Elōg-Kɔlínto 2 1:19 - Esaa-líat ɛ́ péná

¹⁹ Á mbálɛ, Yésus Kilístus, Mɔɔ́n Ɔlolómɛ̄, nyɔ́ ma, Silváno la Timotéo ɓaá cámānɛ́ pɔ́l á yóg yāná, m̀ɓá-mɓá āh ɓɛ́ɛ́ ɓé nyɔ́ a «Ɔɔ» la «Kɛ́m» á nlemlem á éceg, ndí a ɓɛ́ɛ́ jā nyɔ́ «Ɔɔ» la «Ɔɔ».

Elōg-Kɔlínto 2 1:19 ပူးပေါင်းရင်းမြစ်များ

Matéus 17:5

Kasig a ɓɛ́ɛ́ a ŋgí pɔ́tɔg, mbaga ɛ ŋga páa yu bútyɛ́ ɓɔ, la cíŋ yu pámlé muŋ, yu lága nɛ: «Nyɔ́ nɛ́ a lɛ édidíŋɛ yáma Mɔɔ́n, nyɔ́ ma dīŋ lí pɔhɔ. Miní óglé nyɛ́!»

Matéus 24:35

Sí la lóō bíg kɛ li loo, ndí biɓaŋgá byáma bí ŋgá kɛ ɓé lí loo á m̀ɓá la m̀ɓá.»

Matéus 27:40

la li laga nɛ́: «Wa hɔ́, nyɔ́ ɔ ŋgɔ búg ndáá-ēcɛ́ŋ-Ɔlolómɛ̄, ndí ɔ nyɔ̄ŋ alɔ́ áŋháa á lí óŋ lí yɔ, sūŋ hɔ́ wā-mɛ̄n, kíyáɓɛ́nɛ ɔ lɛ Mɔ́ɔ̄n Ɔ́lolómɛ̄, sūh á mbásá!»

Matéus 27:54

Ɛnɛ́ ŋ̀kanʼyɛ a nlɔŋ á éɓōgo sónja la ɓatát Yésus bí ógtáán kaa sí ya póghan, bú ɛ́n ki kaa mam mí ŋgí loo, bú nát la woŋ la ɓɔ́ bú pɔ́t nɛ: «La mbálɛ, nyɔ́ mut a mɓɛ́ kɔɔ Mɔɔ́n Ɔ́lolómɛ̄!»

Matéus 3:17

Váŋ nɛ́ cíŋ ya sɔ́lé á lóō yú lágá nɛ: «Nyɔ́ nɛ́ a lɛ̄ edidíŋɛ yáma Mɔɔ́n, nyɔ́ ma ɛ́n m̀ɓɛɛŋ nɛ́ mi pɔ́hɔ́.»

Matéus 4:3

Ǹsɔhɔ ɔ sīŋglé nyɛ ɓɛɓɛ a byɛ́la nyɛ́ nɛ́: «Kíyáɓɛ́nɛ ɔ lɛ̄ Mɔ́ɔ̄n Ɔ́lolómɛ̄, kanʼyɛ́ yí ŋgɔg nɛ́ ɛ́ yáan bikɔgá.»

Málkus 1:1

Miɓotlé mí Pɔ́l M̀ɓɛɛŋ nyí Yésus Kilístus, Mɔɔ́n Ɔlolómɛ̄ mí lɛ́ jā:

Lúkas 1:35

La áŋgɛl yu pélē nyɛ nɛ́: «M̀búl Mpúán ág kɛ wa li suhle, la ŋguu Nyɔlɛ ɛ bútyɛ́ wa ákaa yíɓe, Ányúū náŋ nɛ́, nyɔ́ a ŋga kɛ́ li byáa ag ɓɛ́ mpúán, la li yáŋlɛ nɛ́: Mɔɔ́n Ɔlolómɛ̄.

Yohánɛs 1:34

Jɔ́ nɛ́, kaa ma ɛ́n, mi lɛ mbóŋ nɛ́, nyɔ́ mut a lɛ̄ Mɔ́ɔ̄n Ɔlolómɛ̄.»

Yohánɛs 1:49

Natánáɛl ɔ tímānɛ̄ nyɛ nɛ́: «Lábi, ɔ lɛ̄ Mɔ́ɔ̄n Ɔlolómɛ̄, ɔ lɛ káísa nyí Íslāɛl.»

Yohánɛs 19:7

Ɓakanʼyɛ bí Élōg-Yúda bú tímānɛ̄ nyɛ nɛ́: «Bi byɛ́ɛ́ litiŋ lí mbéndá já, li oŋle la jɔ́, ag nyɛɛ li wú, átɔm nɛ́ a kātɓán nɛ a lɛ̄ Mɔ́ɔ̄n Ɔ́lolómɛ̄!»

Yohánɛs 20:28

Tómas ɔ pélē nyɛ nɛ́: «Ɛtáŋɛ la Lōó jáma.»

Yohánɛs 20:31

Ndí, mí mam má ciiɓɛ́ já á lí ɓɔŋ nɛ́ miní yéɓé nɛ́ Yésus a lɛ Nyɔ́-a-Pɔ́hlɛ, ɔ ɓɛ́ Mɔɔ́n Ɔlolómɛ̄, la nɛ́, kaa maná yéɓe, miní ɓɛ́la eniŋ éɓem a jóō jɛ́ɛ́.

Yohánɛs 3:16

Ákaa ɛ́sɛ, Ɔlolómɛ̄ a lóohán lí diŋ lí ɓot bí ŋkɔŋ-á-sí nyaa nyí lɛ nɛ́ a tí pɔmbɛ yɛ́ɛ́ Mɔɔ́n nɛ́ tɔ nzáá a ŋga yéɓe la nyɛ́, ah wúág ɓé, ndí a ɓɛ́la eniŋ éɓem.

Yohánɛs 6:69

Ɓɛ́hɛ ɓaá yéɓé, ɓaá yí nɛ́ ɔ lɛ Nyɔ́-mpúán a Ɔlolómɛ̄.»

Yohánɛs 8:58

Yésus ɔ pélē ɓɔ nɛ́: «La mbálɛ-mbálɛ, mag laga ɓɛ́nɛ nɛ́, sɔ́kágánɛ́ Áblaháam ag ɓɛ́, kí má Mí Lɛ.»

Misɔ́n mí Ɓáōmɓɛ 15:22

Ndog Eɓasɛ ɛsɛ̄, ɓaómɓɛ la ɓacɛ́ŋ bí éɓasɛ bú ámblan, la ɓɔ́ bú súgɛ́ nɛ bíg pɔhɔ ɓot múŋ á póla yaɓá, ɓá bí ŋga óm á Antiókia nyí Sília elɔŋ la Póol la Balnábas. Bú pɔ̄hɔ́ Yúde, nyɔ́ a ŋga yáŋlɛ nɛ́ Balsábas, bú pɔ̄hɔ́ ki Sílas, ɓá bí ɓɛ́ɛ́ mbíi-ɓōt yí Éɓasɛ.

Misɔ́n mí Ɓáōmɓɛ 16:1

Póol ɔ pám á tísɔn yí Dɛlbéa la Lístele. Ŋ̀yége wa a ɓɛ́ɛ́ váŋ nɛ́ Timotéo, mɔɔ́n ŋgɔn Elōg-Yúda nyí ɛ yaán ŋyéɓé, ɛsáŋɛ́ a ɓɛ́ɛ́ mɔɔ́n Gelékia.

Misɔ́n mí Ɓáōmɓɛ 18:5

Ndí, ɛnɛ́ Sílas la Timotéo bí ɓógyéé á épah-ékombo yé Masedónia bú pám á Kɔlínto, Póol ɔ cóó yé ɛ́sɛ a ŋgí ɓɔŋ, ɔ tí éceg yɛ́ɛ́ ɛ́sɛ á lí lɛgɛ lí Éɓaŋgá Ɔ́lolómɛ̄. A ŋgí laga ɓɔɔ́n bí Élōg-Yúda nɛ́, Yésus nɛ́ a lɛ Nyɔ́-a-Pɔ́hlɛ.

Misɔ́n mí Ɓáōmɓɛ 8:36

Múŋ á nzen, bú pám ápah mindím mí ɓɛ́ɛ́, mut a Etiópia ɔ lāgá Filípo nɛ́: «Mindím mí, yéé pɛ ɛ́ ŋga céŋɛ nɛ́ mi kūh nzoɓan é?» [

Misɔ́n mí Ɓáōmɓɛ 9:20

Ndí, ɛ́h ɓɛ́ ɓé lí laaŋke, ɔ ɓōtlé lí lɛgɛ á ndáá-míɓomán nɛ Yésus a lɛ̄ Mɔ́ɔ̄n Ɔ́lolómɛ̄.

Elōg-Kɔlínto 2 1:1

Ma Póol, ŋ̀ómɓɛ a Yésus Kilístus li oŋle la nsom á Ɔ́lolómɛ̄, mi lɛ élɔŋ la Timotéo mɔɔ́lyāŋ wahá. Mag ciile Éɓasɛ yé Ɔ́lolómɛ̄ yé ɛ́ lɛ́ á tísɔn Kɔlínto, elɔŋ la ndog-Ɔlolómɛ̄ ɛ́sɛ nyí ɛ lɛ á épah-ékombo yé Akáyi.

Elōg-Tésaloníka 1 1:1

Ma Póol, mi lɛ élɔŋ la Silváno la Timotéo. Mag ciile ɓɛ́nɛ ɓot bí Éɓasɛ yé Etāa Ɔlolómɛ̄ la yé Ɛ́tāŋɛ wahá Yésus Kilístus yé ɛ́ lɛ́ á tísɔn Tesaloníka. Ndómbo la nsaŋ bí ɓɛ́ la ɓɛ́nɛ.

Elōg-Tésaloníka 2 1:1

Ma Póol, mi lɛ élɔŋ la Silváno la Timotéo. Mag ciile ɓɛ́nɛ ɓot bí Éɓasɛ yé Etāa Ɔlolómɛ̄ la yé Ɛ́tāŋɛ wahá Yésus Kilístus yé ɛ́ lɛ́ á tísɔn Tesaloníka.

Timotéo 1 3:16

Kɔɔ la mbálɛ, mbaŋ nyí ŋyéɓé wáhá ɛ lɛ̄ écɛ̄ŋ. Yɔ nɛ́ ɛ lɛ nɛ́: Yésus Kilístus nyɔ́ a sɔ́ la nyuú nyí mut-a-binam, M̀búl Mpúán a étɛ́ ɓɛ́hɛ liɓɛ́ɛg jɛ́ɛ́ lí sim, áŋgɛl ki yú mɛ̄mɛ́ nyɛ, ɔ lɛ̄glɛ́ á yóg ɓot bí ŋgíla ŋyéɓé, ɓot bú yéɓé la nyɛ́ á ŋkɔŋ-á-sí, ɔ ɓét á lōó, ɔ kūh lípēm lí Ɔ́lolómɛ̄.

Elōg-Hébɛl 1:11

Bíŋ bísɛ bíg kɛ li loo, ndí wa, ɔ lɛ̄ ja á éɓem la á éɓem. Ɔɔ, byɔ́ bísɛ bíg kɛ li un ákaa mbɔ́tí,

Elōg-Hébɛl 13:8

Yésus Kilístus a lɛ nlemlem, laŋkoo, lɛn la á éɓem la á éɓem.

Pétlos 1 5:12

Sílas nɛ́ a óŋgánɛ́ mā lí ciile lí ɓɛ́nɛ yí puh bíɓaŋgá. Mag nyɔŋ nyɛ́ kaa tihtih linyaŋ. Mag ciile ɓɛ́nɛ á lí tíi lí ɓɛ́nɛ mikúndá, la li laga lí ɓɛ́nɛ kɔɔ nɛ́, maná tiŋɓé á míkaale mí mbálɛ mí Ɔlolómɛ̄.

Pétlos 2 1:17

Átɔm nɛ́, Etāa Ɔlolómɛ̄ a tí nyɛ adit la lipém, eceg cíŋ Ɔlolómɛ̄ ɛ sɔ́léé á épapáɛ mbaga, yu lagá nɛ: «Nyɔ́ nɛ́ a lɛ édidíŋɛ yáma Mɔ́ɔ̄n, nyɛ́ nɛ́ ma dīŋ lí pɔhɔ.»

Yohánɛs 1 1:3

Yé ɓaá ɛ́n, bu ámble ki, yɔ́ nɛ́ ɓɛ́hɛ ki bi ŋga lɛ́gɛ ɓɛ́nɛ, á lí ɓɔŋ nɛ́, ɓɛ́nɛ ki miní ɓɛ́ átē a ŋ̀atanɛ́ la ɓɛ́hɛ. Liɓɛ́ɛg jáhá lí mut wa, lí lɛ́ ŋ̀atanɛ́ wāhá la Etāa, lú ɓɛ́ ki ŋ̀atanɛ́ wāhá la Mɔ́ɔ̄n wɛ́ɛ̄ Yésus Kilístus.

Yohánɛs 1 5:20

Biíg yí ki nɛ́, Mɔɔ́n Ɔlolómɛ̄ a sɔ́, la nyɛ́ ɔ tí ɓɛ́hɛ eyí, á lí ɓɔŋ nɛ́, bi yí Loó-lí-mbálɛ. Bi lɛ la Loó-lí-mbálɛ bu ɓɛ́ ki la Mɔɔ́n wɛ́ɛ̄ Yésus Kilístus. Nyɛ́ nɛ́ a lɛ Loó-lí-mbálɛ ɔ ɓɛ́ ki eniŋ éɓem.

Yohánɛs 2 1:9

Tɔ nzáá a ŋgá tɔɓene ɓé á bíyéglɛ́nɛ́ bí Nyɔ́-a-Pɔ́hlɛ ndí á kóndyé jam litám átē a sē ɓé la Ɔlolómɛ̄. Ndí nyɔ́ la nyɔ́ a ŋga tɔ́ɓene á bíyéglɛ́nɛ́ a lɛ lā Etāa elɔŋ la Mɔɔ́n.

Biyɛ́ɛ́léné 1:11

Ɛ ŋgí lɛgɛ nɛ́: «Yé ɛ́sɛ ɔ ŋgɔ kɛ́ li ɛ́n, cií yɔ́ á pɔ̄m kálati, ɔ óm yɔ á bí Biɓasɛ nzambúwá: á yé Éféso, á yé Simílna, á yé Pɛlgáma, á yé Tiatília, á yé Sáldɛs, á yé Filadɛlfía la á yé Laodíse.»

Biyɛ́ɛ́léné 1:17

Ɛnɛ́ ma ɛ́n nyɛ́, mu ɓɛ́hán á míkoo mɛ́ɛ́ kaa m̀bim, ndí nyɛ́, ɔ káhyɛ́ ma wɔ wɛ́ɛ́ á m̀ɓɛ́nlómɛ, ɔ laga ma nɛ́: «Ɔh kɔnɔ́g ɓé woŋ, ma nɛ́ mi lɛ Nyɔ́ ɔsú la Nyɔ́ a tíile.

Biyɛ́ɛ́léné 1:8

Nyɔ́ŋ-Ɛsáŋɛ́ Ɔlolómɛ̄ a byɛ́ nɛ́: «Mi lɛ Álfa la Oméga, nyɔ́ a ɓɛ́ɛ́, nyɔ́ a lɛ, la nyɔ́ a ŋga kɛ́ li sɔ́. Mi lɛ Ɔ́lolómɛ̄ á Ŋguu-Mísɛ.»

Biyɛ́ɛ́léné 2:18

Ciilé áŋgɛl nyí Eɓasɛ yé Tiatíla nɛ́: Mɔɔ́n Ɔ́lolómɛ̄, nyɔ́ miíh mí ŋga lóŋ kaa ɔlémb ví nzáan, la mikoo mí ŋga vɔ́ŋɔ́ɔ ákaa taŋ enúná ɓá vá á nzáan ag pɔ́t nɛ́: