Elōg-Kɔlínto 2 10:18 - Esaa-líat ɛ́ péná

¹⁸ Ah mut a ŋga séme nyɛ́-mɛ̄n ɓé nɛ Nyɔ́ŋ-Ɛsáŋɛ́ a ŋga dítɛ, ndí Nyɔ́ŋ-Ɛsáŋɛ́ nɛ a ŋga dítɛ mut nyɛ́ a ŋga séme.

Elōg-Kɔlínto 2 10:18 ပူးပေါင်းရင်းမြစ်များ

Lúkas 16:15

La nyɛ́ ɔ lága ɓɔ nɛ́: «Ɓɛ́nɛ, miní étɛ nɛ́ miní tɛ́ɛ́ sim á miíh mí ɓot-bí-bínam, ndí Ɔlolómɛ̄ ag yí mímīm máná: yé ɛ́sɛ ki ɛ byɛ́ɛ̄ ádit ɔ́sū ví ɓot ɛ́ lɛ́ nyɛgá á miíh mí Ɔ́lolómɛ̄.

Yohánɛs 12:43

Á mbálɛ nɛ́, bí ŋgí ɛ́n lípēm lí ŋga sɔ́le ɓɔ́ la ɓot-bí-bínam nsɛ́ŋ li loo lí jé lí ŋga sɔ́le la Ɔlolómɛ̄.

Misɔ́n mí Ɓáōmɓɛ 2:22

Á ɓɔ́ɔ̄n bí Íslāɛl, ámblán bíɓaŋgá byáma! Ɔlolómɛ̄ a étɛ́ ɓɛ́nɛ nzáá a mɓɛ́ Yésus mɔɔ́n Názalɛt, Li loole la nyɛ́, Ɔlolómɛ̄ a ɓɔ̄ŋ mínyāká, binanaŋga la ndembye ɛ́ mam yí ɓɛ́nɛ-mɛ̄n miní ŋga yí.

Elōg-Lóma 14:18

Kí mut ag ɓɔ̄ŋ nsɔ́n á Nyɔ́-a-Pɔ́hlɛ nyíŋ patí, ag nyɛɛle Ɔlolómɛ̄, ɓot kí bíg séme nyɛ́.

Elōg-Lóma 16:10

Miní tamlege ma Apélɛs, nyɔ́ a étɛ́ nɛ a yéɓé la Nyɔ́-a-Pɔ́hlɛ, miní tamlege ma ɓot bí ndáá nyí Alistobúlɛ.

Elōg-Lóma 2:29

Ndí liɓɛ́ɛg lí mɔ́ɔ̄n Élōg-Yúda lí lɛ́hɛ́nɛ́ ja á yé ɛ́ sɔ́lɛ̄, taŋ likwɛɛ ki ɛ lɛ̄ jā á m̀mím, yɔ nɛ́ ɛ ŋga sɔ́le la M̀búl Mpúán, ndí ah á kálati nyí mbéndá ɓé. Nyɔ́ŋ mut nɛ́ a ŋga kūh eɓégɛ ɛ́ ŋgá sɔ́le la Ɔlolómɛ̄ ndí ah la ɓot-bí-bínam ɓé.

Elōg-Kɔlínto 1 11:19

Ɛ́g somlɛ yágá ki nɛ́ mbáglán ɛ ɓɛ́ á póla yaná á li ɓɔŋ nɛ́ bi ɛ́n ɓanzáá átē wāná Ɔ́lolómɛ̄ a ŋga yéɓe.

Elōg-Kɔlínto 1 4:5

Ányúū náŋ, miníh kááhɛ́gɛ́ ɓé eceg ŋgí lí kɔ́lan, sɔ́kágánɛ́ Nyɔ́ŋ-Ɛsáŋɛ́ ag sɔ́. Nyɛ́ nɛ́ a ŋga kɛ́ li pámɛ á mípūū yé ɛ́sɛ ɛ́ sɔ́lɛ̄ á lívito, ag kɛ ki li yɛ́lɛ lí míɔ̄ŋɔ mí mímīm. La váŋ, Ɔlolómɛ̄ ag kɛ li ségɛ lí mut sig á nyaa ɛ kɔ́ɔ̄ la nyɛ́.

Elōg-Kɔlínto 2 10:12

Á mbálɛ, bi ŋgá vá ɓé á m̀mím nɛ bi kɔ́ɔ la jogo lí ɓot lí ŋgá ɔ́ŋɔ nɛ́ lí kɔlánɛ̄ la jɔ́-mɛ̄n, bi ŋgá ketɓan ɓé tɔ ki la ɓɔ́. Kí bíg nyɔ̄ŋ ɓɔ́-mɛ̄n kaa ɔvega la ŋget, bí lɛ́ bíjōŋ bí ɓot.

Elōg-Kɔlínto 2 13:7

Biíg kánɛ Ɔlolómɛ̄ nɛ miníh ɓɔŋɔ́g ɓé áɓē tɔ wá. Kóó ɛ́ sē ɓé ɓɛ́hɛ nɛ́ bi étɛ́ ɓɛ́nɛ bindóndó bí nsɔ́n wáhá, ndí kóó ɛ lɛ̄ jā ɓɛ́hɛ nɛ́ bi ɛ́n ɓɛ́nɛ miníg ɓɔŋ m̀ɓɛɛŋ tɔ yá ɛ́ní ɔ́ŋgɛn ɓɛ́hɛ ɓāh yáhɛ ɓé nsɔ́n wáhá.

Elōg-Kɔlínto 2 3:1

Á élōgyāŋ, ɓaá, biíg timan sīg-pɛ li tɛ́lɛ ɓɛ́hɛ-mɛ̄n ɔ́sū váná á lí tíi lí mbóŋ yāhá é? Tɔ nɛ́ ákaa ɓot ɓatám, ɓā nyɛɛ́ ɓɛ́nɛ li étɛ lí káati ɛ ŋga tíi mbóŋ yāhá, tɔ nɛ́ ɓɛ́nɛ li tíi lí ɓɛ́hɛ yɔ é?

Elōg-Kɔlínto 2 5:12

Bih byɛ́ɛ́ ɓé pɛ ɓɛ́hɛ kóó li tíi lí mbóŋ yāhá ɓɛ́hɛ-mɛ̄n ɔ́sū váná, ndí biíg somo ɓɛ́nɛ li tíi lí póla nɛ́ bi ɓɛ́ eyátɓéné yáná, á lí ɓɔŋ nɛ́ miní la li pele lí ɓá bi ŋga vá líŋgagá jáɓá á mām mí ŋga ɛ́ni á ápūū ndí ah mí mí átē a m̀mím ɓé.

Elōg-Kɔlínto 2 6:4

Á mveŋghanɛ́, biíg tɛ́lɛ ɓɛ́hɛ-mɛ̄n kaa ɓáɓɔŋle bí Ɔ́lolómɛ̄ á mam mísɛ, ɓá bí ŋga ɔ́hánɛ átē a ŋgandag kɔkɔ, ɓá bí ŋga ɔ́hánɛ ndutu, mivíhá, woŋ ǹcɛ́ŋ,

Timotéo 2 2:15

Cegé la ŋguu nɛ́ ɔ ɛ́ní ɔ́sū ví Ɔ́lolómɛ̄ kaa mut nɛ́ a yí lí ɓɔŋ lí nsɔ́n wɛ́ɛ́, ákaa m̀ɓɔŋle nyɔ́ a ŋgá kɔn ɓé mbɔɔla la nyúŋ nsɔ́n, m̀ɓɔŋle nyɔ́ a ŋga yí lí camanɛ lí pɔ́l nyí ɛ lɛ mbálɛ á nyaa ɛ tɛ́ɛ́.

Pétlos 1 1:7

á lí ɓɔŋ nɛ́ míŋ miceglan mí étɛ ɔvega ví ŋyéɓé wáná. Góol ɛg lɔɓe, tɔ náŋ kaa bí ŋga vá yɔ á nzáan á lí yí kí nɛ́ ɛ lɛ taŋ. Nlemlem á jam nɛ́ bí ŋga li ɓɔ̄ŋ la ŋyéɓé wáná nyú á lɛ́ taŋ li loo lí nyíŋ góol, á lí ɓɔŋ nɛ́ miní kuh bíɓégɛ, lipém la adit eceg Yésus Kilístus a ŋga kɛ́ li étɛ lí nyúū yɛ́ɛ̄.