Elōg-Kɔlínto 1 9:11 - Esaa-líat ɛ́ péná

¹¹ Kíyáɓɛ́nɛ ɓaá ɓɛl bilɔ́ŋgɔ bí mam bí M̀búl Mpúán átē wāná, ɓaá, yéé yá lóohán lí ɓɛ́ lí áɓē nɛ́ bi púmú jóga já lí míɓɛɛŋ máná é?

Elōg-Kɔlínto 1 9:11 ပူးပေါင်းရင်းမြစ်များ

Matéus 10:10

miníh nyɔŋɔ́g ɓé mpég á dúwɛ, tɔ mbɔ́tí ɛ́ɓáa, tɔ bitámbí, tɔ njéŋ-duwɛ, átɔm nɛ́ m̀ɓɔŋle a kɔ́ɔ́ la lidí jɛ́ɛ́.

Elōg-Lóma 15:27

Ɔɔ, ɓá súgɛ́ náŋ, ndí náŋ a mɓɛ́ ɓɔ epíl. Ányúū nɛ́, kaa ndog-Ɔlolómɛ̄ nyí Masedónia la nyí Akáyi ɛ́ sē ɓé ɓɔ́ɔ̄n bí Élōg-Yúda, ndí ndog-Ɔlolómɛ̄ nyí Yelúsalɛm yú ɓɛ́ nyí Elōg-Yúda la yɔ́ yú óŋgánɛ́ ɓɔ li ɓɛ́la lí ŋyéɓé, jɔ́ nɛ́ ɓɔ́g ɓá nyɛɛ́ ɓɔ li óŋgánɛ la bibyee-mɔ byáɓá.

Elōg-Kɔlínto 1 9:14

Náŋ ki nɛ́ Nyɔ́ŋ-Ɛsáŋɛ́ a ɓɔ̄ŋ eceg a tí kundɛ nɛ́ ɓálɛgɛ Pɔ́l M̀ɓɛɛŋ ɓɔ́g bí niŋléné múŋ á nsɔ́n wáɓá.

Elōg-Kɔlínto 2 11:15

Náŋ a lɛ ki jā puh jam, ányúū ɓaɓɔŋle ɓɛ́ɛ́ nɛ bí sɔ̄lɓéné á líɓɛ́ɛg lí ɓáɓɔŋle bí ŋga sál ányúū etɛ́l-sim. Lisúg jáɓá líg kɛ li punan la misɔ́n máɓá.

Elōg-Gálátia 6:6

Nyɔ́ la nyɔ́ a ŋga lɛ́gle eɓaŋgá Ɔ́lolómɛ̄ a nyɛ́ɛ lí tíi lí ŋ̀yéglɛ wɛ́ɛ̄ joga já lí míɓɛɛŋ mɛ́ɛ́.

Elōg-Fílípi 4:17

Náŋ a ŋgá somo ɓé lí laga nɛ́ mi lɛ á nsom á mikaale. Ndí mag somo ja mām mí ŋga yígle nɛ́, Ɔlolómɛ̄ a kóndyé ɓɛ́nɛ á yé miní byɛ́ɛ̄.