Elōg-Kɔlínto 2 13:4 - Esaa-líat ɛ́ péná

⁴ La mbálɛ, a tōmlɛ́ á mbásá átē a aɓɔt wɛ́ɛ́, ndí a lɛ̄ á éniŋ la ŋguu nyí Ɔlolómɛ̄. Ɓɛ́hɛ ki bi lɛ́ áɓɔt á ŋ̀atanɛ́ la nyɛ́, ndí biíg kɛ li ɓɛ́ á éniŋ elɔŋ la nyɛ́ ányúū yāná li loole la ŋguu nyí Ɔlolómɛ̄.

Elōg-Kɔlínto 2 13:4 ပူးပေါင်းရင်းမြစ်များ

Yohánɛs 10:18

Mut tɔ wa a ŋgá nyɔŋle ɓé ma yɔ́, ndí mag tíi yɔ́ la mā-mɛ̄n. Mi byɛ́ɛ́ ŋguu li tíi lí éniŋ yáma, la ŋguu li timan lí li nyɔŋ lí yɔ, nyíŋ ndagle nɛ́ Etāa a tí ma.»

Misɔ́n mí Ɓáōmɓɛ 2:36

Ɓɛ́nɛ lilóm lí Íslāɛl lísɛ, maná nyɛ́ɛ li yí la mbálɛ nɛ́, nyɔ́ Yésus maná tomó á mbásá, Ɔlolómɛ̄ a ɓɔ̄ŋ nɛ a ɓɛ́ Nyɔ́ŋ-Ɛsáŋɛ́ la Nyɔ́-a-Pɔ́hlɛ.»

Misɔ́n mí Ɓáōmɓɛ 3:16

Li kele la ŋyéɓé á jóō lí Yésus, joó jé lá sɔ́lé lí manɛ lí nyɔ́ mut a tɛ́ɛ́ ɓɛ́nɛ ɔ́sū, nyɔ́ miní ŋga lēm, nyúŋ ŋyéɓé á ŋga sɔ́le la Yésus wá tɔ́ɔyɛ́ nyɔ́ mut mbólí á miíh máná ɓɛ́nɛ bísɛ.

Elōg-Lóma 1:4

li loole la M̀búl Mpúán, Ɔ́lolómɛ̄ ɔ tɛ́ɛ́yɛ́ nyɛ́ Mɔ́ɔ̄n wɛ́ɛ̄, ɔ tí nyɛ ŋguu, eceg a pāhyɛ́ nyɛ̄ á póla ɓá ɓá wū. Nyɛ́ nɛ́ a lɛ Yésus Kilístus Ɛtáŋɛ wahá.

Elōg-Lóma 14:9

Ákaa ɛ́sɛ, Nyɔ́-a-Pɔ́hlɛ a wú, la nyɛ́ ɔ tímān á éniŋ ányúū li ɓɛ́ lí Nyɔ́ŋ-Ɛsáŋɛ́ a ɓá ɓá wū la ɓá bí lɛ́ á éniŋ.

Elōg-Lóma 6:4

Li kele la nzoɓan nyí ɓaá kūh, ɓaá wú élɔŋ la nyɛ́, bu jéɓɛ̄ ki élɔŋ la nyɛ́, á li ɓɔŋ nɛ́, kaa ŋguu nyí lipém lí Étāa Ɔlolómɛ̄ ya pāhyɛ́ Yésus Kilístus á póla ɓá ɓá wū, ɓɛ́hɛ ki bi kúh eniŋ ɛ́ péná.

Elōg-Kɔlínto 1 1:25

Á mbálɛ, nzeg nyí Ɔlolómɛ̄ ɛ́g loo peg nyí ɓot-bí-bínam, áɓɔt wɛ́ɛ́ ki ág loo ŋguu nyí ɓot-bí-bínam.

Elōg-Kɔlínto 1 15:43

Eceg nyúū ɛ ŋga kɛ́ á sí, ɛh byɛ́ɛ́ ɓé pɛ adit, kí yá pāhye, ɛg ɓɛ́ ŋyálāg la lipém. Yé yá kɛ á sí ɛ́ lɛ́ nyúū nyí ɛ ŋga ɓɔ̄t, ndí ɛg pahye ŋyálāg la ŋguu.

Elōg-Kɔlínto 1 2:3

La má mu étɛ́ áɓɔt wáma, mu étɛ́ woŋ wáma, la nsɛ́glānɛ́ wáma ɔ́sū váná.

Elōg-Kɔlínto 1 6:14

Ɔlolómɛ̄ nyɔ́ a pāhyɛ́ Nyɔ́ŋ-Ɛsáŋɛ́, nyɛ́g ag kɛ ɓɛ́hɛ li pahyɛ la ŋguu yɛɛ́.

Elōg-Kɔlínto 2 10:10

átɔm nɛ́ ɛ́g laglɛ nɛ́, káati yí Póol ɛ́g siiɓan ɓot, ɛ́ byɛ́ɛ́ ki ŋguu tɔláá. Ndí eceg a lɛ̄ la ɓɛ́hɛ, a lɛ̄ ntɔt, biɓaŋgá byɛ́ɛ́ ki bú ɓɛ́ yɛ́mɛ̄.

Elōg-Kɔlínto 2 12:10

Jɔ́ hɔ́ nɛ́ mi ŋga kɔ̄n mivag átē a áɓɔt, átē a mióó, á mam bí ŋga kágyɛ ma, á ndútu la mitaka ányúū Nyɔ́-a-Pɔ́hlɛ! Átɔm nɛ́ eceg mi lɛ̄ ntɔt, váŋ hɔ́ nɛ mi byɛ́ɛ́ ŋguu.

Elōg-Kɔlínto 2 13:9

Bi lɛ̄ mívag eceg sig bi lɛ̄ mítɔt ndí kí ɓɛ́nɛ miní byɛ́ɛ́ ŋguu. Nsɛ́ŋ á míkánɛ máhá á lɛ́ nɛ́ miní ɓɛ́ ŋgíla ɔnɛ́g.

Elōg-Fílípi 3:10

Yé ɛ́sɛ mi ŋga sómo, ɛ́ lɛ́ lí yí lí Nyɔ́-a-Pɔ́hlɛ, li yí lí ŋguu nyí ya pāhyɛ́ nyɛ, nɛ́ ndí mi nyɔ́ŋ ŋgaan á bísɔghe byɛ́ɛ́, á lí ɓɔŋ nɛ́ mi púnān la nyɛ́ á nyɛ̄mb yɛ́ɛ̄.

Elōg-Hébɛl 5:7

Nyɔ́-a-Pɔ́hlɛ nɛ́, á éniŋ yɛ́ɛ́ mú á sí vaŋgá, átē a ŋgandag mílōn la bíya, a kánɛ, ɔ ɓétɛ́ ki nzag á yóg mut a ŋgí la nyɛ́ lí suŋ á nyɛmb, la Ɔlolómɛ̄ ɔ yáhɛ́ nzag yɛ́ɛ́ ányúū esuhɛ-nyuú yɛ́ɛ́.

Pétlos 1 3:18

Ákaa ɛ́sɛ, Nyɔ́-a-Pɔ́hlɛ nyɛ́-mɛ̄n a sɔ̄ghe ányúū miɓé mí ɓot-bí-bínam ŋgele ya ányúū yɔ́ ɛ́sɛ. Nyɛ́ mut a tɛ́ɛ́ sim, a sɔ̄ghé ányúū ɓá bíh tɛ́ɛ́ ɓé sim, á lí ɓɔŋ nɛ́ a kɛla ɓɛ́nɛ á mbóg Ɔlolómɛ̄. A wú átē a mison, ndí ɔ tímān á eniŋ átē a M̀búl.

Pétlos 1 3:22

nyɔ́ a ɓét á loó, ɔ tɔ́ɔ á m̀ɓɛ́nlómɛ a Ɔlolómɛ̄, ápah áŋgɛl, mikanʼyɛ mitám la ŋguu ɛ́ lɛ á lōó bí lɛ́ á sí likanʼyɛ jɛ́ɛ́.