Elōg-Kɔlínto 2 12:10 - Esaa-líat ɛ́ péná

¹⁰ Jɔ́ hɔ́ nɛ́ mi ŋga kɔ̄n mivag átē a áɓɔt, átē a mióó, á mam bí ŋga kágyɛ ma, á ndútu la mitaka ányúū Nyɔ́-a-Pɔ́hlɛ! Átɔm nɛ́ eceg mi lɛ̄ ntɔt, váŋ hɔ́ nɛ mi byɛ́ɛ́ ŋguu.

Elōg-Kɔlínto 2 12:10 ပူးပေါင်းရင်းမြစ်များ

Lúkas 6:22

Misɔ́tá la ɓɛ́nɛ eceg ɓot bí ŋga síŋgɛ ɓɛ́nɛ, eceg bí ŋga pún ɓɛ́nɛ, tɔ eceg bí ŋga óŋo ɓɛ́nɛ, la li túú lí ɓɛ́nɛ joó líɓē, ányúū nɛ, miní byɛ́ɛ ŋyéɓé la Mɔɔ́n Mut.

Yohánɛs 15:21

Bíg kɛ ɓɛ́nɛ li ɓɔŋ lí bíŋ bísɛ á njɔm joó jáma, átɔm nɛ́ bí ŋgá yí ɓé nyɔ́ a óm ma.

Misɔ́n mí Ɓáōmɓɛ 5:41

Ɓaómɓɛ bú ɓógó la mivag ɔ́sū ví ɔ́ku-vicɛ́ŋ-ví-bíkāāhɛ́nɛ́, nɛ́ Ɔlolómɛ̄ a ɛ́n nsɛ́ŋ nɛ bí téeŋgɛ́ ɓɔ́ á jóō lí Yésus.

Elōg-Lóma 5:3

Li loo náŋ ki, tɔ eceg bi lɛ átē a ndutu biíg yáta, ányúū nɛ́ biíg yí nɛ́ ndutu ɛg sɔ́la kɔkɔ.

Elōg-Kɔlínto 1 4:10

Ɓɛ́hɛ, bi lɛ̄ ɓot-bí-nzēg ányúū nsɔ́n á Nyɔ́-a-Pɔ́hlɛ, ndí ɓɛ́nɛ, miníg yí jam á ŋ̀atanɛ́ wāná la Nyɔ́-a-Pɔ́hlɛ. Ɓɛ́hɛ bi lɛ̄ mítɔt, ndí ɓɛ́nɛ miní byɛ́ɛ́ ŋguu. Ɓɛ́nɛ miní byɛ́ɛ́ adit, ndí ɓɛ́hɛ, bíg yaŋa ɓɛ́hɛ.

Elōg-Kɔlínto 2 1:4

Ag mɔ́mɛ ɓɛ́hɛ á ndútu yáhá ɛ́sɛ, nɛ́ ndí ɓɛ́hɛ ki bi lá li mɔ́mɛ lí ɓá bí lɛ́ á sí ndutu li oŋle la emɔ́mɛ yé yá sɔ́lé ɓɛ́hɛ la nyɛ́ Ɔlolómɛ̄.

Elōg-Kɔlínto 2 10:18

Ah mut a ŋga séme nyɛ́-mɛ̄n ɓé nɛ Nyɔ́ŋ-Ɛsáŋɛ́ a ŋga dítɛ, ndí Nyɔ́ŋ-Ɛsáŋɛ́ nɛ a ŋga dítɛ mut nyɛ́ a ŋga séme.

Elōg-Kɔlínto 2 12:9

Ndí nyɛ́ ɔ pélē ma nɛ́: «Ediŋ yáma ɛ́ kɔ́ɔ́ wa, ŋguu yama ɛg ɛ́nyéne yɔ ɛsɛ̄ ápah aɓɔt á lɛ.» Jɔ́ nɛ́, mag ɛ́n nsɛ́ŋ á lí vále lí éyāt yáma á áɓɔt wáma, nɛ́ ndí ŋguu Nyɔ́-a-Pɔ́hlɛ ɛ ɓɛ́ la ma.

Elōg-Kɔlínto 2 13:4

La mbálɛ, a tōmlɛ́ á mbásá átē a aɓɔt wɛ́ɛ́, ndí a lɛ̄ á éniŋ la ŋguu nyí Ɔlolómɛ̄. Ɓɛ́hɛ ki bi lɛ́ áɓɔt á ŋ̀atanɛ́ la nyɛ́, ndí biíg kɛ li ɓɛ́ á éniŋ elɔŋ la nyɛ́ ányúū yāná li loole la ŋguu nyí Ɔlolómɛ̄.

Elōg-Kɔlínto 2 13:9

Bi lɛ̄ mívag eceg sig bi lɛ̄ mítɔt ndí kí ɓɛ́nɛ miní byɛ́ɛ́ ŋguu. Nsɛ́ŋ á míkánɛ máhá á lɛ́ nɛ́ miní ɓɛ́ ŋgíla ɔnɛ́g.

Elōg-Kɔlínto 2 4:17

Ɔɔ, kí ɓaá kēt bísɔghe bí nyí lɛn, bí lɛ́ yɛ̄mɛ́ á ŋgwáāg ádit nyú á lípēm lí pɔ́gɔ́-pɔgɔ jé bíŋ bisɔghe bí ŋga ɓóŋhan ɓɛ́hɛ.

Elōg-Kɔlínto 2 4:5

Kɛ́m, ah pɔ́l yāhá ɓɛ́hɛ-mɛ̄n ɓé nɛ bi ŋga lɛ́gɛ, ndí biíg lɛgɛ jā pɔ́l nyí Yésus Kilístus Ɛtáŋɛ wahá. Á yé ɛ́ ŋga légɓe ɓɛ́hɛ-mɛ̄n, biíg lɛgɛ nɛ́ bi lɛ̄ ɓáɓɔŋle ɓáná á jóō lí Yésus.

Elōg-Kɔlínto 2 5:15

La ki nɛ́, Nyɔ́-a-Pɔ́hlɛ a wú ányúū ɓot bísɛ, á lí ɓɔŋ nɛ́ ɓá bí lɛ́ á éniŋ, bíh niŋíg ɓé pɛ ányúū yāɓá ɓɔ́-mɛ̄n, ndí bí nīŋ ja ányúū nyɛ́ mut a wú, la nyɛ́ ɔ pāhyé ányúū yāɓá.

Elōg-Kɔlínto 2 5:20

Á jóō lí Nyɔ́-a-Pɔ́hlɛ hɔ́ nɛ̄ bi lɛ̄ ɓápɔ́tle. Á mbálɛ, li loole la ɓɛ́hɛ nɛ́ Ɔ́lolómɛ̄ nyɛ́-mɛ̄n a ŋga yáŋá ɓɛ́nɛ. Á jóō lí Nyɔ́-a-Pɔ́hlɛ, biíg sɔ́hye ɓɛ́nɛ nɛ́ miní yéɓé lí sáŋglan la Ɔlolómɛ̄.

Elōg-Kɔlínto 2 6:4

Á mveŋghanɛ́, biíg tɛ́lɛ ɓɛ́hɛ-mɛ̄n kaa ɓáɓɔŋle bí Ɔ́lolómɛ̄ á mam mísɛ, ɓá bí ŋga ɔ́hánɛ átē a ŋgandag kɔkɔ, ɓá bí ŋga ɔ́hánɛ ndutu, mivíhá, woŋ ǹcɛ́ŋ,

Elōg-Kɔlínto 2 7:4

Mi byɛ́ɛ́ lipitá lícɛ̄ŋ la ɓɛ́nɛ, eyát mi byɛɛ́ ányúū yāná ɛ́ lɛ́ écɛ̄ŋ, mi yáhɛ la akwáá, tɔ la ndutu yáhá ɛ́sɛ, mag sophɛ la mivag.

Elōg-Éféso 6:10

Á mímanlé, miní nyɔŋlé ŋguu á ŋ̀atanɛ́ wāná la Nyɔ́ŋ-Ɛsáŋɛ́ a Ŋguu-mísɛ.

Elōg-Fílípi 1:29

Ákaa ɛ́sɛ, Ɔlolómɛ̄ a tí ɓɛ́nɛ likaale nɛ́ miní yéɓé la Nyɔ́-a-Pɔ́hlɛ, ah jɔ́-ntámɛ́ ɓé ja, ndí la li sɔghe ányúū yɛ́ɛ̄ ki.

Elōg-Kólóso 1:24

Nyí vɔ́ŋɔ́ɔ, mag kɔn mivag la bisɔghe mi ŋga kūh ányúū yāná. Bisɔghe bí yégléé nɛ́ Yésus Kilístus a kūh, má mag kūh byɔ ányúū Eɓasɛ yé ɛ́ lɛ́ nyúū nyí Kilístus.

Elōg-Tésaloníka 2 1:4

Ányúū náŋ nɛ́ miní lɛ́ ɓɛ́hɛ ewáhlé-ŋgáŋ á ŋgwáāg bíŋí biɓasɛ bí Ɔ́lolómɛ̄ li oŋle la m̀ɓán wáná, ndí la ŋyéɓé wáná miní byɛ́ɛ̄ á lí ɔ́hánɛ lí bísɔghe la mitaka mísɛ.

Timotéo 2 3:11

Wa yí ndéeŋgɛ yama la ndutu ma kūh á tísɔn yí Ántiókia, á Ikónium la á Lístele. Yɔɔ́yɔ́ɔ nyaa ndeeŋgɛ māh kūh ɓé! Á yɔ́ ɛ́sɛ, Nyɔ́ŋ-Ɛsáŋɛ́ a sūŋ ma.

Yákop 1:2

Á élōgyāŋ, miní ɔ́hánɛ miceglan mísɛ mí ŋga pámle ɓɛ́nɛ la m̀mím á mívag.

Biyɛ́ɛ́léné 2:3

Ɔ byɛ́ɛ m̀ɓán, wa táka ányúū joó jáma, ndí tɔ la náŋ wu létɛ̄ nyúū.