Elōg-Kɔlínto 2 11:12 - Esaa-líat ɛ́ péná

¹² Yé mi ŋga ɓɔ̄ŋ, mi ŋgí ɓɔŋɔ́g yɔ́ nɛ́ ndí mi ɓógtɛ́ miɔ́ŋɔ mísɛ mí ɓá bí ŋga yáta nɛ́ bí lɛ́ nlemlem kaa ɓɛ́hɛ.

Elōg-Kɔlínto 2 11:12 ပူးပေါင်းရင်းမြစ်များ

Matéus 26:16

Váŋ hɔ́ nɛ̄ Yúdas a ɓōtlé lí somo lí élɔ́ŋgɔ éceg á lí byelhanɛ lí Yésus.

Elōg-Kɔlínto 1 5:6

Yéŋ eyát yáná miní ŋga ɓɔ̄ŋ ɛ́ sē ɓé m̀ɓɛɛŋ! Ɓaá, miní ŋgá yí ɓé nɛ́ puh esaŋɛ nɛ́ ɛ́ ŋga vúhɛ fláwa ɛsɛ̄ é?

Elōg-Kɔlínto 1 9:12

Kíyáɓɛ́nɛ ɓot ɓatám bí byɛ́ɛ́ nyíŋ kundɛ ányúū yāná, ɛbuu-la-ŋgele yáŋvéé la ɓɛ́hɛ é? Ndí, ɓāh ɓɔ̄ŋle ɓé nyíŋ kundɛ, á mveŋghanɛ́ biíg ɔ́hánɛ mɔ́ mísɛ á lí ɓɔŋ nɛ́ bih váág ɓé ɓɛ́hɛ ɔɓag tɔ vá á lí tɛ́ŋgánɛ lí Pɔ́l M̀ɓɛɛŋ nyí Nyɔ́-a-Pɔ́hlɛ.

Elōg-Kɔlínto 2 1:17

Ɛnɛ́ ma nyɔ̄ŋ bíŋ bisúghɛ́nɛ́ li kɛ á Yúdēa, ɓaá, ma ólɓɛ́ nyíŋ peg yama é? Tɔ nɛ́ peg ma vúl ɛ́ lɛ́ jā peg yí ɓot-bí-bínam nɛ́ ndí á nlemlem á éceg mi lágá «Ɔɔ» la «Kɛ́m» ányúū nlemlem á jam é?

Elōg-Kɔlínto 2 10:17

Nyɔ́ la nyɔ́ a ŋga yáta, a yátá ányúū ŋ̀atanɛ́ wɛ́ɛ̄ la Nyɔ́ŋ-Ɛsáŋɛ́.

Elōg-Kɔlínto 2 11:18

Kasig ŋgandag ɓōt ɛ́ ŋga yáta ányúū eɓɛ́lé yáɓá yé ɓot-bí-bínam, mág mag yátɓéne á yéŋ eɓɛ́lé.

Elōg-Kɔlínto 2 11:9

Eceg mi ɓɛ́ɛ́ á mítīg kí mi lɛ á yóg yāná, māh díéle ɓé ma mut tɔ wa, átɔm nɛ́ elōgétāŋ yé yá sɔ́léné á Masedónia yá sáɓáŋgánɛ́ yé ɛ́sɛ ɛ́ mɓɛ́ ma kóó. La ki nɛ́, á mam mísɛ, ma nyɔ̄ŋ éceg nɛ́ mih ɓɛ́ɛ́g ɓé ma mbɛgɛ ányúū yāná, mi ŋgí nyɔŋɔ́g ki eceg á lí ɓɔŋ náŋ m̀ɓɛɛŋ.

Elōg-Kɔlínto 2 5:12

Bih byɛ́ɛ́ ɓé pɛ ɓɛ́hɛ kóó li tíi lí mbóŋ yāhá ɓɛ́hɛ-mɛ̄n ɔ́sū váná, ndí biíg somo ɓɛ́nɛ li tíi lí póla nɛ́ bi ɓɛ́ eyátɓéné yáná, á lí ɓɔŋ nɛ́ miní la li pele lí ɓá bi ŋga vá líŋgagá jáɓá á mām mí ŋga ɛ́ni á ápūū ndí ah mí mí átē a m̀mím ɓé.

Elōg-Gálátia 1:7

La mbálɛ, pɔ́l m̀ɓɛɛŋ etám ɛ sē ɓé, ndí ɓot bí mpuŋgú bí lɛ́ á póla yaná nɛ bí ŋga sómo li sáá lí Pɔ́l M̀ɓɛɛŋ nyí Kilístus á lí tɔɔyɛ lí ɛ́yaɓá.

Timotéo 1 5:14

Kóó yama ɛ lɛ hɔ́ nɛ́, ŋgɔn ɓóndīgá yí ɛ́ lɛ́ míkūh ɛ́ tímān lí lɔ́mɓan, ɛ́ kol mbota, ɛ́ nyɔŋ eceg la milɛ́ɛ́ máɓá mí áūg, ɛ́h tíág ɓé ɓálem póla li pɔ́t lí ɓɛ́hɛ tɔ yéé,