Elōg-Kɔlínto 2 13:5 - Esaa-líat ɛ́ péná

⁵ Ɓɛ́nɛ-mɛ̄n léɓyán sig éniŋ yáná, miní ɛ́n kí nɛ́ miníg nīŋ átē a ŋyéɓé. Tɔ nɛ́, miní vá sig ɓɛ́nɛ-mɛ̄n á éceglɛ, váŋ nɛ́ miní ŋga yí kí nɛ́ Yésus Kilístus a lɛ̄ átē wāná! Ɔ ɓógtɛ́ nɛ́ maná kū yéŋ eceglɛ.

Elōg-Kɔlínto 2 13:5 ပူးပေါင်းရင်းမြစ်များ

Yohánɛs 14:23

Yésus ɔ pélē nyɛ nɛ́: «Tɔ nzáá a ŋga díŋɛ ma, ag naŋɛ eɓaŋgá yáma, Etāa ki ag kɛ nyɛ́ lí díŋɛ, ma la Etāa biíg sɔ́ á yóg yɛ́ɛ̄, bi tɔ́ɔ̄ elɔŋ la nyɛ́.

Yohánɛs 15:4

Miní atɓán la ma kaa mág mi atɛ́ la ɓɛ́nɛ! Nlemlem kaa ŋkɔɔ a sē ɓé nɛ wá úm bínyɛŋgɛ́n la wɔ́-mɛ̄n kíyáɓɛ́nɛ áh átɛ ɓé la tín, náŋ nɛ́, tɔ ɓɛ́nɛ ki miní sē ɓé nɛ maná úm bínyɛŋgɛ́n kíyáɓɛ́nɛ miní átɛ ɓé la ma.

Yohánɛs 17:23

nɛ́ mi ɓɛ́ á átē wāɓá, kaa wág ɔ lɛ á átē wama, á lí ɓɔŋ nɛ́ bí ɓɛ́ jā mut wāhwa. Váŋ nɛ́ ɓot bí ŋkɔŋ-á-sí bí ŋga kɛ li yí nɛ́ wa nɛ́ wa óm ma, la ki nɛ́ wa díŋɛ́ ɓɔ kaa wa díŋɛ́ ma.

Yohánɛs 17:26

Ma yíhɛ́ ɓɔ joó jɔ́ɔ, mag kɛ sīg-pɛ ɓɔ́ jɔ́ lí yíhɛ, nɛ́ ndí bí ɓɛ́la ediŋ wa dīŋ ma, la nɛ́ mág mi ɓɛ́ la ɓɔ́.»

Yohánɛs 6:56

Tɔ nzáá a ŋga dí nyuú yáma, a nyú ki micii máma, ag ɓɛ́ á até wama, mág mi ɓɛ́ á até wɛ́ɛ̄.

Yohánɛs 6:6

A ŋgí pɔ́t náŋ á lí ceglɛ lí Filípo, ányúū nɛ́ nyɛ́-mɛ̄n Yésus a ŋgí yí yé a nyɛ́ɛ lí ɓɔŋ.

Elōg-Lóma 1:28

Ákaa ɓáh ɛ́n ɓé nsɛ́ŋ á lí yí lí Ɔ́lolómɛ̄, Ɔlolómɛ̄ a cóó ɓɔ múŋ á éjōŋ yáɓá éyī, nɛ́ bí ɓɔ̄ŋɔ́g mam mí ɓáh nyɛɛ ɓé lí ɓɔŋ.

Elōg-Lóma 8:10

Ndí, kíyáɓɛ́nɛ Nyɔ́-a-Pɔ́hlɛ a lɛ átē wāná, la mbálɛ, tɔ náŋ ákaa nyuú yāná ya nyɛ́ɛ lí wú ányúū njɔm nyí miɓé, M̀búl nyɛ́ ag tíi ɓɛ́nɛ eniŋ ányúū nɛ, Ɔlolómɛ̄ a yáanɛ́ ɓɛ́nɛ ɓá bí tɛ́ɛ́ sim.

Elōg-Kɔlínto 1 11:28

La náŋ, mut sig a légɓé éɓɛ̄lé yɛ́ɛ́ nyɛ́-mɛ̄n sɔ́kágánɛ́ ag dí yé ekɔgá tɔ li nyú lí jé liɓondó,

Elōg-Kɔlínto 1 11:31

Kíyáɓɛ́nɛ ɓa légɓé éɓɛ̄lé yáhá m̀ɓɛɛŋ, Nyɔ́ŋ-Ɛsáŋɛ́ a ŋgá kɛ ɓé ɓɛ́hɛ lí kááhɛ.

Elōg-Kɔlínto 1 3:16

Ɓaá, miní ŋgá yí ɓé nɛ nyúū yāná ɛ lɛ̄ ndáá-ēcɛ́ŋ-Ɔlolómɛ̄ é? La ki nɛ́ M̀búl á Ɔ́lolómɛ̄ á tɔ́ɔ á átē wāná é?

Elōg-Kɔlínto 1 6:15

Ɓaá, miní ŋgá yí ɓé nɛ nyuú yáná ɛ́ lɛ́ bíjo bí nyúū nyí Nyɔ́-a-Pɔ́hlɛ é? Ɓaá, mag nyɔŋ hɔ́ bíjo bí nyúū nyí Nyɔ́-a-Pɔ́hlɛ á lí yaanɛ lí byɔ bijo bí nyúū bí míndīgá-akwala é? Á mbálɛ kɛ́m!

Elōg-Kɔlínto 1 6:19

Ɓaá, miní ŋgá yí ɓé tɔ ki nɛ̄ nyuú yāná ɛ lɛ ndáá-ecɛ́ŋ nyí M̀búl Mpúán, nyɔ́ a ŋga sɔ́le la Ɔlolómɛ̄ ndí ɔ tɔ́ɔ átē wāná é? Ɓaá, miní ŋgá yí ɓé nɛ miní sē ɓé ɓɛ̄ɛ́n bí ɓɛ́nɛ-mɛ̄n é?

Elōg-Kɔlínto 1 6:2

Ɓaá miní ŋgá yí ɓé nɛ ndog-Ɔlolómɛ̄ nɛ ɛ ŋga kɛ́ lí kááhɛ lí ŋkɔŋ-á-sí é? Kíyáɓɛ́ hɔ́ nɛ ɓɛ́nɛ nɛ́ miní ŋga kɛ́ li kááhɛ lí ŋkɔŋ-á-sí, nɛ̄-láá hɔ́ miní kɔ́ɔ́ ɓé lí kááhɛ lí pūh mam ná é?

Elōg-Kɔlínto 1 9:24

Á élōgyāŋ, ɓaá, miní ŋgá yí ɓé nɛ, á voóm bí ŋga náŋgle m̀bíí, ɓanāŋga-m̀bíí bísɛ bíg ɓógo elɔŋ, ndí mut wāhwa nɛ́ a ŋga kūh ɔtot é? Náŋglán hɔ́ m̀bíí nyaa nyí ɛ lɛ nɛ́ miní kuh ɔtot.

Elōg-Kɔlínto 1 9:27

Ndí, mag sɔghɛ nyúū yáma taŋ-taŋ, mag kanʼyɛ ki yɔ ɛsɛ̄, á ŋkɔnwoŋɛ́ nɛ eceg mi ŋga mánɛ li lɛgɛ lí ɓáŋá ɓátām Pɔ́l M̀ɓɛɛŋ, mā-mɛn Ɔlolómɛ̄ aah váág ɓé mā á ŋgwáāg.

Elōg-Kɔlínto 2 6:16

Ɓaá yéé ndáá-ēcɛ́ŋ-Ɔlolómɛ̄ la bisát bí byɛ́ɛ̄ élɔŋ é? Á mbálɛ, ɓɛ́hɛ bi lɛ ndáá-ēcɛ́ŋ-Ɔlolómɛ̄, Loó lí éniŋ ákaa nyɛ́-mɛ̄n a ŋga pɔ́t nɛ́: «Mag kɛ li tɔɔ á póla yaɓá, mi wɛ́ɛ́ ki la ɓɔ́, mag kɛ li ɓɛ́ lí Lōó jáɓá, ɓɔ́g bí ɓɛ́ lilóm jáma.»

Elōg-Gálátia 2:20

Mag niŋ, ndí ah mā-mɛ̄n ɓé nyɔ́ŋ, Kilístus nɛ́ a ŋga nīŋ átē wama, átɔm nɛ́, eniŋ yáma yé lɛ̄n, yé líɓɛ́ɛg lí mut-a-binam, mag niŋ yɔ́ átē a ŋyéɓé la Mɔɔ́n Ɔlolómɛ̄ nyɔ́ a dīŋ ma, ɔ wú ányúū yáma.

Elōg-Gálátia 4:19

Á ɓɔ́ɔ̄n ɓáma, mi ŋgí sɔghégé ányúū yaná kaa mindígá nɛ a ŋga kóogɛ, náŋ la náŋ tɛɛ maná yéɓé nɛ Kilístus a tɔ́ɔ á mímīm máná.

Elōg-Gálátia 6:4

Ndí, mut sig a légɓé míɓɔŋɔg mɛ́ɛ́, kíyáɓɛ́nɛ a kɔ̄t jam lí ŋga kɔ̄nhanɛ nyɛ́ mivag múŋ, náŋ ag ɓɛ́ li oŋle la nyɛ́-mɛ̄n, ndí ah la ŋget la mut ntám ɓé.

Elōg-Éféso 3:17

la ki nɛ́, átē a ŋyéɓé, Nyɔ́-a-Pɔ́hlɛ a tɔ́ɔ́ á mimím máná, nɛ́ ndí miní tɔ̄ɓéné átē á ediŋ, miní ólɓéné múŋ.

Elōg-Kólóso 1:23

Ndí, ɛ́g somlɛ nɛ́, li kele la ŋyéɓé, miní lēt, miní byēlɓán, miní ɓɛ́la ki ŋguu taŋ, ɛ́h ɓɛ́ ɓé ɓɛ́nɛ li mwahɛ nɛ́ jam tɔ já lí ɓógtɛ́ ɓɛ́nɛ lipitá miní byɛ́ɛ̄ la Pɔ́l M̀ɓɛɛŋ nyí maná ámble, nyí joó nɛ eveglé ɛ́ lɛ́ á sí vaŋgá yá ámble, nyí Pɔ́l M̀ɓɛɛŋ ɛ lɛ nɛ́ ma Póol ma yáan m̀ɓɔŋle.

Elōg-Kólóso 1:27

A sómó lí yíhɛ lí ndog yɛ́ɛ̄ líɓɛ́ɛg lí nyíŋ mbaŋ la abyaŋ wɛ́ɛ́ á ŋgwáāg ɓot bí sē ɓé ɓɔ́ɔ̄n bí Élōg-Yúda. Nyíŋ mbaŋ ɛ lɛ́ nɛ́, Kilístus a lɛ̄ la ɓɛ́nɛ, la nyɛ́ nɛ́ miní byɛ́ɛ́ lipitá nɛ miníg níŋgi á lipém lí Ɔ́lolómɛ̄.

Elōg-Kólóso 2:19

Bí ŋgá tiŋɓé ɓé la Yésus Kilístus nyɔ́ a lɛ m̀mú, kí mbálɛ ɛ lɛ jā nɛ́, la nyɛ́ nɛ́ nyúū ɛsɛ̄ ya kūh lidí, la nyɛ́ nɛ́ moŋga mí nyúū elɔŋ la misih mí móŋga mísɛ má atɓan, ndí nyúū ɛ́sɛ ki ɛg náŋ li oŋle la nsom á Ɔlolómɛ̄.

Elōg-Kólóso 2:7

A ɓɛ́ ɓɛ́nɛ kaa mikaŋ ányúū eéé la ákaa jaa ányúū ndáá. Ŋyéɓé wáná á óló li oŋle la yé ɓá yéglɛ́ ɓɛ́nɛ, miní tí ki Ɔlolómɛ̄ ŋgandag mítamlan.

Timotéo 1 2:15

Ndí tɔ la náŋ, ag kɛ li suŋɓɛ ányúū nɛ a lɛ̄ nyáŋɛ̄ a ɓɔɔ́n, ndí, ɛ́g kɛ li ɓat nɛ́ a tíŋɓé á ŋyéɓé, a tíŋɓé á ediŋ, a tíŋɓé á eniŋ yé mipúú, bíŋ bísɛ á nyaa ɛ kɔ́ɔ̄.

Timotéo 2 3:8

Nlemlem kaa Yánɛs la Yámbɛ́lɛs bí ŋgí tɛ́ŋgánɛ Móse, náŋ ki nɛ́ ɓáŋ ɓot bí ŋga tɛ́ŋgánɛ mbálɛ, bí lɛ́ ɓot ɓá yōm, ŋyéɓé wáɓá ki á lɛ́ tɔ jam.

Títo 1:13

Nyíŋ mbóŋ a tíi ɛ lɛ mbálɛ. Ányúū náŋ nɛ́, wa nyɛ́ɛ ɓɔ́ li nyáálé taŋ-taŋ á lí ɓɔŋ nɛ́ bí ɓɛ́la taŋ ŋyéɓé,

Títo 1:16

Bíg páha nɛ́ bíg yí Ɔlolómɛ̄, kí miɓɔŋɔg máɓá míg táŋɓan nyɛ́. Bíg ɓɔŋ mam mí tít-ɓot, bí lɛ́ ɓot bí m̀mú-mɓé, ɓot bí ŋgá la ɓé li ɓɔŋ lí jam lí m̀ɓɛɛŋ tɔ já.

Títo 2:2

Lagá mimáŋ-mí-ɓot nɛ́ mí ɓɛ́ elɛ́m, mí dítɛ̄ mɔ́-mɛ̄n, mí ɓɛ́la lisɔ́ŋtánɛ, mí ɓɛ́ ŋyálāg la taŋ ŋyéɓé, la ediŋ la eɔ́hánɛ.

Elōg-Hébɛl 12:15

Miní nyɔŋ litát nɛ mut tɔ wa ah nɛŋɓág ɓé la elɔ́ŋgɔ m̀mím yé Ɔlolómɛ̄. Mut waná tɔ wa ah yaakágán ɓé kaa lilaŋ liɓé, jé lá sā voóm asɛ̄ á lí sɔ́la lí ntugɛ.

Elōg-Hébɛl 4:1

Ɔlolómɛ̄ a yíg ɓɛ́hɛ mikakanɛ nɛ́ biíg la li níŋgi á vóōm a ɓōŋhán ɓɛ́hɛ evɛɛɓan. Nyɔŋán hɔ́ lítāt nɛ mut waná tɔ wa ah súúg ɓé lí níŋgi átē,

Elōg-Hébɛl 6:8

Ndí, kíyáɓɛ́nɛ bikáá bí bílɔ la ɓavóŋɛ nɛ́ byá pámlé múŋ á nyíŋ sí, ɛh byɛ́ɛ́ ɓé nsɛ́ŋ, Ɔlolómɛ̄ ag kɛ́ yɔ li lɔg, á lísūg a dígɛ́ yɔ.

Yákop 4:4

Á ɓot bí mpuŋgú ɓá! Ɓaá, miní ŋgá yí ɓé nɛ li tɛ́g lí líwāndá la ŋkɔŋ-á-sí lí lɛ́ lí pún lí Ɔ́lolómɛ̄ é? Tɔ nzáá a ŋga sómo li ɓɛ́ lí líwāndá lí ŋkɔŋ-á-sí, ag yaan hɔ́ ǹlem a Ɔlolómɛ̄.

Pétlos 1 5:9

Miní byēlɓán lā ŋguu nɛ́ ah díág ɓé ɓɛ́nɛ cíŋ, miní tɔɓéné á ŋyéɓé wáná la ŋguu, ányúū nɛ́ miníg yí nɛ́, milemlem mí bísɔghe míg laaŋke elōgnyɔ̄ŋ yáná yé ɛ́ lɛ́ á ŋkɔŋ-á-sí.

Biyɛ́ɛ́léné 2:5

Ɔ́ŋɔ́ hɔ́ ápah wa ɓógye ndí wu kū; veŋé éniŋ, timán á mísɔ̄n mɔ́ɔ ɔ ŋgí ɓɔŋ kwaŋ. Ah la náŋ ɓé, mag lɛ́ŋle wa, kí má kɔ́p nɛ wāh veŋe ɓé éniŋ, mag ɓógtɛ etúlkáŋ yɔ́ɔ ápah ɛ́ lɛ̄.