Elōg-Kɔlínto 1 8:13 - Esaa-líat ɛ́ péná

¹³ Ányúū náŋ nɛ́, kíyáɓɛ́nɛ patí lidí yā ɛg kɛla mɔɔ́lyāŋ á míceglan, ɛnɛ m̀ɓá-mɓá māh nyɛɛ ɓé ma lí dí lí nyíŋ tít á lí pún nɛ́ mɔɔ́lyāŋ a táág ku á míceglan.

Elōg-Kɔlínto 1 8:13 ပူးပေါင်းရင်းမြစ်များ

Matéus 17:27

Jɔ́ nɛ́, á lí pún nɛ́ náŋ ah teeŋgɛ́gɛ́ ɓé ɓáɓat-táas, kɛɛ́n á ébúle, lɛŋgɛ́ nlɔ́ɔ́ á ɔ́sōō. Kɔh ɔsú ɔ ŋgɔ ól, legé anyu wɛ́ɛ́, ɔg kɔ́p épah ɛ́ kápa múŋ; nyɔ̄ŋ yɔ́, ɔ tí yɔ́ ɓáŋ ɓot ányúū yáma la ányúū yɔ́ɔ.»

Misɔ́n mí Ɓáōmɓɛ 15:20

Bi cíilé ja ɓɔ́ nɛ́, bíh díág ɓé tít bí ŋga súle míloó mítām, bí mwahɛ́ eniŋ ɛ́ ndeŋg, bíh díág ɓé tít yá wú édun, tɔ li dí lí mícii.

Elōg-Lóma 14:13

Bi mwáhɛ́ hɔ́ lí kááhan ɓɛ́hɛ la ɓɛ́hɛ. Ndí nyɔŋán jā bísúghɛ́nɛ́ nɛ miní ŋgá ɓɔŋ ɓé jam lí ŋga ɓɛ́ mɔɔ́nɛ́sɔ̄ŋ waná ɔ́ɓag ví ŋga yígle nyɛ́ lí ɓɔŋ lí áɓē, ndí tɔ li kuhʼanɛ lí nyɛ á míceglan.

Elōg-Lóma 14:21

Yé ɛ́ lɛ́ m̀ɓɛɛŋ, ɛ́ lɛ́ lí ɓen lí lí ɓɔŋ lí jam jé lí ŋga lā li kuɛhɛ lí mɔ́ɔ̄nɛ́sāŋ á míceglan, kíyáɓɛ́nɛ lí dí lí tít, ɔh díág ɓé yɔ, kíyáɓɛ́nɛ li nyú lí mílɔg, ɔh nyúág ɓé mɔ̄.

Elōg-Kɔlínto 1 10:32

Miníh ɓɛ́ɛ́g ɓé ɔ́ɓag ányúū mut tɔ wa, ɛ́ ɓɛ́ ɓɔɔ́n bí Élōg-Yúda, ɛ́ ɓɛ́ ɓá bí Élōg-Gelékia, ndí tɔ á Eɓasɛ yé Ɔ́lolómɛ̄.

Elōg-Kɔlínto 1 10:33

Náŋ nɛ́ mā-mɛn mi ŋga lɔ́gɓan nɛ́ mi nyɛ́ɛ́lé ɓot bísɛ á jóō nɛ́ jam, ah á lí somo lí m̀ɓɛɛŋ wáma mā-mɛ̄n ɓé ja, ndí á lí somo lí nyú á ɔ́bul ví ɓot, nɛ́ ndí bí sūŋɓɛ̄.

Elōg-Kɔlínto 1 13:5

ɛ́ ŋgá yígle ɓé lí ɓɔŋan lí mam mí mbɔɔla, ɛ́ ŋgá somo ɓé nsɛ́ŋ wɛ́ɛ́, ɛ́ ŋgá búmblān ɓé la ɔún, ɛ́ ŋga naŋɛ ɓé évinká,

Elōg-Kɔlínto 1 6:12

Mam mísɛ mí lɛ́ mā kundɛ, ndí mɔ́ mísɛ mí sē ɓé nsɛ́ŋ. Mam mísɛ mí lɛ́ mā kundɛ, ndí mi ŋgá kɛ ɓé mā lí yaan lí ŋyɔ́ŋ á jam tɔ já.

Elōg-Kɔlínto 1 9:12

Kíyáɓɛ́nɛ ɓot ɓatám bí byɛ́ɛ́ nyíŋ kundɛ ányúū yāná, ɛbuu-la-ŋgele yáŋvéé la ɓɛ́hɛ é? Ndí, ɓāh ɓɔ̄ŋle ɓé nyíŋ kundɛ, á mveŋghanɛ́ biíg ɔ́hánɛ mɔ́ mísɛ á lí ɓɔŋ nɛ́ bih váág ɓé ɓɛ́hɛ ɔɓag tɔ vá á lí tɛ́ŋgánɛ lí Pɔ́l M̀ɓɛɛŋ nyí Nyɔ́-a-Pɔ́hlɛ.

Elōg-Kɔlínto 2 11:29

Nzáá a ɓɔ̄t ndí māh ɓɔt ɓé élɔŋ la nyɛ́ é? Nzáá a ku á míceglan ndí náŋ āh téeŋgɛ́ ɓé mā é?

Elōg-Kɔlínto 2 6:3

Ákaa ɛ́sɛ, bi ŋgá somo ɓé ɓɛ́hɛ nɛ́ jam tɔ já lí ɓɛ́ ɔɓag ányúū mut tɔ wa, á lí ɓɔŋ nɛ́ nsɔ́n wáhá á ɓɛ́ ŋgíla ɔnɛ́g.