Elōg-Kɔlínto 2 3:18 - Esaa-líat ɛ́ péná

¹⁸ Ɓɛ́hɛ bísɛ hɔ́ ɓá misú mí áhɛ́, epaa yé Nyɔ́ŋ-Ɛsáŋɛ́ ɛ́g ɛ́nyéné á nyuú yáhá kaa á élembán. Jɔ́ hɔ́ nɛ, kaa Nyɔ́ŋ-Ɛsáŋɛ́ a lɛ M̀búl, a yaanɛ́ ɓɛ́hɛ nlemlem ákaa nyɛ́, átē a lipém jé lí ɓáág já lícɛ̄ŋɛ́ la licɛ́ŋɛ́.

Elōg-Kɔlínto 2 3:18 ပူးပေါင်းရင်းမြစ်များ

Yohánɛs 1:14

La Eɓaŋgá yú ɓɔ̄ŋɓɛ́ mut-a-binam, la yɔ́ yú tɔ́ɔ̄ la ɓɛ́hɛ, ɓɛ́hɛ ki bu mɛ̄mɛ́ lipém jɛ́ɛ́. Jéŋ lipém, lí pɔmbɛ Mɔɔ́n, líg sɔ́le nyɛ́ la Ɛsáŋɛ́, nyíŋ pɔmbɛ Mɔɔ́n ɛ yáhɛ́ la mikaale mí Ɔ́lolómɛ̄, mbálɛ ki ɛ yáhɛ yɔ á nyúū.

Yohánɛs 12:41

Esáya a pɔ́tɔ́ɔ́ náŋ ányúū nɛ́ a ɛ́nɛ́ɛ́ lípēm lí Yésus, ɔ pɔ́t ki likɔlɓan la nyɛ́.

Yohánɛs 17:22

Lipém wa tí ma, mág ma tí ɓɔ́ jɔ́, nɛ́ bí ɓɛ́ mut wa kaa ma la wa bi lɛ mut wa,

Yohánɛs 17:24

Etāa kóó yáma ɛ lɛ nɛ́, ápah mi lɛ, ɓot wa tí ma ɓɔ́g bí ɓɛ́ váŋ, nɛ́ bí mɛ̄mɛ́ lipém wa tí ma, ányúū nɛ́, wa dúgú ma lí diŋ, sɔ́kágánɛ́ ɔg veg ŋkɔŋ-á-sí

Elōg-Lóma 12:2

Miníh oŋlégé ɓé míɓɔŋɔg mí ɓot bí nyú ŋkɔŋ-á-sí á lɛn, ndí Mwahánɛ̄ Ɔlolómɛ̄ a yáanɛ́ ɓɛ́nɛ la eyí péná a ŋga tíi ɓɛ́nɛ, nɛ́ ndí miní la lí yí lí nsom wɛ́ɛ́: Ag somo yé ɛ́ lɛ́ élɔ́ŋgɔ, yé ɛ́ lɛ́ líŋgɔ̄ŋɔ́ á miíh mɛ́ɛ́ la yé ɛ́ lɛ́ tɛ́ŋgɛ́n.

Elōg-Lóma 13:14

Ndí nyɔŋán miɓɔŋɔg mí péná Nyɔ́ŋ-Ɛsáŋɛ́ Yésus Kilístus a ŋga tíi, miní jálɓán mɔ́. Miníh loɛ́gɛ́ pɛ eceg á lí ɔ́ŋɔ li mam miɓé mí nyúū yāná ɛ ŋga óm ɓɛ́nɛ li ɓɔŋ, la ɓɛ́nɛ somo mɔ li yáhɛ.

Elōg-Lóma 8:29

Ɓá a man lí pɔhɔ, a mān lí súgɛ nɛ́ bíg yáan puh la puh á épunan yé Mɔ́ɔ̄n wɛ́ɛ̄, nɛ́ ndí nyɔ́ŋ Mɔɔ́n wɛ́ɛ̄ a ɓɛ́ nyɔ́ ɔsú á lí byáa átē a linyaŋ licɛ́ŋ lí ɓot.

Elōg-Lóma 8:4

A ɓɔ̄ŋ naŋ nɛ́ ndí, ɓɛ́hɛ ɓot bi ŋgá wɛɛhɛnɛ ɓé pɛ á líkanʼyɛ lí míson, ndí á sí likanʼyɛ lí M̀búl Mpúán, bi lá li niŋ kaa mbéndá ɛ ŋga lága.

Elōg-Lóma 8:7

Ɔɔ, li oŋle lí kóó-míson lí lɛ́ jā lí ndɔ́gɓéne lí Ɔ́lolómɛ̄, ányúū nɛ mison mí ŋgá ógle ɓé mbéndá Ɔlolómɛ̄, mí ŋgá la ɓé tɔ yɔ li ógle.

Elōg-Kɔlínto 1 13:12

Ndí nyí lɛn, biíg ɛ́n mam mbɛmɛ́-mbɛmɛ́ ákaa á ŋkunūg á élembán, ndí á álɔ̄ á ŋga kɛ́ li sɔ́, bíg kɛ mɔ́ lí ɛ́n pɛ́lɛ́ŋ. Nyí vɔ́ŋɔ́ɔ eyí yáma yá tunu, ndí múŋ á nyúŋ álɔ̄ á ŋga kɛ́ li sɔ́, mag kɛ li yí lí mām ákaa Ɔ́lolómɛ̄ a ŋga yí ma.

Elōg-Kɔlínto 1 15:49

Nlemlem kaa ɓaá punán la mut a ŋkɔŋ-á-sí, náŋ ki nɛ́ bi ŋga kɛ́ li punan la mut a ŋga sɔ́le á lóō.

Elōg-Kɔlínto 2 3:17

Kasig Nyɔ́ŋ-Ɛsáŋɛ́ a lɛ M̀búl, ányúū náŋ nɛ́, ápah M̀búl á Nyɔ́ŋ-Ɛsáŋɛ́ a lɛ, váŋ ki nɛ́ kundɛ ɛ lɛ.

Elōg-Kɔlínto 2 4:4

ányúū ɓá bí ŋgá yéɓe ɓé, ɓá bí lɛ́ nɛ́ loó lí nyí sí lá dím éyī, nɛ́ ndí bíh ɛ́nɛ́g ɓé épaa yé Pɔ́l M̀ɓɛɛŋ nyí lípēm lí Nyɔ́-a-Pɔ́hlɛ, nyɔ́ a lɛ á édīŋgɛ́-díŋgɛ yé Ɔ́lolómɛ̄.

Elōg-Kɔlínto 2 4:6

Ányúū nɛ Ɔlolómɛ̄ á yóó nɛ́: «Mipúú mí páa átē a livito.» Nyɛ́-mɛ̄n nɛ́ a páa á mímīm máhá, la nyɛ́ ɔ páɛ ɓɛ́hɛ nɛ́ ndí bi yí lipém jɛ́ɛ́, jé lí ŋga páayene á ásū á Nyɔ́-a-Pɔ́hlɛ.

Elōg-Kɔlínto 2 5:17

La ki nɛ́, kíyáɓɛ́nɛ mut a áat la Nyɔ́-a-Pɔ́hlɛ, nyɔ́ŋ mut a yáan eveglé ɛ́ péná. Yé ɛ́sɛ ɛ́ ɓɛ́ɛ́ kwaŋ yá man lí loo, léɓyán sig nɛ́ mam mísɛ má timán péná.

Elōg-Gálátia 6:15

Jɔ́ nɛ́ li kwɛɛɓan tɔ li ɓɛ́ lí épɔ ɓé nɛ lí lɛ́ nsɛ́ŋ, ndí libyáa lí péná.

Elōg-Kólóso 3:10

kasig maná yaán mut a péná, nyɔ́ a ŋgá tɔmb ɓé lí veŋe lí éniŋ yɛ́ɛ́ á lí ɓɔŋ nɛ́ a yí m̀veg nyɛ́, a púnán ki la nyɛ́.

Timotéo 1 1:11

Náŋ nɛ́ a ŋga kɛ́han la Pɔ́l M̀ɓɛɛŋ nyí ya tíéɓɛ́ ma, Pɔ́l M̀ɓɛɛŋ nyí Ɔ́lolómɛ̄, Loó lí lípēm la misɔ́tá.

Títo 3:5

Váŋ á yéŋ eceg nɛ́ a sūŋ ɓɛ́hɛ, āh suŋuu ɓé ɓɛ́hɛ ányúū nɛ bi ŋgí sál misɔ́n mí tɛ́ɛ́, ndí ányúū ekɔnan-ŋgɔ́ɔ́ yɛ́ɛ́, li loole la misoɓan mí líbyáa lí péná ndí la eniŋ ɛ́ péná yé ɛ́ ŋga sɔ́le la M̀búl Mpúán.

Yákop 1:23

La mbálɛ, nyɔ́ la nyɔ́ a ŋga ámble eɓaŋgá Ɔ́lolómɛ̄, ndí áh óglé ɓé yɔ, ag punan la mut a ŋga légɓe asú wɛ́ɛ́ á élembán á lí ɛ́n ákaa á lɛ.

Yohánɛs 1 3:2

Á élōgyāŋ yé ediŋ, li ɓotle la nyí vɔ́ŋɔ́ɔ bi lɛ̄ ɓɔ́ɔ̄n bí Ɔlolómɛ̄, ndí yé bi ŋga kɛ́ li ɓɛ́ ɛ́ lɛ́ ŋgí lí ɛ́ni. Biíg yí nɛ́, eceg Nyɔ́-a-Pɔ́hlɛ a ŋga kɛ́ li sɔ́, biíg kɛ li punan la nyɛ́, ánsī nɛ biíg kɛ nyɛ́ lí ɛ́n ákaa a lɛ.