Elōg-Kɔlínto 2 1:12 - Esaa-líat ɛ́ péná

¹² Á élōgyāŋ, yé ɛ́ lɛ́ éyātɓéné yáhá ɛ́ lɛ́ yé cíŋ-m̀mím yāhá ɛ ŋga yíhɛ ɓɛ́hɛ. Ɛg yíhɛ ɓɛ́hɛ nɛ́ ɓaá wɛɛ́ á ŋkɔŋ-á-sí, tín-tín á ŋgwáāg yāná la m̀mím á mípūū átē a mbálɛ á nyaa ɛ ŋga nyɛ́ɛle Ɔlolómɛ̄. Náŋ āh ɓɔŋɓɛ ɓé la peg nyí mut-a-binam, ndí la elɔ́ŋgɔ m̀mím yé Ɔlolómɛ̄ á ŋgwáāg yāhá.

Elōg-Kɔlínto 2 1:12 ပူးပေါင်းရင်းမြစ်များ

Misɔ́n mí Ɓáōmɓɛ 23:1

Váŋ nɛ́ Póol a tīŋ ɔ́ku-vicɛ́ŋ-ví-bíkāāhɛ́nɛ́ miíh, a byɛ́ nɛ́: «Á ɛ́lōgɛ́tāŋ, m̀mím wáma á ŋgá kááhɛ ɓé ma jam tɔ já likɔlɓan la nsɔ́n á Ɔlolómɛ̄ ma sál nɛ́-tɛ́ɛla nyí lɛn.»

Misɔ́n mí Ɓáōmɓɛ 24:16

Jɔ́ nɛ́, mág mi ŋga cége la ŋguu nɛ́ m̀mím wáma áh kááhɛ́gɛ́ ɓé ma á jam tɔ já ɔsú ví Ɔlolómɛ̄ la ɔsú ví ɓot-bí-bínam.

Elōg-Lóma 9:1

Yé mi ŋga sɔ́ lí laga ɛ́ lɛ́ mbálɛ, mi ŋgá ɓaŋ ɓé mā mínaa, ányúū nɛ ma āt la Nyɔ́-a-Pɔ́hlɛ. Cíŋ-m̀mím yáma li kele la M̀búl Mpúán yɔg ɛg laga ma nɛ́ yé mi ŋga pɔ́t ɛ́ lɛ́ mbálɛ.

Elōg-Kɔlínto 1 1:17

Átɔm nɛ́, Nyɔ́-a-Pɔ́hlɛ āh óm ɓé ma á lí tíi lí nzóɓan. Ndí, a óm mā á lí lɛgɛ lí Pɔ́l M̀ɓɛɛŋ ɛ́h ɓɛ́ ɓé ma lí ɓɔŋle lí éyī-ŋkwɛl yé ɓot-bí-bínam, á lí ɓɔŋ nɛ́ nyɛmb nyí Nyɔ́-a-Pɔ́hlɛ a lōó lí mbásá ɛh ɓɛ́ɛ́g ɓé yɛ́mɛ̄ ɛ́ jam.

Elōg-Kɔlínto 1 12:8

Nyɔ́ wa, M̀búl Mpúán ag yígle nyɛ́ lí ɓɛ́la lí bíɓaŋgá bí peg, nyɔ́ŋɔ́ nlemlem á M̀búl ag yígle nyɛ́ li kwɛl la eyí,

Elōg-Kɔlínto 1 15:10

Ndí, mi lɛ yé mi lɛ́ lɛn li oŋle la elɔ́ŋgɔ m̀mím yé Ɔlolómɛ̄, la ki nɛ́ elɔ́ŋgɔ yɛ́ɛ́ m̀mím á ŋgwáāg yáma ɛ́h mɓɛ́ ɓé yɛ̄mɛ́. Á mveŋghanɛ́, ma sál lí loo lí ɓáōmɓɛ bísɛ, ndí ah ma ɓé ma nɛ́ mi ŋgí sál, elɔ́ŋgɔ m̀mím yé Ɔ́lolómɛ̄ yé ɛ́ lɛ́ átē wama nɛ́ ɛ́ ŋgí ɓɔŋ nyúŋ nsɔ́n.

Elōg-Kɔlínto 1 2:13

La náŋ, bi ŋgá pɔ́tléne ɓé ɓɛ́hɛ míŋ mikaale la biɓaŋgá bí mut-a-binam a ŋga yéglɛ li oŋle la peg yɛɛ́, ndí biíg pɔ́tléne mɔ́ li oŋle la biɓaŋgá bí M̀búl á Ɔ́lolómɛ̄ a ŋga yéglɛ ɓɛ́hɛ, á lí pɔ́t lí mam mí M̀búl la biɓaŋgá bí M̀búl.

Elōg-Kɔlínto 1 4:4

Á mbálɛ, cíŋ-m̀mím yáma ɛ ŋgá kááhɛ ɓé ma, ndí náŋ ɓé nɛ a ŋga étɛ nɛ́ mi tɛ́ɛ́ sim, ŋ̀kááhɛ ma a lɛ Nyɔ́ŋ-Ɛsáŋɛ́.

Elōg-Kɔlínto 1 5:8

bi lóɛ̄ hɔ́ ŋgand Páska ŋgíla ǹdunɛ a esaŋɛ, ŋgíla esaŋɛ m̀ɓé-a-m̀mím, ŋgíla esaŋɛ mpuŋgú á ndeŋg. Ndí bi lóɛ́ ja ŋgand la bikɔgá bí ŋgíla esaŋɛ, la m̀mím á ŋga púú, átē a mbálɛ.

Elōg-Kɔlínto 2 1:17

Ɛnɛ́ ma nyɔ̄ŋ bíŋ bisúghɛ́nɛ́ li kɛ á Yúdēa, ɓaá, ma ólɓɛ́ nyíŋ peg yama é? Tɔ nɛ́ peg ma vúl ɛ́ lɛ́ jā peg yí ɓot-bí-bínam nɛ́ ndí á nlemlem á éceg mi lágá «Ɔɔ» la «Kɛ́m» ányúū nlemlem á jam é?

Elōg-Kɔlínto 2 11:3

Ndí, mag kɔn woŋ nɛ́, kaa nyɔ ɛ lɔ́ɔ́ndéé Éva la micaŋg mɛ́ɛ́, miɔ́ŋɔ máná ki mí táág kɔ́tɔ́ la mɔ́ mí nɛ̄ŋɓɛ́ taŋ yaná ekɔ́ɔ́ maná nyɛɛ́ lí ɓɛ́la la Nyɔ́-a-Pɔ́hlɛ.

Elōg-Kɔlínto 2 2:17

Ákaa ɛ́sɛ, bi sē ɓé ɓɛ́hɛ káa víŋí ɔ́bul ví ɓot, ɓá bí ŋga núŋu eɓaŋgá yé Ɔ́lolómɛ̄. Ndí ɓɛ́hɛ, biíg pɔ́t á nyaa ɛ tɛ́ɛ́ á joó lí Ɔ́lolómɛ̄, ɔ́sū ví Ɔ́lolómɛ̄, á ŋ̀atanɛ́ la Nyɔ́-a-Pɔ́hlɛ.

Elōg-Kɔlínto 2 4:2

Ɓaá pún mām mí ŋga ɓɔ̄ŋɓɛ á nsɔlɓɛ́ la mam mí ŋga kɔ̄nhan mbɔɔla, ɓɛ́hɛ bi ŋgá kɔ́tɓɛ ɓé ki ɓɛ́hɛ eɓaŋgá Ɔ́lolómɛ̄, biíg niŋ á nyaa ɛ tɛ́ɛ́. Á mveŋghanɛ́, eceg bi ŋga étɛ mbálɛ á nyaa ɛ tɛ́ɛ́ nɛ̄ bi ŋga tíi ɓot bísɛ mbóŋ yāhá ɓɛ́hɛ-mɛ̄n ɔ́sū ví Ɔ́lolómɛ̄, nɛ́ ndí bí ɓɛ́ mbáki la ɓɛ́hɛ.

Elōg-Kɔlínto 2 8:8

Mi ŋgá pɔ́t ɓé mā náŋ ákaa ŋkágyɛ́gɛ-á-jam, ndí kí mag máŋlɛ ɓɛ́nɛ akwáá á ɓáŋá, náŋ a lɛ ányúū li ɓɔŋ nɛ́ miní étɛ́ taŋ taŋ yaná ediŋ.

Elōg-Gálátia 6:4

Ndí, mut sig a légɓé míɓɔŋɔg mɛ́ɛ́, kíyáɓɛ́nɛ a kɔ̄t jam lí ŋga kɔ̄nhanɛ nyɛ́ mivag múŋ, náŋ ag ɓɛ́ li oŋle la nyɛ́-mɛ̄n, ndí ah la ŋget la mut ntám ɓé.

Elōg-Éféso 6:14

Tɛ́lɓán hɔ́, miní jál mbálɛ á ŋkuɓá ákaa ŋgóli, la etɛ́l-sim ákaa mbɔ́tí bicɛɛ nyí wélan.

Elōg-Fílípi 1:10

nɛ́ ndí miní yí li pɔhɔ lí yé ɛ́ kɔ́ɔ̄, la náŋ miníg ɓɛ́ mipúú, ŋgíla ɔnɛ́g á ɔ́lɔ̄ Nyɔ́-a-Pɔ́hlɛ a ŋga kɛ́ li sɔ́,

Elōg-Tésaloníka 1 2:10

Miní lɛ́ mbóŋ yáhá, Ɔlolómɛ̄ ki ɔ ɓɛ́ mbóŋ nɛ́ ɓa wɛɛ́ átē a mipúú, bu wɛ́ɛ á nyaa ɛ tɛ́ɛ, ŋgíla ɔnɛ́g á ŋgwáāg yāná ɓɛ́nɛ ɓayéɓe.

Timotéo 1 1:5

Ndag ma tí wa ɛ lɛ ányúū li ɓɔŋ nɛ́ ɓot lí ɓɛ́la édiŋ yé ɛ ŋga sɔ́le ɓɔ́ á m̀mím á ŋgá púú, ɛ́h ɓɛ́ ɓé nɛ cíŋ-m̀mím yāɓá ɛ kááhɛ́ ɓɔ́, la nɛ́ bí ɓɛ́la ŋyéɓé á mbálɛ.

Títo 2:7

á mam mísɛ. Wā-mɛ̄n, misɔ́n mɔ́ɔ miláám mí ɓɛ́ ndembye ányúū ɓatám: kaa li yéglɛ lí tāŋ míēēlé, la li yéglɛ lí yé ɛ́ kɔ́ɔ̄,

Elōg-Hébɛl 13:18

Kánhánɛ ányúū yāhá, átɔm nɛ́ bi lɛ mbáki nɛ́ cíŋ-m̀mím yāhá ɛ́ ŋgá kááhɛ ɓé ɓɛ́hɛ. Bi byɛ́ɛ́ ki kóó li ɓɔŋ lí mam á nyaa m̀ɓɛɛŋ eceg ɛ́sɛ.

Yákop 4:6

Ndí, Ɔlolómɛ̄ a tí ɓɛ́hɛ likaale licɛ́ŋ lítām, ányúū náŋ nɛ́ Lícii-Lipúán lí ŋga yó nɛ́: «Ɓot bí kúmba, Ɔlolómɛ̄ ag letle ɓɔ́ m̀mím, ndí ag ɓɔt m̀mím ányúū ɓá bí esuhɛ-nyuú.»

Pétlos 1 3:16

Ndí, ɓɔŋán náŋ ŋgíla elóh la ewú-m̀mím, ɛ́h ɓé jam lí ŋga téeŋgɛ miɔ́ŋɔ máná, á lí ɓɔŋ nɛ́ ɓot bí ŋga ɓéeyɛ ɓɛ́nɛ mam ányúū miɓɔŋɔg máná mí m̀ɓɛɛŋ átē a Kilístus bí kɔn ɔsɔ́n.

Pétlos 1 3:21

Mɔ́ nɛ́ mi ɓɛ́ɛ́ ndembye nyí nzoɓan nyí ɛ ŋga sūŋ ɓɛ́nɛ nyí lɛn, nyí ɛ ŋgá púɛ ɓé mbindo nyí nyúū, ndí nyí ɛ lɛ́ bisúghɛ́nɛ́ bí mut a byɛɛ́ miɔ́ŋɔ miláám á lí oŋ lí Ɔlolómɛ̄. Nyíŋ nzoɓan nɛ́ ɛ ŋga sūŋ ɓɛ́nɛ li kele la lipahye lí Yésus Kilístus,