí ɔ́sū, ɓapɔ́tle-bí-Ɔ́lolómɛ̄ kaa ɓot ɓá yáhɛ́ bíɓáa, ɓayéglɛ á Éɓasɛ kaa ɓá yáhɛ́ bíŋháa, ámbúh náŋ ɓot ɓá kuh líkaale á lí ɓɔŋ lí mínɛ̄ŋ, likaale lí lí tɔɔyɛ lí ɓot mbólí, likaale lí lí nit lí ɓot, likaale jé lí lí yí lí lí wɛɛla lí ɓot, likaale jé lí lí pɔ́t lí álēmb.

Elōg-Kɔlínto 1 15:45

Ányúū náŋ nɛ́ Lícii-Lipúán lí ŋga lága nɛ́: «Ádam, mut ɔsú a ɓɛ́ɛ́ éveglé yé míson la biveh yé yá kūh éniŋ.» Ádam nyɔ́ a tíile a lɛ M̀búl nyɔ́ a ŋga tíi eniŋ.

Elōg-Kɔlínto 1 3:10

Li oŋle la likaale Ɔlolómɛ̄ a tí ma, ma tɛ́ɛ́yɛ́ jaa kaa elɔ́ŋgɔ ŋ̀an-ndáá, mut ntám ag óŋ á loó jɛ́ɛ́. Ndí, mut sig a nyɔ́ŋ eceg la lióŋōg jɛ́ɛ́.

Elōg-Kɔlínto 1 3:5

Nzáá a lɛ Ápólos é? Nzáá a lɛ Póol é? Bí lɛ́ ja ɓáɓɔŋle ɓá ɓá níŋgɛ ɓɛ́nɛ á ŋyéɓé. Mut sig á póla yaɓá a ɓɔ̄ŋ nsɔ́n wɛ́ɛ́ li oŋle la likaale Ɔlolómɛ̄ a tí nyɛ.

Elōg-Kɔlínto 2 11:23

Ɓaá, ɓáŋ ɓot bí lɛ́ ɓáɓɔŋle bí Nyɔ́-a-Pɔ́hlɛ é? Má mi lɛ̄ m̀ɓɔŋle wɛɛ́ li loo lí ɓɔ̄, mág pɔ́t ákaa ŋ̀kɔn-nzeg! Ma sál mísɔ̄n mí ŋguu li loo lí ɓɔ̄, ma ɓɔ̄ŋ miɓog li loo lí ɓɔ̄, ma ɓōmɓɛ́ nlohanɛ́ lí loo lí ɓɔ̄, ma véé nyɛ̄mb ŋgele ŋgandag li loo lí ɓɔ̄!

Elōg-Kɔlínto 2 3:14

Ndí eyí yáɓá ɛ́ tūŋɓéé. Tɛɛla nyí lɛn, nyúŋ nlemlem á líɓato á ŋgí bútyɛ́gɛ́ ɓɔ́ míōgá eceg bí ŋga sɔ́ŋgɔ kálati yí Esaa-líat ɛ́ Kwaŋ. Kɛ́m, jéŋ liɓato líh mɓógyág ɓé, átɔm nɛ́ la Nyɔ́-a-Pɔ́hlɛ nɛ́ lí ŋga ɓógo ányúū ɓá bí ŋga kɛ́ li at la nyɛ́.

Elōg-Kɔlínto 2 3:3

Á mbálɛ, miní lɛ́ káati nyí Nyɔ́-a-pɔ́hlɛ a cíi, nyí ya tíéɓɛ́ ɓɛ́hɛ ányúū nsɔ́n wáhá. Nyíŋ káati yāh ciiɓɛ ɓé la tíŋtɛ, ndí ya cíiɓɛ́ la M̀búl nyú Ɔ́lolómɛ̄ Loó lí éniŋ. Nyíŋ káati yāh ciiɓɛ ɓé á tááfɛl ɛ́ ŋgɔg, ndí ya cíiɓɛ́ á míson máná mí nyúū náŋ ɛnɛ á mímīm máná.

Elōg-Kɔlínto 2 3:7

Ndí, kíyáɓɛ́nɛ mbéndá, nyí ɛ ŋgí óm á nyɛmb, nyí ɛ ciiɓɛ́ɛ á tááfɛl ɛ́ ŋgɔg ɛ ɓɛ́ɛ́la lipém, jé lí ŋgí la ɓé lí yígle lí ɓɔ́ɔ̄n bí Íslāɛl, nɛ́ bí légɓé Móse á ɔ́tat-ví-mbɔm ányúū yéŋ epaa yɛ́ɛ́, tɔ náŋ ákaa ɛ́ ŋgí ɓem ɓé,

Elōg-Kɔlínto 2 3:9

Ákaa ɛ́sɛ, kíyáɓɛ́ ki kɔɔ nɛ́ nsɔ́n á ŋga óm á ékɔ́ghɛ á ɓɛ́ɛ́la lipém, ɛbuu-la-ŋgele yáŋvéé la nyú á ŋga óm á étɛ̄l-sim ɔ́sū ví Ɔ́lolómɛ̄ é?

Elōg-Gálátia 3:21

Ɓaá, mbéndá ɛg tɛ́ŋgánɛ hɔ́ míkakanɛ mí Ɔlolómɛ̄ é? Kɛ́m. Kíyáɓɛ́nɛ pɔm mbéndá nyí ɛ tíéɓɛ́ɛ ɛ byɛ́ɛ́ ŋguu li niŋɛ, la mbálɛ, kí etɛ́l-sim ɛ́g sɔ́le ja á mbéndá.

Elōg-Éféso 2:1

Á élōgyāŋ, ɓɛ́nɛ ɓot miní ɓɛ́ɛ́ míwúag ányúū avuha wáná la miɓé máná miní ŋgí ɓɔŋ

Elōg-Éféso 2:5

Ányúū náŋ nɛ́, kasig bi ɓɛ́ɛ́ míwúag ányúū avuha wáhá, a tímān ɓɛ́hɛ li tíi lí éniŋ elɔŋ la Nyɔ́-a-Pɔ́hlɛ. La elɔ́ŋgɔ yɛ́ɛ́ m̀mím nɛ ɓaá suŋɓɛ.

Elōg-Éféso 3:7

La elɔ́ŋgɔ yɛ́ɛ́ m̀mím, Ɔlolómɛ̄ a étɛ́ ŋguu yɛ́ɛ̄ nɛ́ mi ɓɛ́ m̀ɓɔŋle á nyíŋ Pɔ́l m̀ɓɛɛŋ.

Timotéo 1 4:6

Yíhɛ́ elōgyāŋ yáhá bíŋ bísɛ, váŋ ɔg kɛ li ɓɛ́ lí taŋ ŋ̀óŋgánɛ nyí Yésus Kilístus, nyɔ́ a lɛ ŋyálāg la biɓaŋgá bí ŋyéɓé la miéélé mílāām mí wa ōŋlé nyaa m̀ɓɛɛŋ.

Timotéo 2 1:11

Ányúū nyíŋ Pɔ́l M̀ɓɛɛŋ nɛ́ Ɔ́lolómɛ̄ a tɛ́ɛ́yɛ́ mā ǹlɛgɛ-njɛn, ŋ̀ómɓɛ la ŋ̀yéglɛ.

Elōg-Hébɛl 12:24

Maná sīŋglé ɓɛ́ɓɛ la Yésus, nyɔ́ a tɛ́ɛ́ á póla Ɔlolómɛ̄ la ɓot-bí-bínam á lí tɛ́g lí ésaa-líat ɛ́ péná. Munú sīŋglé ki ɓɛ́ɓɛ la micii mɛ́ɛ́ mí má kómɓɛ́ mí mí byɛ́ɛ̄ pɔ́l nyí ɛ ŋga loo pɔ́l nyí mícii mí Ábɛl.

Elōg-Hébɛl 13:20

Ɔlolómɛ̄ Loó lí nsaŋ, nyɔ́ a pāhyɛ́ Ɛ́tāŋɛ wahá Yésus á nyɛmb, nyɔ́ a lɛ ǹtát mítōmbɛ́ ǹcɛ́ŋ. Li kele la micii mí Yésus nɛ́ ɓaá kuh ésaa-líat á éɓem la eɓem.

Elōg-Hébɛl 7:22

Ányúū náŋ nɛ́ la Yésus bi lɛ mbáki nɛ́ bi byɛ́ɛ́ esaa-líat yé yá loohán lí ɓɛ́ lí élɔ́ŋgɔ.

Elōg-Hébɛl 8:13

Eceg Ɔlolómɛ̄ a ŋga pɔ́t likɔlɓan la esaa-líat ɛ́ péná, ag yaanɛ esaa-líat ɔ́sū nlom, la nɛ́ jam lá yaán nlom, jé lá un ki, puh eceg lí ŋgá ɓɛ́ ɓé pɛ.

Pétlos 1 3:18

Ákaa ɛ́sɛ, Nyɔ́-a-Pɔ́hlɛ nyɛ́-mɛ̄n a sɔ̄ghe ányúū miɓé mí ɓot-bí-bínam ŋgele ya ányúū yɔ́ ɛ́sɛ. Nyɛ́ mut a tɛ́ɛ́ sim, a sɔ̄ghé ányúū ɓá bíh tɛ́ɛ́ ɓé sim, á lí ɓɔŋ nɛ́ a kɛla ɓɛ́nɛ á mbóg Ɔlolómɛ̄. A wú átē a mison, ndí ɔ tímān á eniŋ átē a M̀búl.

Yohánɛs 1 1:1

Yé ɓɛ́ɛ́ li ɓotle á bíɓotlé, ɛ́ ɓɛ́ɛ́ jā Eɓaŋgá ɛ́ ŋga tíi eniŋ. Yɔ́ nɛ́ ɓaá ámble, bu ɛ́n ɓɛ́hɛ-mɛ̄n la miíh máhá, bu mɛ́mɛ, bu síiɓán yɔ la mɔ máhá,