Elōg-Kɔlínto 1 6:20 - Esaa-líat ɛ́ péná

²⁰ Mut wa a lɛ nyɔ́ a sálá díyɛ ŋgandag á lí kɔpɔ lí ɓɛ́nɛ. Ɓéghánɛ hɔ́ Ɔ́lolómɛ̄ la nyuú yāná!

Elōg-Kɔlínto 1 6:20 ပူးပေါင်းရင်းမြစ်များ

Matéus 5:16

Nlemlem á jam la ɓɛ́nɛ, mipúú máná mí páa á miíh mí ɓot, á lí ɓɔŋ nɛ́ eceg bí ŋga ɛ́n mísɔ̄n máná mílāām, bí ɓégɛ́ Ɛsɔ́ŋɛ́ wāná nyɔ́ a lɛ á lóō.»

Misɔ́n mí Ɓáōmɓɛ 20:28

Miní táthán la ɓɛ́nɛ-mɛ̄n, miní táthán ki la liɓembá jé M̀búl Mpúán a tí ɓɛ́nɛ. Ɓɛ́án ɓatát bí Eɓasɛ yé Ɔlolómɛ̄, yé a sóm ányúū yɛ́ɛ̄ nyɛ́-mɛ̄n la micii mɛ́ɛ́.»

Elōg-Lóma 12:1

Á élōgyāŋ, kasig Ɔlolómɛ̄ a ŋga kɔnle ɓɛ́hɛ ŋgɔ́ɔ́, mag sɔ́hye hɔ́ ɓɛ́nɛ nɛ́: miní tí nyɛ́ ɓɛ́nɛ-mɛ̄n kaa byoóm bí nsúlé. Li ɓotle vɔ́ŋɔ́ɔ miníg ógle nyɛ́, miníg ɓɛ́ jā ɛ́ɓɛ̄ɛ̄ la li ɓɔŋ lí yé ɛ́ ŋga nyɛ́ɛle nyɛ́. Nyíŋ patí li ɓégɛ lí nyɛ nɛ ɛ kɔɔ́.

Elōg-Lóma 6:19

Mag nyɔŋle ŋget á mam mí ŋga lóo á póla ɓot-bí-bínam, á li ɓɔŋ nɛ́ miní sɔ́ŋtánɛ m̀ɓɛɛŋ. Nlemlem kaa miní yaanɛ́ɛ bijo byáná bí nyúū míyɔ̄ŋ mí mísɔ̄n mí nyɛ́gā la mí mí mpuŋgú, misɔ́n mí mí ŋgí óm ɓɛ́nɛ á lí ndɔ́gɓéne lí Ɔ́lolómɛ̄. Nyí vɔ́ŋɔ́ɔ, miní yáanɛ́ byɔ́ míyɔ̄ŋ mí mísɔ̄n mí étɛ̄l-sim yé ɛ́ ŋga yáanɛ ɓɛ́nɛ ɓápūán.

Elōg-Kɔlínto 1 10:31

Ɛ́ ɓɛ́ nɛ́ miníg dí, ɛ́ ɓɛ́ hɔ́ nɛ miníg nyú, tɔ yé miní byɛ́ɛ̄ á lí ɓɔŋ, ɓɔŋán yɔ́ ányúū lipém lí Ɔ́lolómɛ̄!

Elōg-Kɔlínto 1 7:23

Mut wa a lɛ nyɔ́ a sála díyɛ ŋgandag á li kɔpɔ lí ɓɛ́nɛ. Miníh yaankágán ɓé pɛ miyɔ́ŋ mí ɓot-bí-bínam.

Elōg-Gálátia 3:13

Nyɔ́-a-Pɔ́hlɛ a sála á lí ɓógtɛ lí ɓɛ́hɛ á bílɔg bí nyíŋ mbéndá, eceg a yéɓé nyɛ́-mɛ̄n li ɓɛgɛ lí bílɔg byáhá, kasig yá ciiɓɛ́ nɛ: «Eɓómá la nyɔ́ bí ŋga pánɛ á énjēŋ.»

Elōg-Fílípi 1:20

Ákaa ɛ́sɛ, li oŋle la yé ɛ́sɛ mi ŋga láaŋke la ehép, li oŋle la lipitá mi byɛɛ́, mi ŋgá kɛ ɓé ma lí wú lí mbɔɔla. Ndí, lipitá jáma lí ŋgí yáhɛ jɔ́ lísɛ, ányúū nɛ, ɛ́ ɓɛ́ lɛn, ɛ́ ɓɛ́ eceg ɛ́sɛ, lipém lí Nyɔ́-a-Pɔ́hlɛ líg kɛ li ɛ́nyéne á nyúū yáma, li loole la éniŋ yáma tɔ la nyɛ̄mb yama.

Elōg-Hébɛl 9:12

Eceg Yésus a níŋgléé ŋgele ya ányúū yɔ́ ɛ́sɛ á ndugá ya lóohan púán, ah micii mí ɓálōm bí mítōmbɛ́ la mí mí ɓɔ́ɔ̄n bí nyága ɓé nɛ a tíéé kaa nsúlé, ndí micii mɛ́ɛ́ nɛ a tíi, náŋ nɛ́ a pámɛ́ ɓɛ́hɛ á m̀ɓog á éɓem la eɓem.

Pétlos 1 1:18

Kasig miní ŋga yí nɛ́ ah la byoóm bí ŋga lɔ́ɓe ɓé, kaa góol tɔ sílba nɛ́ maná kɔplɛ́ á m̀ɓé a eniŋ yé maná kotó á yóg ɓasɔ́ŋɛ́ ɓáná,

Pétlos 1 2:9

Ndí, ɓɛ́nɛ miní lɛ́ mbota Ɔlolómɛ̄ a pɔ́hɔ, lilómɛ lí ɓatíi-nsúlé lí káísa, ndog-Ɔlolómɛ̄ nyí púán, lilóm jé Ɔlolómɛ̄ a pɔ́hɔ á li ɓɔŋ nɛ́ miní lɛ̄gɛ́ mam micɛ́ŋ a ɓɔ̄ŋ; nyɛ́ nɛ́ a yáŋá ɓɛ́nɛ nɛ́ miní ɓógó á lívito, á lí níŋgi á taŋ yɛɛ́ mipúú.

Pétlos 2 2:1

Á kwakwáŋɛ, ɓapɔ́tle-bí-Ɔ́lolómɛ̄ bí mínaa bí ɓɛ́ɛ́ á lílōm lí Íslāɛl. Náŋ ki nɛ́ ɓáyēglɛ bí mínaa bí ŋga kɛ́ li ɓɛ́ á póla yāná. Bíg kɛ li níŋgɛ lí miéélé miɓé á nsɔlɓɛ́ á lí jáŋɛ lí ɓot, li pám á ɔ́vega ví bí ŋga táŋɓan Nyɔ́ŋ-Ɛsáŋɛ́ nyɔ́ a tɔ́hɔ́ ɓɔ, la li kɛla lí ɓɔ́-mɛ̄n mpápá á njáŋgá.

Biyɛ́ɛ́léné 5:9

Bí ŋgí lɔ́ŋgɛ ŋgoso péná nɛ: «Ɔ kɔ́ɔ́ li lɛ́gle lí kálati la li kɔpɔ lí bíɓátan bí ndembye byɛ́ɛ́; ányúū nɛ ɓá sɛ́m wa líbīt, bú tí wa ákaa nsúlé; ányúū Ɔlolómɛ̄, wu sóm la micii mɔ́ɔ, ɓot bí jóō nɛ bikombo, bí jóō nɛ lilóm, bí jóō nɛ lilómɛ la ɓá bí mípɔ̄t mísɛ.