Elōg-Kɔlínto 2 3:14 - Esaa-líat ɛ́ péná

¹⁴ Ndí eyí yáɓá ɛ́ tūŋɓéé. Tɛɛla nyí lɛn, nyúŋ nlemlem á líɓato á ŋgí bútyɛ́gɛ́ ɓɔ́ míōgá eceg bí ŋga sɔ́ŋgɔ kálati yí Esaa-líat ɛ́ Kwaŋ. Kɛ́m, jéŋ liɓato líh mɓógyág ɓé, átɔm nɛ́ la Nyɔ́-a-Pɔ́hlɛ nɛ́ lí ŋga ɓógo ányúū ɓá bí ŋga kɛ́ li at la nyɛ́.

Elōg-Kɔlínto 2 3:14 ပူးပေါင်းရင်းမြစ်များ

Matéus 13:11

Yésus ɔ pélē ɓɔ̄ nɛ́: «Ányúū nɛ́ ɓɛ́nɛ nɛ́ maná pɔhlɛ́ á lí yí lí mam mí mbaŋ nyí Ékombo-lóō. Ndí ah ɓáŋá ɓátām ɓé,

Matéus 16:17

Yésus ɔ nyɔ̄ŋ sīg-pɛ mpɔ́t, ɔ lāgá nɛ: «Misɔ́tá la wa á Símɔn, mɔɔ́n Yónas, átɔm nɛ́ mut-a-binam ɓé nɛ a yíhɛ́ wa náŋ, ndí Etāa nyɔ́ a lɛ á lóō.

Matéus 6:23

Ndí, kíyáɓɛ́nɛ diíh jɔ́ɔ líg kɔn, nyuú yɔ́ɔ ɛsɛ̄ ɛg ɓɛ́ á lívito. Kíyáɓɛ́ hɔ́ nɛ, mipúú mí lɛ́ á átē wɔ́ɔ mí lɛ́ lívito, livito jɔ́ɔ lí lɛ́ viuú!»

Yohánɛs 12:40

«A dím ɓɔ miíh, ɔ létɛ̄ mímīm máɓá, nɛ́ bíh ɛ́nɛ́g ɓé la miíh máɓá tɔ li sɔ́ŋtánɛ, nɛ́ bíh veŋlág ɓé bílɛ̄m byáɓá, nɛ́ ndí mā Ɔlolómɛ̄ mi tɔ́ɔ́yɛ́ ɓɔ́ mbólí!»

Yohánɛs 12:46

Ma nɛ́ mi lɛ mípūū, ma sɔ́ á ŋkɔŋ-á-sí, nɛ́ nyɔ́ la nyɔ́ a ŋga yéɓe la ma, ah tɔɓág ɓé pɛ átē a livito.

Yohánɛs 8:12

Ámbúh náŋ, Yésus ɔ laga sīg-pɛ jéŋ límut nɛ́: «Ma nɛ́ mi lɛ mípūū mí ɓot bí ŋkɔŋ-á-sí Nyɔ́ la nyɔ́ a ŋga ōŋ ma a ŋgá kɛ ɓé lí wɛɛhɛnɛ á lívito, ag ɓɛ́la mipúú mí ŋga tíi eniŋ.»

Misɔ́n mí Ɓáōmɓɛ 13:15

Ɛnɛ́ lísɔ́ŋgɔ á kálati Mbéndá la á kálati yí ɓapɔ́tle-bí-Ɔ́lolómɛ̄ lá man, ɓakanʼyɛ ndáá-miɓomán bú lāgá ɓɔ nɛ́: «Á élōgétāŋ, kíyáɓɛ́nɛ miní byɛ́ɛ́ eɓaŋgá á lí tíi lí lílōmɛ mikúndá, nyɔŋán mpɔ́t!»

Misɔ́n mí Ɓáōmɓɛ 15:21

Jɔ́ nɛ́, li ɓotle á kwakwáŋɛ, Móse a byɛ́ɛ ɓalɛgɛ mbéndá yɛ́ɛ̄ á tísɔn sig, á ɔlɔ́ ví évɛɛɓan ví Élōg-Yúda sig, bíg sɔ́ŋgɔ yɔ á ndáá-míɓomán.»

Misɔ́n mí Ɓáōmɓɛ 16:14

Mindígá wa múŋ á elɔŋ ɛ́ ɓondígá bí ŋgí yáŋa nɛ́ Lídia, ŋgɔn tísɔn nyí Tiatília, a ŋgí yéɓe la Ɔlolómɛ̄, a ŋgí nuŋu taŋ bívɛɛ́vɛ́ɛ bí míɓato mí ŋga véé díyɛ. A ŋgí ámble ɓɛ́hɛ, la Nyɔ́ŋ-Ɛsáŋɛ́ ɔ legé m̀mím wɛ́ɛ́ á lí ɓɔŋ nɛ́ a sɔ́ŋtánɛ biɓaŋgá bí Póol.

Misɔ́n mí Ɓáōmɓɛ 26:18

á lí lege lí mɔ̄ miíh la li ɓógtɛ lí mɔ́ á lívito li kɛla lí mɔ á mipúú, li ɓógtɛ lí mɔ̄ á mɔ mí Sátan, li kɛla lí mɔ̄ á yóg Ɔlolómɛ̄, nɛ́ ndí mí kuh elaakɛ-miɓé la li nyɔŋ lí joga á émbāmbá elɔŋ la ndog ɓayéɓe li oŋle la ŋyéɓé bí byɛ́ɛ̄ la ma.›

Elōg-Lóma 11:25

Á élōgyāŋ, mag somo ɓɛ́nɛ li yíhɛ lí ŋ̀yɛ́ɛ́lāg á mbaŋ, á lí ɓɔŋ nɛ́ miníh nyɔŋɔ́g ɓé ɓɛ́nɛ-mɛ̄n kaa ɓot bí peg. Jogo lí ɓot bí lílōm lí Íslāɛl lá pún lí sɔ́ŋtánɛ, náŋ ag kɛ li ɓemle tɛɛ míŋí mílōm mísɛ má ōŋ nzen Ɔlolómɛ̄.

Elōg-Kɔlínto 2 3:15

Ɔɔ, tɛɛla nyí lɛn, eceg sig ɓɔɔ́n bí Íslāɛl bí ŋga sɔ́ŋgɔ kálati yí Móse, liɓato já líg bútyɛ mimím máɓá.

Elōg-Kɔlínto 2 3:6

Nyɛ́ nɛ́ a yáanɛ́ ɓɛ́hɛ ɓá bí kɔ́ɔ̄ lí ɓɛ́ lí ɓáɓɔŋle bí Ésaa-líat ɛ́ péná, ah jé ɓé lí ŋga ōŋle mbéndá nyí ya cíiɓɛ, ndí jé lí M̀búl Mpúán, átɔm nɛ́ mbéndá ya cíiɓɛ ɛg óm á nyɛmb, ndí M̀búl Mpúán ag tíi eniŋ.

Elōg-Kɔlínto 2 4:6

Ányúū nɛ Ɔlolómɛ̄ á yóó nɛ́: «Mipúú mí páa átē a livito.» Nyɛ́-mɛ̄n nɛ́ a páa á mímīm máhá, la nyɛ́ ɔ páɛ ɓɛ́hɛ nɛ́ ndí bi yí lipém jɛ́ɛ́, jé lí ŋga páayene á ásū á Nyɔ́-a-Pɔ́hlɛ.

Elōg-Éféso 4:18

Miɔ́ŋɔ máɓá mí lɛ́ á lívito, eniŋ Ɔ́lolómɛ̄ yú ɓɛ́ ɓɔ́ ǹcɛn, elet-m̀mím yáɓá yú yáanɛ́ ɓɔ dúum.