Elōg-Kɔlínto 1 8:12 - Esaa-líat ɛ́ péná

¹² Eceg miní ŋga ɓɔ̄ŋle elōgɛ́sɔ̄ŋ yáná áɓē náŋ, ndí miníg ɓáálɛ ki miɔ́ŋɔ máɓá mí ŋga ɓɔ̄t, ɛnɛ Nyɔ́-a-Pɔ́hlɛ nyɛ́-mɛ̄n nɛ́ miní ŋga ɓɔ̄ŋle aɓé.

Elōg-Kɔlínto 1 8:12 ပူးပေါင်းရင်းမြစ်များ

Matéus 18:10

«Nyɔŋán lítāt nɛ́ miníh yɔ́lɔ́g ɓé ntɔ́ga tɔ wa vá, átɔm nɛ́ mag laga ɓɛ́nɛ nɛ́, wóŋ á lóō, áŋgɛl yáɓá ɛ́ ɓáág ja ɛ́ tɛ́ɛ ɓɛɓɛ la Etāa wama nyɔ́ a lɛ á lóō. [

Matéus 18:21

Váŋ nɛ́ Pétlos a sīŋglé Yésus á ŋgwáāg ɔ yó nyɛ nɛ́: «Ɛtáŋɛ, eceg mɔɔ́lyāŋ a vūhlé ma, ɓaá ŋgele yáŋvéé ma nyɛ́ɛ nyɛ li laakɛ é? Tɛɛla ŋgele nzambúwá é?»

Matéus 18:6

Yésus aá la ɓɔ́ nɛ́: «Ndí tɔ nzáá a ŋga kɛ́ li ɓɛ́ lí njɔm miɓé nyí ntɔ́ga wāhwa vá á ɓá bí byɛ́ɛ́ ŋyéɓé la ma, ɛ́ lɛ́ nsɛ́ŋ nɛ́ bí tiŋ nyɛ́ lísūŋ lí ŋgɔg á cíŋ, bí léé nyɛ́ á m̀mím á túwɛ.

Matéus 25:40

Káísa ag kɛ ɓɔ́ lí pele nɛ́: ‹La mbálɛ, mag laga ɓɛ́nɛ nɛ́, eceg sig maná ɓɔŋlé wa mú á ɓá ɓatɔ́ga, ɓá bí lɛ́ élōgyāŋ, ɛnɛ ma nɛ́ maná ɓɔŋlé nāŋ›.

Matéus 25:45

Váŋ nɛ́ káísa a ŋga kɛ́ ɓɔ́ lí pele nɛ́: ‹La mbálɛ, mag laga ɓɛ́nɛ nɛ́, eceg sig maná ɓēn lí ɓɔŋlé lí wa náŋ á ɓá ɓatɔ́ga bí lɛ́ vá, ɛnɛ ma nɛ́ manáh ɓɔŋlé ɓé›.

Málkus 9:42

Li kɛla lí ŋkwɛl ɔ́sū, Yésus aá la ɓɔ́ nɛ́: «Tɔ nzáá a ŋga kɛ́ li ɓɛ́ lí njɔm miɓé nyí ntɔ́ga wāhwa vá, á ɓá bí byɛ́ɛ́ ŋyéɓé la ma, ɛ́ lɛ́ nsɛ́ŋ nɛ́ bí tiŋ nyɛ́ lísūŋ lí ŋgɔg á cíŋ, bí léé nyɛ́ á túwɛ.

Lúkas 17:2

Ɛ́ lɛ nsɛ́ŋ nɛ nyíŋ nyaa mut bí tiŋ yɔ lisúŋ lí ŋgɔg á cíŋ, bí léé nyɛ á túwɛ, li loo nɛ́ ag ɓɛ́ njɔm miɓé nyí nyɔ́ a lóohan ntɔ́ga átē a ɓá ɓɔɔ́n.

Elōg-Lóma 14:20

Ɔh lɔɔ́g ɓé nsɔ́n Ɔ́lolómɛ̄ ányúū ŋkwɛl á lídī. Ɛ́ lɛ́ mbálɛ nɛ́ joó nɛ jam lí ŋga díéɓɛ lá sɔ́ líg púú, ndí ɛ́ sē ɓé m̀ɓɛɛŋ li dí jam lí ŋga óm ɓáŋá á áɓē.

Elōg-Kɔlínto 1 12:12

Ákaa ɛ́sɛ, bi nyɔ̄ŋ ví ɔvega nɛ́, nyuú ɛ lɛ̄ jā ya, ndí ɛ byɛ́ɛ́ bíjo ŋgandag, bíŋ bijo, tɔ náŋ ákaa bí lɛ́ ɔ́bul bíg oŋgɛ jā nyúū ya. Náŋ ki nɛ́ Nyɔ́-a-Pɔ́hlɛ a lɛ.